Actualitats
Lo ligam cerebral
Aquel tipe de relacion sensoriala arribariá al moment de jogar, d’escotar una istòria o sonque s’agachar l’un a l’autre
Qual es lo possible ligam cerebral entre un adulte e un mainat a l’ora de jogar? E i a un ligam? E de quin tipe? Semblariá èsser que òc, pr’amor qu’un estudi confirmèt lo ligam temporal cerebral demest adultes e mainats a l’ora de jogar o legir una istòria. Segon los cercaires, i auriá una sòrta de meteissa onda entre ambedós, un fach desconegut fins ara.
L’estudi foguèt dirigit per una còla de psicològs de l’Universitat de Princeton, que voliá confirmar s’existissiá qualque tipe de ligam cerebral entre un mainat e un adulte a l’ora del jòc. Aquel tipe de relacion sensoriala arribariá al moment de jogar, d’escotar una istòria o sonque s’agachar l’un a l’autre.
D’estudis anteriors avián ja confirmat qu’existissiá una sòrta de ligam cerebral entre adultes quand agachavan un filme o escotavan la meteissa istòria. La suspresa arribèt quand lo nòu estudi confirmèt que çò de meteis se debanava entre un adulte e un mainat. L’estudi es estat publicat dins la revista numerica Psychological Science.
Segon los cercaires qu’an realizat l’estudi, i a una mena de sincronia neuronala entre un adulte e un mainat qu’a de grandas implicacions pel desvolopament social e l’aprendissatge lingüistic. Per o poder trobar, los cercaires creèron un nòu metòde que consistissiá a enregistrar l’activitat neuronala simultanèa d’un adulte e un nenet, durant lo temps de jòc.
L’experiment se faguèt en tot enregistrar çò que se passava al nivèl neuronal entre un adulte (lo meteis) e 42 mainats amb d’edats compresas entre 9 e 15 meses. Pendent l’experiment, l’adulte interagissiá pendent cinc minutas amb lo nenet abans de jogar amb el o de legir un libre per enfants. Lo mainat èra totjorn amb sos paires. Fins a 52 canals cerebrals foguèron trobats que donavan de donadas sus de camps coma la prediccion, lo tractament del lengatge e la compreneson.
Una sincronizacion cerebrala
Al moment d’estudiar las donadas scientificas, foguèt descobèrt qu’existissiá un tipe de sincronizacion en divèrses airals cerebrals del nenet e l’adulte. E quand l’adulte se desseparava de l’enfant, aquel ligam neuronal s’arrestava totalament. Mas la suspresa màger foguèt quand los cercaires avián aquela sòrta de ligam.
Per ansin, lo ligam màger foguèt trobat dins lo cortèx prefrontal —una part del cervèl en relacion amb lo fach d’aprene, de pensar a l’avenir o d’executar cèrtas foncions e que se pensava que sonque se desvolopava fòrça mai tard—. “Nòstra suspresa foguèt granda al moment de poder confirmar scientificament que los dos cervèls èran ligats amassa durant qualques segondas, çò diguèt Lew-Williams, psicològ qu’a participat a aquel estudi. Aquò vòl dire que los mainats son pas sonque receptors passius de l’informacion que recebon mas que tanben dirigisson l’adulte a l’ora de parlar o jogar”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
L’estudi foguèt dirigit per una còla de psicològs de l’Universitat de Princeton, que voliá confirmar s’existissiá qualque tipe de ligam cerebral entre un mainat e un adulte a l’ora del jòc. Aquel tipe de relacion sensoriala arribariá al moment de jogar, d’escotar una istòria o sonque s’agachar l’un a l’autre.
D’estudis anteriors avián ja confirmat qu’existissiá una sòrta de ligam cerebral entre adultes quand agachavan un filme o escotavan la meteissa istòria. La suspresa arribèt quand lo nòu estudi confirmèt que çò de meteis se debanava entre un adulte e un mainat. L’estudi es estat publicat dins la revista numerica Psychological Science.
Segon los cercaires qu’an realizat l’estudi, i a una mena de sincronia neuronala entre un adulte e un mainat qu’a de grandas implicacions pel desvolopament social e l’aprendissatge lingüistic. Per o poder trobar, los cercaires creèron un nòu metòde que consistissiá a enregistrar l’activitat neuronala simultanèa d’un adulte e un nenet, durant lo temps de jòc.
L’experiment se faguèt en tot enregistrar çò que se passava al nivèl neuronal entre un adulte (lo meteis) e 42 mainats amb d’edats compresas entre 9 e 15 meses. Pendent l’experiment, l’adulte interagissiá pendent cinc minutas amb lo nenet abans de jogar amb el o de legir un libre per enfants. Lo mainat èra totjorn amb sos paires. Fins a 52 canals cerebrals foguèron trobats que donavan de donadas sus de camps coma la prediccion, lo tractament del lengatge e la compreneson.
Una sincronizacion cerebrala
Al moment d’estudiar las donadas scientificas, foguèt descobèrt qu’existissiá un tipe de sincronizacion en divèrses airals cerebrals del nenet e l’adulte. E quand l’adulte se desseparava de l’enfant, aquel ligam neuronal s’arrestava totalament. Mas la suspresa màger foguèt quand los cercaires avián aquela sòrta de ligam.
Per ansin, lo ligam màger foguèt trobat dins lo cortèx prefrontal —una part del cervèl en relacion amb lo fach d’aprene, de pensar a l’avenir o d’executar cèrtas foncions e que se pensava que sonque se desvolopava fòrça mai tard—. “Nòstra suspresa foguèt granda al moment de poder confirmar scientificament que los dos cervèls èran ligats amassa durant qualques segondas, çò diguèt Lew-Williams, psicològ qu’a participat a aquel estudi. Aquò vòl dire que los mainats son pas sonque receptors passius de l’informacion que recebon mas que tanben dirigisson l’adulte a l’ora de parlar o jogar”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a entre infant e adulte una union que pot durar tota la vida se l'adulte vol e sap aver paciencia e non falhar li mai amb castics o paraulas agressivas. Se sap mantenir un clima carinhós tota la vida, es l'amor etern.
An descobèrt lo ligan que m'unissiá a Flamenca quand èra embarrada dins la torre del sieu marit gélós a Montfòrt, al país dels amòris…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari