Actualitats
Demostracion de fòrça faissista a Carcassona
An organizat una messa e an desfilat en onor del rei de França, e an agarrit los que manifestavan pacificament contra
Un grop de joves armats amb de gants cocats e de matracas ataquèron dissabte passat un recampament antifaissista que protestava contra una messa e un desfilat en onor del rei de França que se tenián a la Ciutat de Carcassona. De manifestants antifaissistas an raportat en occitan a Jornalet que los assalhidors èran “un grop de militants d’Accion Francesa de quinze a vint personas, qu’entre eles qualques unes avián pas passat los vint ans. D’unes son estats reconeguts e se sap que venon mai que mai de Tolosa, Tarba e Avinhon”. L’agression foguèt fòrça violenta, nos rapòrtan que “los faissistas agantèron de cadièiras e de taulas del bar restaurant Bistro Fruit e las getèron suls contramanifestants, als bèls uèlhs vesents e espantats del mond ataulats e dels trabalhadors de l’establiment”. L’Indépendant a publicat qualques vidèos d’aquelas agressions, que mòstran quitament l’estat d’excitacion dels violents.
Una marcha de tesas e una messa “en onor del rei Loís XVI”
Lo movement ultranacionalista e monarquista francés Accion Francesa (AF) aviá organizat aqueste dissabte passat a Carcassona una manifestacion nomenada “marcha de tesas” precedida d’una messa “en onor del rei Loís XVI” que la diguèt un cèrt Monsenhor La Soujeole dins la basilica de Sant Nasari.
Pasmens, un grop de personas de Carcassés avián organizat un contrarecampament, pacific sus la plaça de Marcon, una placeta de la ciutat de Carcassona pro escartada de la manifestacion ultranacionalista reialista “per far veire que refusavan de veire a se desrotlar una manifestacion aital”. Es aquí que foguèron atacats.
Lo ròtle de la polícia
Quand la polícia arribèt sus plaça, se limitèt a garentir la seguretat dels ultranacionalistas reialistas e quitament a escortar la dicha Marcha de las Tesas que davalèt de Ciutat devèrs lo centre vila. Los manifestants antifaissistas aguèron paur per lor seguretat.
Un recampament ultradrechista fòrça ben organizat
Segon çò que nos an raportat a la redaccion de Jornalet, aquel vèspre a Carcassona lo recampament ultradrechista èra fòrça organizat. Èra un nombre fòrça naut de joves violents que “poguèron venir armats amb de pals, de matracas e de gants de combat sens cap d’empacha”. Particularament organizats, i aviá quitament “tres sòcis d’Accion Francesa que tenián de virar amb de bicicletas electricas tota la serada per susvelhar los environs e los contramanifestants”.
Tota aquela organizacion paramilitara pretendiá d’“assegurar la seguretat” de la messa e de la dicha Marcha de las Tesas.
D’interrogacions
Ara, los antifaissistas occitanistas que nos an fach lor rapòrt se pausan una tièra de questions.
Qual son los d’Accion Francesa?
AF es un grop fondat en 1898, just pendent l’afar Dreyfus, per Henri Vaugeois e Maurice Pujo, e influenciat pel pensador provençal Carles Maurràs, que prepausava de restablir la monarquia en França en coronant la familha d’Orléans. Actualament son un gropuscul contrari a l’Union Europèa que presica de politicas antisemitas e xenofòbas.
La tièra de manifestacions integristas e omofòbas que se debanèt dins tot l’estat francés contra lo maridatge per totes tornèt de vam al movement d’AF e darrièrament benefícia de l’adesion de fòrça joves, particularament dins las universitats de Tolosa e d’Avinhon.
Segon nòstres informators, “es un grop faissista a plen, mas qu’aparten a la branca reialista, valent a dire que promòvon una societat ultrarepressiva e ultranacionalista que la govèrne non pas un militar o qualque òme politic mas si ben qualque descendent dels reis de França”.
Publicament, reconeisson d’èsser contra la democracia e mai dison sens cap de complèxe ni d’empediment que vòlon arribar de menar un “còp de fòrça”, valent a dire un còp d’estat.
“Aquel grop de nèrvis finiguèt que se n’anèt per la carrièra del Plò, que s’èran revelats coma de personas dangierosas als uèlhs del mond present, tresvirats, e de tala sòrta que qualqu’un anoncièt qu’apelava la polícia. Passada l’ataca, los antifaissistas distribuiguèron de tractes pr’amor d’explicar la situacion e lo sens del contrarecampament. De toristas estrangièrs se jonguèron als antifaissistas. Del meteis temps, mai de militants d’extrèma drecha contunhavan de montar a Ciutat per se gandir a la messa sus la Plaça Auguste Pierre Pont.”
Una marcha de tesas e una messa “en onor del rei Loís XVI”
Lo movement ultranacionalista e monarquista francés Accion Francesa (AF) aviá organizat aqueste dissabte passat a Carcassona una manifestacion nomenada “marcha de tesas” precedida d’una messa “en onor del rei Loís XVI” que la diguèt un cèrt Monsenhor La Soujeole dins la basilica de Sant Nasari.
Pasmens, un grop de personas de Carcassés avián organizat un contrarecampament, pacific sus la plaça de Marcon, una placeta de la ciutat de Carcassona pro escartada de la manifestacion ultranacionalista reialista “per far veire que refusavan de veire a se desrotlar una manifestacion aital”. Es aquí que foguèron atacats.
“A 17h30, los contramanifestants se recampèron Plaça Marcon, entre las tres terrassas de bars que i èran ataulats qualques toristas. La contramanifestacion èra compausada d’un trentenat de personas qu’entre elas se trobavan de militants e simpatizants antifaissistas e de sòcis del sindicat Solidaris. Lo recampament, que s’i trobava tanben de mond d’edat un pauc avançada, èra absoludament non violent ni mai provocaire, e aquò o poguèron constatar l’ensemble de las personas e dels emplegats de restauracion que se trobavan aquí”.
Lo ròtle de la polícia
Quand la polícia arribèt sus plaça, se limitèt a garentir la seguretat dels ultranacionalistas reialistas e quitament a escortar la dicha Marcha de las Tesas que davalèt de Ciutat devèrs lo centre vila. Los manifestants antifaissistas aguèron paur per lor seguretat.
“La polícia arribada puèi plaça Marcon culhiguèt los testimoniatges de cèrts espectators de la scèna de l’ataca e se gandiguèt puèi davant lo recampament d’Accion Francesa pr’amor de lo «securizar». E mai foguèsse important de documentar la violéncia faissista, lo jornalista, solide del buzz que congreariá amb sos vidèos espectacloses, a çò que sembla se pausèt pas la question de la seguretat dels contramanifestants en estompant pas lor caras suls imatges. Doncas, lo recampament antifaissista, que se vegèt tròp pauc espés per dire d’assegurar sa pròpria seguretat fàcia a de personas tan violentas e armadas, causiguèt de se retirar.”
Un recampament ultradrechista fòrça ben organizat
Segon çò que nos an raportat a la redaccion de Jornalet, aquel vèspre a Carcassona lo recampament ultradrechista èra fòrça organizat. Èra un nombre fòrça naut de joves violents que “poguèron venir armats amb de pals, de matracas e de gants de combat sens cap d’empacha”. Particularament organizats, i aviá quitament “tres sòcis d’Accion Francesa que tenián de virar amb de bicicletas electricas tota la serada per susvelhar los environs e los contramanifestants”.
Tota aquela organizacion paramilitara pretendiá d’“assegurar la seguretat” de la messa e de la dicha Marcha de las Tesas.
“Quicòm que jamai s’èra pas vist a Carcassona. Entre 50 e 100 militants vestits de negre que passavan per carrièras amb de tesas, amb lo pas cadenciat, en bramant: «Totes aborrissèm la Republica! Carcassona reialista! Carcassona nacionalista!». Lor servici d’òrdre armat amb de bastons se metiá de costat en prenent de posturas paramilitaras, precedits de lor tres esclairaires amb lors bicicletas electricas. E totjorn aimablament escortats de doas veituras de polícia. La manifestacion remontèt lo Baloard Barbés per arribar al pòrge de la catedrala Sant Miquèl. Los jornalistas carcassoneses semblan pas d’aver remarcat aquel passacarrièira de nuèch que i fasiá pas pus cap de dobte la natura faissista d’aquela organizacion”.
D’interrogacions
Ara, los antifaissistas occitanistas que nos an fach lor rapòrt se pausan una tièra de questions.
— Cossí la prefectura poguèt autorizar un recampament aital sortit d’una organizacion dobèrtament antirepublicana e facciosa?
— Cossí la quasi-totalitat dels partits d’esquèrra locals e dels sindicats non poguèron pas fer cap de cas de l’apèl a contrarecampament l’endeman d’una manifestacion intersindicala d’unes 1500 participants?
— Cossí la polícia permetèt aquel jorn que desfilèsson de manifestants armats amb de gants de combat e de bastons?
— Cossí la quasi-totalitat dels partits d’esquèrra locals e dels sindicats non poguèron pas fer cap de cas de l’apèl a contrarecampament l’endeman d’una manifestacion intersindicala d’unes 1500 participants?
— Cossí la polícia permetèt aquel jorn que desfilèsson de manifestants armats amb de gants de combat e de bastons?
Qual son los d’Accion Francesa?
AF es un grop fondat en 1898, just pendent l’afar Dreyfus, per Henri Vaugeois e Maurice Pujo, e influenciat pel pensador provençal Carles Maurràs, que prepausava de restablir la monarquia en França en coronant la familha d’Orléans. Actualament son un gropuscul contrari a l’Union Europèa que presica de politicas antisemitas e xenofòbas.
La tièra de manifestacions integristas e omofòbas que se debanèt dins tot l’estat francés contra lo maridatge per totes tornèt de vam al movement d’AF e darrièrament benefícia de l’adesion de fòrça joves, particularament dins las universitats de Tolosa e d’Avinhon.
Segon nòstres informators, “es un grop faissista a plen, mas qu’aparten a la branca reialista, valent a dire que promòvon una societat ultrarepressiva e ultranacionalista que la govèrne non pas un militar o qualque òme politic mas si ben qualque descendent dels reis de França”.
Publicament, reconeisson d’èsser contra la democracia e mai dison sens cap de complèxe ni d’empediment que vòlon arribar de menar un “còp de fòrça”, valent a dire un còp d’estat.
“E mai o digan pas a plen, son l’equivalent dels nacionalistas blancs als Estats Units. Son tanben catolics integristas e entièrament retrograds. Del meteis biais que l’ensemble dels partits d’extrèma drecha, menan una estrategia confusionista d’incrustacion dins tot subjècte de mobilizacion que se pòt recuperar a la salsa nacionalista xenofòba: ecologisme, manjar bio e local, oposicion a la privatizacion de cèrts servicis publics, critica economica de l’Union Europèa... çò que fa que lor comunicacion se pòt percebre coma la simpla expression d’un grop politic demest lo debat d’idèas democratic, quand s’agís d’un movement violent amb una organizacion que se voldriá paramilitara. A Carcassona, dempuèi qualques meses, un jove militant d’un vintenat d’ans assaja d’implantar aquel movement. La manifestacion de dissabte de ser a pogut aver luòc gràcias a el, entre d’autres.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#44 Es un rei ben-amat dels Occitans, ja que nos faguèt cagar so,nque 9 meses. Los reis de frança, eles, nos emmerdèron fermament sièis sègles de reng ! E mai sos nostalgics nos i emmèrdan encara ! Governèm-nos : ni dieu ni mèstre.
Pere Terral, es pas lo mateis l'an 1213 qu' i aguet la batalha de Muret, e en París avia rei e a Catalunya Aragon tamben. En aquel temps i avia pas la republica. Es natural qu' els occitans anassin amb lo rei de Catalunya Aragon e amb lo comte de Tolosa, cresi. Pot ser tu non.
Ai entendut dire que i aviá d'occitanistas monarquistas que celebràvan "Pere el Catolic", rèi d''Aragon.
#42https://www.actionfrancaise.net/evenement/carcassonne-hommage-a-louis-xvi/
Sembla qu'augi mau comprés los eveniments e que L'AF e volèva har un passa-carrièra. Compreni miélher l'idèa de hà'n ua contra-manif
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari