Actualitats
Rodèsla: an trobat una femna mòrta de solitud e misèria a la bòria
Tota sola, amb son tractor, s’ocupava de sas 50 ectaras de terren mas podiá pas quitament pagar lo pan
An trobat una femna de 65 ans mòrta dins la solitud e la misèria dins sa bòria de Rodèsla (Causse Comtal). Trobèron son còrs dimècres passat, 22 de genièr, jasent al pè de son lièch, çò rapòrta France 3, mentre que la majoritat de sas bèstias avián pas subreviscut.
Segon lo reportatge de France 3, li disián Josette e viviá tota sola dempuèi la mòrt de sa maire, fa cinc ans. Lo cònsol màger de Rodèsla a declarat a aquela television qu’ela parlava pas amb degun e que “degun intrava pas en cò sieu”. Sembla que tota sola, amb son tractor, s’ocupava de sas 50 ectaras de terren.
“Foguèrem alertats sus son cas al conselh municipal del 19 de decembre. Sul pic demandèri conselh al Ponch Info Seniors de la comunautat de comunas, puèi avertiguèri la Mutualitat Sociala Agricòla perque èra agricultritz encara en activitat. Dempuèi, ai apelat tornarmai aquel organisme per veire ont n’èra sa situacion. Mas la situacion èra pas facila. Viviá completament reclausa”.
De fach, sa veitura èra en pana e lo fornièr li portava pas pus de pan fauta d’èsser pagat. Pasmens, ela aviá pas jamai res demandat a degun.
Malastrosament, la trista fin d’aquela femna roergassa es una mòstra de l’abandon e de la solitud que los pòt patir de mai en mai la societat rurala occitana.
Segon lo reportatge de France 3, li disián Josette e viviá tota sola dempuèi la mòrt de sa maire, fa cinc ans. Lo cònsol màger de Rodèsla a declarat a aquela television qu’ela parlava pas amb degun e que “degun intrava pas en cò sieu”. Sembla que tota sola, amb son tractor, s’ocupava de sas 50 ectaras de terren.
“Foguèrem alertats sus son cas al conselh municipal del 19 de decembre. Sul pic demandèri conselh al Ponch Info Seniors de la comunautat de comunas, puèi avertiguèri la Mutualitat Sociala Agricòla perque èra agricultritz encara en activitat. Dempuèi, ai apelat tornarmai aquel organisme per veire ont n’èra sa situacion. Mas la situacion èra pas facila. Viviá completament reclausa”.
De fach, sa veitura èra en pana e lo fornièr li portava pas pus de pan fauta d’èsser pagat. Pasmens, ela aviá pas jamai res demandat a degun.
Malastrosament, la trista fin d’aquela femna roergassa es una mòstra de l’abandon e de la solitud que los pòt patir de mai en mai la societat rurala occitana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las personas majors que vien al camp tenen aquestes problemas. Estan mai ailhadas que las altras e exposadas a mai perilhs.
Com més s´avance amb les tecnologies de comunicació, més solicitut entre els humans.
Manca de reconoissença. Mestier dur.
situacions de pauretat e de solitud.
Accès complicat als medecins tanben. Ai un oncle qu'es mòrt, agricultor, per manca de suenhes.
Avèm totes en tèsta de vièlhs garçons ligats a la bòrda e que son solets. A Buelh los fraires M. A tal autre endrech parier. En lo Pimont occitan parier: Lou Dalfin "aüra de vièlhs garçons desesperats".
E Marcela Delpastre a finit modestament soleta mi sembla.
En França, cada jorn un agricultor se soïcida
https://www.ledauphine.com/vaucluse/2019/09/04/rufus-chaque-jour-en-france-un-agriculteur-se-suicide
Es atal nòstra astrada, nos morir solet dins un recanton, ambe paratge, volèm pas entantinar lo mond.
Benlèu qu’avetz los uèlhs embeguts ambe las lagremas qu’asondan, coma de costuma ambe granda tarzansa.
S’aviai sabut a cap d’esvenidor !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari