Actualitats
Margarida: s'alestís la 10a edicion del festenal Rescontre de vidèo e cinèma
Lo festenal presenta ongan 17 cortmetratges rodats en Occitània tota, de Gasconha al País Niçard
La 10a edicion del festenal Rescontre de vidèo e cinèma, se tendrà a la Mediatèca de Margarida (Costièra de Nimes) lo dissabte 8 de febrièr que ven. Sostengut per la comuna de Margarida amb lo partenariat de la Mediatèca Simone Veil, de las associacions Raions d’Òc (creatritz del festenal) e TV Mistral, l’eveniment es ongan organizat per l’associacion Tè Vé Òc.
Lo festenal presenta al public dempuèi dètz ans de documentaris, reportatges, diaporamas, animacions, clips musicals, etc. Ongan, se presenta 17 filmòts rodats en Occitània tota. Enfin, i aurà un aperitiu ofèrt per la comuna.
I serem
Ongan la còla i serem amb un autre dels projèctes de l'associacion ADÒC que fasèm Jornalet. S'agís d'Eth Ligam Occitan, una seguida de petits vidèos cairats e legibles que lor tòca es de sarrar del public aranés la rèsta de la realitat culturala occitana.
Lo festenal presenta al public dempuèi dètz ans de documentaris, reportatges, diaporamas, animacions, clips musicals, etc. Ongan, se presenta 17 filmòts rodats en Occitània tota. Enfin, i aurà un aperitiu ofèrt per la comuna.
I serem
Ongan la còla i serem amb un autre dels projèctes de l'associacion ADÒC que fasèm Jornalet. S'agís d'Eth Ligam Occitan, una seguida de petits vidèos cairats e legibles que lor tòca es de sarrar del public aranés la rèsta de la realitat culturala occitana.
| fffff | fffff | |
| Te Ve Òc es una associacion creada a Nimes en 2012. Es productritz d’emissions, reportatges e filmes en occitan. “L’emission de 13 minutas, Lenga d’òc, es difusada sus TV Sud, Médias du sud, cada setmana; e lo sit ne presenta un trentenat en redifusion. Sul sit i a tota mena d’informacions e entresenhas”, çò a explicat Lisa Gròs a Jornalet, que precisa que “lo CIRDÒC presenta tanben sus Occitanica mai d’una emission e met en linha cada setmana la que sortís”. Las emissions de Te Ve Òc se presentan dins la seccion de vidèo de Jornalet. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En la Mediateca de Nimes Margalida, "El ligam Occitan" amb videos curts per explicar la nostra cultura, es una bonissima idea per ensenhar al gran public sense cansar ni posar se pesats, la cultura del que foguet e es Occitania: Començant pels trobadors e posant qualque canson per que vejan que se comprene e que son d'actualitat amb los temas del Fin'Amor.
Vidèo*, cinèma*, opèra*
L'accent tonic escriut aquí sus la sillaba centrala brèva atòna del latin e mai de totas lengas romanicas, passa pas en parlar popular tanpauc.
En mestior de mòts cultes o manlevats del grèco-latin, se le proparoxitòn se resòlv pas en contraccion (sincòpa), se non en un quich doble, a l'iniciala e la finala, d'intensitat e de nautor desparièira.
S'ause quicòm coma vide-o, cine-ma, òpe-ra, aicì e de pertot, e se pòt graficament marcar le quich sus l'iniciala (de per convencion) o la finala qu'es pas trop mai estimabla.
es un plasèr d'aculhir aquest'an de produccion dau Jornalet.
Tot es lèst per reçaupre lo public !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari