Actualitats
Cogolin: qualques vitatges an començat de mostrar de fuèlhas e de borrons
Los vinhairons del parçan son inquiets: aquò s’era pas jamai vist en plen ivèrn
Sus las còstas de Provença, qualques vitatges an començat de mostrar de fuèlhas e de borrons, un fenomèn extrèmament rar d’ivèrn qu’inquieta los vinhairons del parçan segon Nice-Matin.
Lo quotidian niçard prepausa un reportatge après una entrevista amb un vinhairon del domeni de la Giscla, sul camin de Colobrieras a Cogolin (Mauras), qu’assegura qu’en genièr de sa vida aviá pas jamai vist aquò. “Tot çò que se passa aicí es a l’invèrs de la logica”. Las fuèlhas començan d’espelir al mes d’abril, segon aquel vinhairon, que se mòstra “preocupat”.
Çò que l’inquieta mai es d’afrontar çò desconegut. “Per comprene, basta d’agachar lo temps. Quant èri miston, d’ivern fasiá fins a -10oC o -11oC. Es acabat, tot aquò. Se siam a -4oC, es excepcionau. E aquí, per lo primier còp au nòstre, a pas fach pron de freg per que la saba redescenda”. D’efièch, après son cicle abitual, la vinha s’es sulpic tornada metre en produccion en fasent montar la saba e aparéisser las primièras fuelhas e borrons. “Es plen de saba! Lei vinhas ploran encara. A aquest moment de l’annada, non es pas normau”.
De veire se l’arribada, enfin, del freg d’ivèrn va normalizar las causas. Per ara, sembla que los vinhairons provençals son ansiós.
Lo quotidian niçard prepausa un reportatge après una entrevista amb un vinhairon del domeni de la Giscla, sul camin de Colobrieras a Cogolin (Mauras), qu’assegura qu’en genièr de sa vida aviá pas jamai vist aquò. “Tot çò que se passa aicí es a l’invèrs de la logica”. Las fuèlhas començan d’espelir al mes d’abril, segon aquel vinhairon, que se mòstra “preocupat”.
Çò que l’inquieta mai es d’afrontar çò desconegut. “Per comprene, basta d’agachar lo temps. Quant èri miston, d’ivern fasiá fins a -10oC o -11oC. Es acabat, tot aquò. Se siam a -4oC, es excepcionau. E aquí, per lo primier còp au nòstre, a pas fach pron de freg per que la saba redescenda”. D’efièch, après son cicle abitual, la vinha s’es sulpic tornada metre en produccion en fasent montar la saba e aparéisser las primièras fuelhas e borrons. “Es plen de saba! Lei vinhas ploran encara. A aquest moment de l’annada, non es pas normau”.
De veire se l’arribada, enfin, del freg d’ivèrn va normalizar las causas. Per ara, sembla que los vinhairons provençals son ansiós.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aniré a guaitar las duas parretas joves que tenc, a veire se tanben an començat a treure brots o botons.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari