Actualitats
Yan Lespoux reelegit president de la FÈLCO del temps que Nicolau Rei-Bèthvéder deplora una “pantalonada”
Dins un comunicat mandat per e-mail, Rei-Bèthvéder escriu que pensa pas de far cap d’accion de contèsta perque l’unitat del movement es importanta, mas prepausa de reflexions a far
Yan Lespoux es estat reelegit president de la Federacion dels Ensenhaires de Lenga e Cultura d’ÒC (FÈLCO) dins una Assemblada Generala amb una participacion ineditament nauta. L’autre candidat, Nicolau Rei-Bèthvéder, a felicitat Lespoux e o fa “clarament pr’amor que [pensa] que i avèva, dins l’Assemblada Generala, ua clara majoritat entà eth”. Ça que la, Rei-Bèthvéder denóncia tanben de grèus problèmas democratics al sen de la FÈLCO e quitament denóncia una “pantalonada”.
En mai d’aquò, Rei-Bèthvéder denóncia encara mai d’irregularitats dins l’eleccion de tot lo burèu, coma de vòtes que deurián èsser considerats invalids per manca dels dètz candidats e tanben un nombre insufisent de listas imprimidas. Tanben planh que lo president onorari, que deuriá aver una votz solament consultativa, aguèt drech de vòte.
Totun, Rei-Bèthvéder assolida que pensa pas de far cap d’accion de contèsta “pr’amor que los 50 ans deu CRÈO [Centre Regional dels Ensenhaires d’Occitan de l’Acadèmia de Tolosa] e l’unitat deu [lor] movement son mès importants entà [eth]”. Per tant, assegura qu’accèpta lo Conselh d’Administracion e lo burèu actuals “pr’amor de las medishas rasons d’eficacitat e d’unitat”.
Quin avenir?
Dins un comunicat mandat per e-mail, Rèi- Bèthvéder espèra “la democratizacion e modernizacion” de la FÈLCO del temps que lança un debat sus l’avenir de la federacion d’ensenhaires occitanistas.
A prepaus de la delicada situacion actuala —”vivèm ua ataca òrra deu govèrn Macron-Blanquer contra las lengas regionalas”— Rei-Bèthvéder demanda “l’union de tots: sindicats, Felibritge, Calandreta, FÈLCO, IEO e au delà encara”. En mai d’aquò, demanda de sortir “d’ua vision centrada sus Lengadòc e [d’] arribar a que l’ÒPLO cobrisca l’ensemble de l’espaci occitan. Perqué pas acceptar d’ensenhaires araneses o italians de las Valadas a la FÈLCO?”, çò se demanda.
Una corsa populara
Coma o manifestava fa qualques jorns dins una entrevista publicada per Jornalet, Rei-Bèthvéder insistís sus sa proposicion “d’ua corruda populara de l’estil La Passem entà la lenga de Niça a Baiona, damb un messatge simple e federator”. Segon l’ensenhaire, aquò “popularizaré la nòsta accion e permeteré d’associar melhor los ensenhaires deu prumèr grad”.
Se servir dels elegits
Enfin, tanben insistís sus l’idèa de se servir dels elegits locals que sostenon l’ensenhament en occitan. Dins aquel sens, compara lo trabalh efectuat dins las circonscripcions escolaras, dichas acadèmias, de Tolosa e de Montpelhièr. “Se lo CRÈO de l’acadèmia de Tolosa podoc recuperar ua dotacion orària especifica entà l’occitan, es pr’amor que mobilizèm los elegits de las collectivitats localas. Dins l’acadèmia de Montpelhièr aqueste trabalh manquèc e ara la situacion es a las acabalhas. A la rintrada 2020, i aurà pas 100 liceans en occitan en Baish Lengadòc sus 50 000 escolans en totau, sia lo 0,002%...”
Lo Conselh d’Administracion de la FÈLCO
Presidit tornarmai per Yan Lespoux, lo Conselh d’Administracion de la FÈLCO es ara compausat d’Eric Barta, Olivièr Capòni, Silvan Chabaud, Gautièr Cofin, Julian Konopnicki, Estela Lama, Cristau Larrocan, Jeremy Marçais, Gilabèrt Mercadièr e Matieu Poitavin.
De legir sus Aquò d'Aquí: La Felco garda son president e vòu chanjar d’estatuts
“Lo mon nom estoc pas imprimit suus bulletins de vòte. Èra donc dificil de votar entà jo... Ac calèva ajustar a l’estilo e lo mon nom èi pas deus simples a escríver! Estoc batut damb 43 votzes quan me’n calèva 57. Pr’aquò, avèvi clarament dit que me presentavi davant l’Assemblada Generala.”
En mai d’aquò, Rei-Bèthvéder denóncia encara mai d’irregularitats dins l’eleccion de tot lo burèu, coma de vòtes que deurián èsser considerats invalids per manca dels dètz candidats e tanben un nombre insufisent de listas imprimidas. Tanben planh que lo president onorari, que deuriá aver una votz solament consultativa, aguèt drech de vòte.
Totun, Rei-Bèthvéder assolida que pensa pas de far cap d’accion de contèsta “pr’amor que los 50 ans deu CRÈO [Centre Regional dels Ensenhaires d’Occitan de l’Acadèmia de Tolosa] e l’unitat deu [lor] movement son mès importants entà [eth]”. Per tant, assegura qu’accèpta lo Conselh d’Administracion e lo burèu actuals “pr’amor de las medishas rasons d’eficacitat e d’unitat”.
Quin avenir?
Dins un comunicat mandat per e-mail, Rèi- Bèthvéder espèra “la democratizacion e modernizacion” de la FÈLCO del temps que lança un debat sus l’avenir de la federacion d’ensenhaires occitanistas.
A prepaus de la delicada situacion actuala —”vivèm ua ataca òrra deu govèrn Macron-Blanquer contra las lengas regionalas”— Rei-Bèthvéder demanda “l’union de tots: sindicats, Felibritge, Calandreta, FÈLCO, IEO e au delà encara”. En mai d’aquò, demanda de sortir “d’ua vision centrada sus Lengadòc e [d’] arribar a que l’ÒPLO cobrisca l’ensemble de l’espaci occitan. Perqué pas acceptar d’ensenhaires araneses o italians de las Valadas a la FÈLCO?”, çò se demanda.
Una corsa populara
Coma o manifestava fa qualques jorns dins una entrevista publicada per Jornalet, Rei-Bèthvéder insistís sus sa proposicion “d’ua corruda populara de l’estil La Passem entà la lenga de Niça a Baiona, damb un messatge simple e federator”. Segon l’ensenhaire, aquò “popularizaré la nòsta accion e permeteré d’associar melhor los ensenhaires deu prumèr grad”.
Se servir dels elegits
Enfin, tanben insistís sus l’idèa de se servir dels elegits locals que sostenon l’ensenhament en occitan. Dins aquel sens, compara lo trabalh efectuat dins las circonscripcions escolaras, dichas acadèmias, de Tolosa e de Montpelhièr. “Se lo CRÈO de l’acadèmia de Tolosa podoc recuperar ua dotacion orària especifica entà l’occitan, es pr’amor que mobilizèm los elegits de las collectivitats localas. Dins l’acadèmia de Montpelhièr aqueste trabalh manquèc e ara la situacion es a las acabalhas. A la rintrada 2020, i aurà pas 100 liceans en occitan en Baish Lengadòc sus 50 000 escolans en totau, sia lo 0,002%...”
Lo Conselh d’Administracion de la FÈLCO
Presidit tornarmai per Yan Lespoux, lo Conselh d’Administracion de la FÈLCO es ara compausat d’Eric Barta, Olivièr Capòni, Silvan Chabaud, Gautièr Cofin, Julian Konopnicki, Estela Lama, Cristau Larrocan, Jeremy Marçais, Gilabèrt Mercadièr e Matieu Poitavin.
De legir sus Aquò d'Aquí: La Felco garda son president e vòu chanjar d’estatuts
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es de mau comprene l'actitud dau Rei-Bèthveder.
Se l'a efectivament agut de maufoccionaments grèus, a lo dever de portar lo clam, perqué l'occitanisme s'amerita d'estructuras transparentas e democraticas. L'excusa de l'unitat de 'associacion, tròbi aquò un pauc aisit.
Siatz COMPLETAMENT fòra subjècte. Basta de trolar, que lo subjècte es seriós
#20 Non soi gaire segur que lo grand creatiu prosaïc qu'es Cassinhac vos tròbe tanpauc gaire simpatic. Son dicionari es un glossari idiolectal espectaclós, e es luènh d'èsser unic subre aqueste sicut, coma l'actualitat editoriala o nos mòstra fòrt plan. Mas l'òbra de Cassinhac non a res que permeta de percebre çò que sèm plan luènh enlà de çò qu'avèm ni de çò que nos estacam a paréisser, ni, partent, de percèbre çò qu'sds lo mond, dins nosautres tanplan coma davant nosautres, luènh enlà lo vel de las semblanças.
Non ai per tòca principala d'èsser ni de paréisser simpatic quand remembri a totes çò que Poesia e Subrerealisme non son, del punt de vista definicional. A fòrça de daissar dire qué que siá subre aqueste dos domanis, pervenèm a ne pèrde cap e tot las definicions respectivas, e, d'aquí essent, tot l'interès e los enjòcs civilizacionals que pòrtan un e l'autre. E aquò me desòla e non ma pòrta a galejar.
#15 Car sénher, m'avètz condrechat de la faiçon mai bona, m'o cal plan reconèisser. E dins la vòstra bibliotèca avètz pas un tractat sus l'amabilitat de m'aconselhar? Non tròbi pas la vòstra intervencion tròp aimabla personalament. Aquò rai, quòra nos rescontrarem, vos convidarai a un bon repais amb de bon vin per vos far cambiar d'umor. Pissar de vinagre fa pas de ben a la tension. .
#18 *exemplaris -> exemplars
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari