Actualitats
Una setmana en Cabardés
En aquesta fin de genièr, aquel país de l’oèst de Carcassona e al pè de la Montanha Negra coneisserà una tièra de rendètz-vos occitans
Alan RochFasètz la Lenga en Cabardés en amassada generala
L’associacion Fasètz la Lenga en Cabardés tendrà son amassada generala annadièra aqueste dimars 21 de genièr, a 6 oras e mièja a l’Ostal de Cabardés d’Argon. En mai de tornar sus las activitats passadas, serà un moment per insistir suls rendètz-vos bèls de l’annada: la quinzenada d’animacion, una quina (lo 27 de març a Vilagalhenc), lo viatge a Malhòrca del grop vocal Cossí que Siague (del 1r a 4 de mai).
Se sap ja que long d’una quinzenada de... dètz jorns, l’estrena serà acompanhada d’un concèrt d’Aqueles (divendres 28 de febrièr, a Vilagalhenc); talhièr-cosina e passejada (dimenge 1r de març a Puègnautièr); la pèça Lo garrèl (dimars 3 de març, a Puègnautièr); la conferéncia teatralizada sus Carnaval del Teatre de las Originas (dimècres 4 de març, a Mossolens), un concèrt de Vox Bigerri (divendres 6 de març, a Ventenac de Cabardés), taulejada e balèti amb Fresquèl per clavar (dissabte 7 de març, a Argon). Lo Pebrin-Teatre de las Originas intervendrà tanben dins las escòlas dels cinc vilatges.
D’istòrias per las Ivernalas de Cabardés
L’Institut d’Estudis Occitans d’Aude organiza dos espectacles a Puègnautièr.
Dimècres 22 de genièr, Gèli Buonomò e Viviana Allocò interpretaràn pel jove public (e los parents qu’acompanharàn) la creacion recenta de TIO-La Rampa: Istòrias. L’adaptacion en occitan d’aquelas pichonas istòrias per soscar, rire o plorar escritas pel quebequés Gerald Chevrolet (Miche et Drate) es deguda a Alan Roch.
Dissabte 25, a 7 oras del vèspre, totjorn a Na Loba, Florant Mercadièr serà sus l’empont per un espectacle original. Dirà e cantarà amb son umor costumièr lo grand viatge d’un roergàs de son vilatge avaironés a la vilassa: Tolosa. Ne profeitarà per rendre omenatge a sos mèstres: Padena, Terèsa Canet, Joan Bodon, Joan-Loís Cortial, son paire e maites…
Un sopar convivial preparat per la calandreta de Carcassona seguirà a l’entorn d’una estofinada coma en Roergue! (espectacle e sopar: 18 èuros; reservar pel sopar: +33(0)4 68 25 19 78 o ieo11@ieo-oc...)
E un còp de vin!
Gèli Buonomò demorarà en Cabardés per presentar lo divendres 24 de genièr a Montoliu (20h45) l’espectacle Le vin bourru, d’aprèp lo libre de Jean-Claude Carrière. Un tèxte de remembres sus la vida viticòla en Lengadòc al ritme de la vida d’abans del temps dels cavals, una soscadissa suls remembres e lo temps que passa entre poda e vendémias. Una tasta de vins de Cabardés (19h30) precedirà la representacion (20h45).
Lo reialme de la trufa negra
Per clavar la setmana, amb las Ampelofoliás de Cabardés se tendrà a Mossolens, lo grand rendètz-vos dels vins e de la trufa negra lo dimenge 26 de genièr amb un grand mercat del terrador (80 taulièrs; l’IEO Aude presentarà las produccions literàrias occitanas), tasta de vins (Cabardés e tuc convidat: Cremant de Bordèu), vesita del Conservatòri Truficòla, demostracion de cosina trufada, entrepans trufats, musica (amb la Fanfara dels Golamàs), animacions pels enfants, mòstras fotograficas... Per se pèrdre pas sul camp de fièra, Isabèla Francés tendrà lo ròtle d’enquantaira! E a doas oras e mièja del vèspre, serà lo moment fòrt del mercat de las trufas negras.
Alan Roch
L’associacion Fasètz la Lenga en Cabardés tendrà son amassada generala annadièra aqueste dimars 21 de genièr, a 6 oras e mièja a l’Ostal de Cabardés d’Argon. En mai de tornar sus las activitats passadas, serà un moment per insistir suls rendètz-vos bèls de l’annada: la quinzenada d’animacion, una quina (lo 27 de març a Vilagalhenc), lo viatge a Malhòrca del grop vocal Cossí que Siague (del 1r a 4 de mai).
Se sap ja que long d’una quinzenada de... dètz jorns, l’estrena serà acompanhada d’un concèrt d’Aqueles (divendres 28 de febrièr, a Vilagalhenc); talhièr-cosina e passejada (dimenge 1r de març a Puègnautièr); la pèça Lo garrèl (dimars 3 de març, a Puègnautièr); la conferéncia teatralizada sus Carnaval del Teatre de las Originas (dimècres 4 de març, a Mossolens), un concèrt de Vox Bigerri (divendres 6 de març, a Ventenac de Cabardés), taulejada e balèti amb Fresquèl per clavar (dissabte 7 de març, a Argon). Lo Pebrin-Teatre de las Originas intervendrà tanben dins las escòlas dels cinc vilatges.
D’istòrias per las Ivernalas de Cabardés
L’Institut d’Estudis Occitans d’Aude organiza dos espectacles a Puègnautièr.
Dimècres 22 de genièr, Gèli Buonomò e Viviana Allocò interpretaràn pel jove public (e los parents qu’acompanharàn) la creacion recenta de TIO-La Rampa: Istòrias. L’adaptacion en occitan d’aquelas pichonas istòrias per soscar, rire o plorar escritas pel quebequés Gerald Chevrolet (Miche et Drate) es deguda a Alan Roch.
Dissabte 25, a 7 oras del vèspre, totjorn a Na Loba, Florant Mercadièr serà sus l’empont per un espectacle original. Dirà e cantarà amb son umor costumièr lo grand viatge d’un roergàs de son vilatge avaironés a la vilassa: Tolosa. Ne profeitarà per rendre omenatge a sos mèstres: Padena, Terèsa Canet, Joan Bodon, Joan-Loís Cortial, son paire e maites…
Un sopar convivial preparat per la calandreta de Carcassona seguirà a l’entorn d’una estofinada coma en Roergue! (espectacle e sopar: 18 èuros; reservar pel sopar: +33(0)4 68 25 19 78 o ieo11@ieo-oc...)
E un còp de vin!
Gèli Buonomò demorarà en Cabardés per presentar lo divendres 24 de genièr a Montoliu (20h45) l’espectacle Le vin bourru, d’aprèp lo libre de Jean-Claude Carrière. Un tèxte de remembres sus la vida viticòla en Lengadòc al ritme de la vida d’abans del temps dels cavals, una soscadissa suls remembres e lo temps que passa entre poda e vendémias. Una tasta de vins de Cabardés (19h30) precedirà la representacion (20h45).
Lo reialme de la trufa negra
Per clavar la setmana, amb las Ampelofoliás de Cabardés se tendrà a Mossolens, lo grand rendètz-vos dels vins e de la trufa negra lo dimenge 26 de genièr amb un grand mercat del terrador (80 taulièrs; l’IEO Aude presentarà las produccions literàrias occitanas), tasta de vins (Cabardés e tuc convidat: Cremant de Bordèu), vesita del Conservatòri Truficòla, demostracion de cosina trufada, entrepans trufats, musica (amb la Fanfara dels Golamàs), animacions pels enfants, mòstras fotograficas... Per se pèrdre pas sul camp de fièra, Isabèla Francés tendrà lo ròtle d’enquantaira! E a doas oras e mièja del vèspre, serà lo moment fòrt del mercat de las trufas negras.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quan anet a Carcassona aguet una gran alegria de qu' a lo meravelhós conjunt monumental i agués telefons guia per poder segre las explicacions en catalan.
Ieu que reste dempuèi pauc dins lo ròdol de Carcassona siái estabosida davant la riquèsa deis accions occitanas menadas dins lo caire. M'i regale
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari