CAPÇALERA PAIS INVISIBLE

Actualitats

EnvironamentInternacionalPoliticaSocietat

Brussèlas: mai de 60 detenguts dins una protèsta environamentalista

D’activistas d’Extinction Rebellion avián ocupat lo Salon de l’Automobila per realizar una tièra d’accions de protèsta

La polícia de Brussèlas a detengut mai d’un centenat de militants d’Extinction Rebellion que protestavan aquesta dimenjada al Salon de l’Automobila. Los manifestants èran intrats dins la fièra en s’indignant de “l’imatge enganaira” del sector.
 
Jos lo lèma “Salon of lies”, es a dire “Salon de las messorgas”, los activistas an menat una tièra d’accions que son pas passadas inapercebudas.
 
Extinction Rebellion es una organizacion nascuda al Reialme Unit que reüssiguèt a blocar lo centre de Londres pendent 11 jorns en abril passat e qu’an per tòca de mobilizar d’activistas dins lo Mond entièr per exigir la reduccion a zèro de las emissions de gases d’efièch de sèrra per l’an 2025, e evitar la pèrda de la biodiversitat. En octòbre passat, manifestèron dins environ seissanta vilas de la planeta a l’encòp.
 
 
 
 
 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Los manifestants an fait força be de protestar contra lo salon de l'automobil qu' es lo contaminant de las capitalas. E calria que tamben es facecen en Barcelona qu' es una de las mai contaminadas.

  • 3
  • 0
Pitaluga
1.

Per parafrasar lo grandàs:

L'ostal crema, e las fòrças de l'òrdre tustan!

Avèm avançat dempuèi que diguèt: "et on regarde ailleurs!"

  • 3
  • 0

Escriu un comentari sus aqueste article