Actualitats
Lo Parlament Europèu comença l’an 2020 marcat per l’afar de Catalonha
Puigdemont e Comín son d’eurodeputats del temps que Junqueras demòra en preson. Pasmens, ten un burèu a son nom a Estrasborg
L’an 2020 comencèt ièr al Parlament Europèu, marcat per l’afar de l’independéncia de Catalonha e Aran. Qualques elegits del govèrn catalan perseguits per la justícia espanhòla son arribats dins l’eurocambra, es lo cas de Carles Puigdemont e Toni Comín que partiguèron en exili en Belgica e se presentèron a las eleccions europèas en obtenent un nombre considerable de vòtes. Per contra, lo qu’èra vicepresident, Oriol Junqueras, foguèt encarcerat en Espanha e, malgrat 1 257 484 vòtes e l’eleccion coma deputat europèu, la justícia espanhòla a decidit de lo manténer en preson e de li refusar l’immunitat que la li reconeis la Cort de Justícia de l’Union Europèa.
Ça que la, Junqueras ten un burèu a Estrasborg e lo mostrèt ièr sus Twitter l’eurodeputada Diana Riba, maridada amb l’èx-eurodeputat e presonièr politic catalan Raül Romeva. “Dins aqueste burèu vuèg i a 1 257 484 vòtes que son pas degudament representats . Es una vergonha democratica”, çò escriguèt.
Uèi, Puigdemont parlarà a l’eurocambra e son parladís genèra d’expectativas.
Mesa a jorn a 11h30
Ça que la, Junqueras ten un burèu a Estrasborg e lo mostrèt ièr sus Twitter l’eurodeputada Diana Riba, maridada amb l’èx-eurodeputat e presonièr politic catalan Raül Romeva. “Dins aqueste burèu vuèg i a 1 257 484 vòtes que son pas degudament representats . Es una vergonha democratica”, çò escriguèt.
Dins d'aquest despatx buit hi ha 1.257.484 vots que no estan sent representats degudament. És una vergonya democràtica #FreeMEPJunqueraspic.twitter.com/sLU6GDbivi
— Diana Riba i Giner (@DianaRibaGiner) January 13, 2020
Uèi, Puigdemont parlarà a l’eurocambra e son parladís genèra d’expectativas.
Mesa a jorn a 11h30
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Puigdemont e Comin podran exercir de diputas e tenen inmunitat. Los franquistas estan de dol. Un dia com a los nazis en alemanha e als fachistas italians, los auran de jutjar pels crims que cometeren durant lo franquisme.
E pas res de tot aquò dins los jornals de France 2... Nimai fòrça autres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari