Actualitats
Rugbi de XIII: Dragons, escupissètz lo fuòc!
Aqueste còp, i sèm. Aquesta dimenjada marca la represa dels campionats de Super League e de Championship. Los Dragons catalans e Tolosa recebon: l’escasença de mostrar tre ara las pretensions de las formacions del país.
Alan RochElèit 1: pas de partida en Aude e Rosselhon
Lo calendièr de l’Elèit 1 es tornarmai tresvirat en rason dels aigats qu’an obligat d’anullar las partidas Carcassona-Vilanòva, Dragonets-Tolosa e Palau-St Gaudenç.
Lesinhan signa una bèla performança en anent ganhar contra Avinhon. Los provençals menavan a la pausa, mas dos ensages de l’arrièr Amine Milodi balhan la victòria als Molinièrs: 28-22.
A Albi, los locals demòran los mèstres fàcia a Limós al tèrme d’una partida engatjada que demorèt indecisa fins a la darrièra minuta: 29-24 pels Tigres.
Al programa de la primièra dimenjada de febrièr, se la nèu ven pas portar son gran de... sal: un prometeire Avinhon-Limós, St Gaudenç-Carcassona, Lesinhan-Palau, Vilanòva-Dragonets e Tolosa-Albi.
Championship: rendètz-vos a Ernèst-Wallon
Adieu, Blanhac! Lo Tolosa Olimpic jogarà sas partidas de Championship sus la pelena tota bèla e novèla del terren costumièr dels XV e de l’Estadi Tolosan que ven atal una Ciutat del(s) rugbi(s) de la capitala occitana. Primièra recepcion aqueste dissabte 1r de febrièr a 6 e mièja del vèspre amb la venguda d’un client seriós: York.
Super League: de catalans ambicioses
Aprèp una sason mancada, los Dragons Catalans se devon de mostrar quicòm mai a lors sostens. Primièr rendètz-vos aqueste dissabte 1r de febrièr a 6 oras del vèspre a Brutus amb la venguda dels Gigants d’Huddersfield. Als Sang e Aur d’auçar lo ton aprèp la partida laboriosa de preparacion fàcia als tolosans e de lançar sus de bonas basas la sason novèla.
De regretar que la formacion aja totjorn pas trapat a l’ora ont escrivèm aquesta cronica un difusaire TV per sas partidas a domicili. Una peticion es lançada en direccion dels dirigents de la Super League per una solucion positiva.
Alan Roch
Lo calendièr de l’Elèit 1 es tornarmai tresvirat en rason dels aigats qu’an obligat d’anullar las partidas Carcassona-Vilanòva, Dragonets-Tolosa e Palau-St Gaudenç.
Lesinhan signa una bèla performança en anent ganhar contra Avinhon. Los provençals menavan a la pausa, mas dos ensages de l’arrièr Amine Milodi balhan la victòria als Molinièrs: 28-22.
A Albi, los locals demòran los mèstres fàcia a Limós al tèrme d’una partida engatjada que demorèt indecisa fins a la darrièra minuta: 29-24 pels Tigres.
Al programa de la primièra dimenjada de febrièr, se la nèu ven pas portar son gran de... sal: un prometeire Avinhon-Limós, St Gaudenç-Carcassona, Lesinhan-Palau, Vilanòva-Dragonets e Tolosa-Albi.
Championship: rendètz-vos a Ernèst-Wallon
Adieu, Blanhac! Lo Tolosa Olimpic jogarà sas partidas de Championship sus la pelena tota bèla e novèla del terren costumièr dels XV e de l’Estadi Tolosan que ven atal una Ciutat del(s) rugbi(s) de la capitala occitana. Primièra recepcion aqueste dissabte 1r de febrièr a 6 e mièja del vèspre amb la venguda d’un client seriós: York.
Super League: de catalans ambicioses
Aprèp una sason mancada, los Dragons Catalans se devon de mostrar quicòm mai a lors sostens. Primièr rendètz-vos aqueste dissabte 1r de febrièr a 6 oras del vèspre a Brutus amb la venguda dels Gigants d’Huddersfield. Als Sang e Aur d’auçar lo ton aprèp la partida laboriosa de preparacion fàcia als tolosans e de lançar sus de bonas basas la sason novèla.
De regretar que la formacion aja totjorn pas trapat a l’ora ont escrivèm aquesta cronica un difusaire TV per sas partidas a domicili. Una peticion es lançada en direccion dels dirigents de la Super League per una solucion positiva.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari