Après tres annadas d’enebicion, las autoritats turcas an enfin tornat permetre l’accès a Wikipèdia. La fin del blocatge l’anoncièt la fondacion Wikimedia dimècres passat, lo meteis jorn que l’enciclopèdia collaborativa mondiala e plurilíngua festejava son 19n anniversari.
 
La lei turca permet al govèrn de blocar de sits web que considèra coma una menaça per la seguretat nacionala. Dins aquel sens, una senténcia d’un tribunal d’Ankara donèt  rason al govèrn turc fa tres ans per aver barrat l’accès a Wikipèdia. Ara, tres ans puèi, la Cort Constitucionala de Turquia a donat rason al recors de la fondacion Wikimèdia, e l’enciclopèdia collaborativa es tornarmai en linha dins las frontièras de l’estat turc.
 
La Wikipèdia foguèt interdicha en Turquia en abril de 2017 après que lo govèrn aguèt exigit, sens succès, que l’enciclopèdia en linha eliminèsse qualques intradas que parlavan d’un eventual sosten de l’executiu d’Ankara a l’Estat Islamic en Siria. La còla de Wikipèdia refusèt d’intervenir dins lo contengut dels articles, que s’elabòran de costuma mejançant un procès de debat entre los collaboradors, sovent anonims.
 
Lo govèrn turc a tanben barrat maites còps l’accès a Twitter e YouTube e se calcula qu’a l’ora d’ara Ankara manten lo blocatge d’environ 288 000 sits web.
 

Gereksiz sıfırlar ve VPN'lere elveda diyoruz!

Erişim engelimiz sona erdi! Hepinizi Özgür Ansiklopedi Vikipedi'ye katkı sağlamaya bekliyoruz.

Nasıl mı: https://t.co/9Om8q2OpMcpic.twitter.com/My5RtDPhMT

— Wikimedia Türkiye (@WikimediaTurkey) January 15, 2020

 
En Espanha se poiriá passar la meteissa causa
 
Wikimèdia remembra que lo nòu Decret de Seguretat Publica de l’estat espanhòl poiriá generar d’episòdis similars. Segon aquel decret, l’estat poirà assumir la “gestion dirècta o l’intervencion suls rets e servicis de telecomunicacions electronicas” quand considerarà que son en perilh l’òrdre public o la seguretat estatala. A mai, poirà intervenir sus “quina infrastructura que siá, ressorsa associada o element o nivèl del ret o del servici” que caldrà per restablir l’òrdre e la seguretat
 
 

ÚLTIMA HORA: noves dades asseguren que el domini de @Viquipedia ja s’ha reestablert a Turquia, on ha estat bloquejada gairebé 3 anys!

Recordem que el nou Decret de Seguretat Pública espanyol podria desencadenar episodis similars. Insistim en el comunicat emès fa dos mesos. https://t.co/KiyLCmaF79pic.twitter.com/3MfEGhhg5f

— Amical Wikimedia (@AmicalWikimedia) January 15, 2020