Actualitats
Puigdemont serà a Perpinhan lo 29 de febrièr
En profechant de lor immunitat d’eurodeputats, tres elegits catalans en exili seràn sul sòl catalan en Rosselhon dins un grand eveniment
Lo president de la Generalitat de Catalonha en exili, Carles Puigdemont, e los èx-ministres de son govèrn, Toni Comín e Clara Ponsatí, seràn a Perpinhan lo 29 de febrièr que ven. E mai sián perseguits per la justícia espanhòla, los elegits exiliats son ara eurodeputats e an l'immunitat que lor balha la seguretat d'èsser pas arrestats dins l'estat francés. Es atal que tornaràn en Catalonha. De remarcar que la justícia espanhòla ne demanda l'extradicion en los acusant de sedicion per aver organizat un referendum sus l'independéncia de Catalonha en octòbre de 2017 mas que ni la justícia bèlga, ni l'alemanda ni l'escocesa l'an pas acceptada.
Per tant, lo Conselh per la Republica farà lo 29 de febrièr un grand eveniment al Pargue de las Exposicions de Perpinhan al qual participaràn los tres elegits en exili. Començarà a miègjorn e durarà mens de doas oras. Se calcula que mai de 50 000 personas se gandiràn dins la capitala de Rosselhon per escotar los eurodeputats exiliats.
En mai d'aquò, la delegacion nòrd-catalana del Conselh per la Republica vòl profechar d’aquela escasença per far conéisser Catalonha Nòrd, fòrça desconeguda dins la Catalonha al sud de la frontièra politica.
De soslinhar que las autoritats francesas an anonciat qu'en cap de cas arrestarián pas Puigdemont a Perpinhan. Segon la pòrtavotz del govèrn francés, Sibeth Ndiaye, “la posicion de França es totjorn estada constanta: respectam la sobeiranetat de l'estat espanhòl e sa justícia. Sénher Puigdemont es deputat europèu, doncas dispausa d'immunitat parlamentària. Espanha a fach una demanda de levada d'aquela immunitat al Parlament europèu que n'a pas, ara per ara, aduch de responsa”.
Per tant, lo Conselh per la Republica farà lo 29 de febrièr un grand eveniment al Pargue de las Exposicions de Perpinhan al qual participaràn los tres elegits en exili. Començarà a miègjorn e durarà mens de doas oras. Se calcula que mai de 50 000 personas se gandiràn dins la capitala de Rosselhon per escotar los eurodeputats exiliats.
En mai d'aquò, la delegacion nòrd-catalana del Conselh per la Republica vòl profechar d’aquela escasença per far conéisser Catalonha Nòrd, fòrça desconeguda dins la Catalonha al sud de la frontièra politica.
De soslinhar que las autoritats francesas an anonciat qu'en cap de cas arrestarián pas Puigdemont a Perpinhan. Segon la pòrtavotz del govèrn francés, Sibeth Ndiaye, “la posicion de França es totjorn estada constanta: respectam la sobeiranetat de l'estat espanhòl e sa justícia. Sénher Puigdemont es deputat europèu, doncas dispausa d'immunitat parlamentària. Espanha a fach una demanda de levada d'aquela immunitat al Parlament europèu que n'a pas, ara per ara, aduch de responsa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2#4#6 Où lo troll béni-oui-oui ! Arrèsta de nos conflar amb ton repapiatge, qu'en creses pas un mot !!
#7 Que que ne'n siá lo president Puigdemont es vengut simbòl per de nombrosas nacions !
Coneissi plan Catalonha. Mai encara, soi catalan e independentista, demori en Catalonha e ai tròp comprovat l'anticatalanisme endemic de la societat espanhòla. Mas vau pas seguir la fe òrba de Puigdemont, de sa sembla-revolucion borgesa e de sa republica de farlabica. Nos sèm enganats (ieu lo primièr) de pensar a Euròpa coma lo sauvament de la democràcia, e sonque per tombar dins aquel populisme vuèch, per creire un sol moment en lo sòmi d'una Euròpa justa, deuriam aver vergonha.
Tanben ne sabi, de la corrupcion espanhòla, e que al mínim es dètz còps màger que la convergent. Aquò la justifica pas.
#5 Òc soi ben d'acòrdi amb lo vòstre comentari plen de sens, òsca, ça que de la soi pas content del tot del tot de legir aquò! Daissatz los paures catalans tranquilles, malavisatz faissistas espanhòls!!!!
#3 Se vei que coneissètz pas res de Catalonha, e encara mens del sénher Puigdemont. Fasètz pas que repetir la propaganda franchimanda plena de prejutjats jacobins.
E per çò qu'es de la corrupcion, vesètz la palha en cò dels catalans e pas la biga en cò dels espanhòls emai dels franceses.
Sens comptar que los mai corromputs en Catalonha son los ricasses, la classa nauta, qu'ajudan los partits espanholistas e vòtan per "l'unionisme". Los soberainistas catalans son mai que mai de las classas mejana e bassa, levat dels espanhòls que se vòlon pas integrar, al contrari dels sudamericans e dels magrebins que vos dison pas, eles, de lor parlar "en cristiano" (per "castellano") quand lor parlatz en catalan.
Al païs que recuperèt l'Inquisicion creada en cò nòstre per la far marchar pendent de sègles, al païs de Torquemada, lo Grand Inquisitor, l'emplèc de "cristiano" es cargat de sens: se pòt pas negar que demest fòrça espanhòls i a un racisme anticatalan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari