Actualitats
Trump a presentat son plan polemic per resòlver lo conflicte araboisraelian
Considèra Jerusalèm coma la capitala “indivisibla” de l’estat d’Israèl, manten las installacions de colons israelians en Cisjordania e crèa un estat palestinian
Lo president dels Estats Units, Donald Trump, a presentat las linhas principalas de son plan polemic per resòlver lo conflicte araboisraelian. Lo nomena “l’acòrdi del sègle” e considèra Jerusalèm coma la capitala “indivisibla” de l’estat d’Israèl, manten las installacions de colons israelians en Cisjordania e crèa un estat palestinian.
“Jerusalèm contunharà d’èsser la capitala indivisibla d’Israèl”, çò a dich dins una conferéncia de premsa al costat del primièr ministre israelian, Benjamin Netanyahu. “Aquò es pas important, perque o ai ja fach per vosautres”, çò a apondut, en referéncia a sa reconeissença de la vila coma capitala d’Israèl en 2017, quand i desplacèt l’ambaissada estatsunidenca. La proposicion compren tanben que la val del flume Jordan, una zòna frontalièra amb Jordania, siá de sobeiranetat israeliana.
Trump a declarat que son plan entend que l’estat palestinian aja sa capitala a Jerusalem Èst, sens donar mai de detalhs, e lo president estatsunidenc a assegurat que lo territòri “serà mai del doble qu’es ara” e que degun deurà pas abandonar son ostal.
Pels palestinians es “una conspiracion”
Lo meteis dimars de la presentacion, se tenguèt en Palestina de manifestacions massissas contra la proposicion de Trump e l’Autoritat Nacionala Palestiniana convoquèt a Ramallah una reünion amb totas las formacions palestinianas per definir una responsa unitària. E totas, dempuèi l’Hamas fins a Fatah, an refusat categoricament l’acòrdi.
Dins una compareissença facha ensems, davant una granda fotografia de Jerusalèm, rebutgèron l’idèa e diguèron al pòble palestinian que lor lucha s’arrestariá pas abans que se reconesquèsse totes lors dreches.
Pel president palestinian, Mahmud Abbas, lo plan de Donald Trump es “una conspiracion”, en precisant que renonciaràn pas jamai a Jerusalèm coma capitala.
“Jerusalèm contunharà d’èsser la capitala indivisibla d’Israèl”, çò a dich dins una conferéncia de premsa al costat del primièr ministre israelian, Benjamin Netanyahu. “Aquò es pas important, perque o ai ja fach per vosautres”, çò a apondut, en referéncia a sa reconeissença de la vila coma capitala d’Israèl en 2017, quand i desplacèt l’ambaissada estatsunidenca. La proposicion compren tanben que la val del flume Jordan, una zòna frontalièra amb Jordania, siá de sobeiranetat israeliana.
Trump a declarat que son plan entend que l’estat palestinian aja sa capitala a Jerusalem Èst, sens donar mai de detalhs, e lo president estatsunidenc a assegurat que lo territòri “serà mai del doble qu’es ara” e que degun deurà pas abandonar son ostal.
Pels palestinians es “una conspiracion”
Lo meteis dimars de la presentacion, se tenguèt en Palestina de manifestacions massissas contra la proposicion de Trump e l’Autoritat Nacionala Palestiniana convoquèt a Ramallah una reünion amb totas las formacions palestinianas per definir una responsa unitària. E totas, dempuèi l’Hamas fins a Fatah, an refusat categoricament l’acòrdi.
Dins una compareissença facha ensems, davant una granda fotografia de Jerusalèm, rebutgèron l’idèa e diguèron al pòble palestinian que lor lucha s’arrestariá pas abans que se reconesquèsse totes lors dreches.
Pel president palestinian, Mahmud Abbas, lo plan de Donald Trump es “una conspiracion”, en precisant que renonciaràn pas jamai a Jerusalèm coma capitala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Veirem lo qu'es pot far de tot plegat. Però la ONU diguet puei de la guerra, que s'avia de retornar als palestins los territoris ocupats, qu' es lo que tornaria la patz.
Trump fariá melhor d'ajudar las nacions qu'an pas d'Estat a n'obténer un que non pas ne crear un de mai pels Arabas que n'an una vintena.
Trump crèa un estat palestinian ? E ont ? Dins las descargas publicas e luènh de tot lòc sant ? Aquò va lèu lèu reglar los problèmas, segur !!!… Cal un solet estat rigorosament laïc e rigorosament bilenga per començar d'esperar portar la patz subre aquel tròç de tèrra desolada…
Los mèstres del mond, provocaires de guèrras e d'injustícias dempuèi 70 ans !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari