Actualitats
Lo Reialme Unit quita uèi l’Union Europèa
Aqueste Brexit aurà de consequéncias sus la vida dels britanics, mas tanben dels ciutadans de l’UE, e doncas dels occitans
Uèi, divendres 31 de genièr, lo Reialme Unit quita l’Union Europèa (UE). E mai lo referendum se tenguèsse en 2016 e lo Brexit foguèsse previst en març de 2019, las negociacions amb las institucions an complicat las causas. Enfin, lo parlament britanic votèt lo 20 de decembre passat la dicha Lei del Brexit e lo Parlament Europèu donèt son acòrdi dimècres passat per un vòte dels eurodeputats.
Dreches de ciutadanatge
Aqueste Brexit aurà de consequéncias sus la vida dels britanics, mas tanben dels ciutadans de l’UE, e doncas dels occitans. Pasmens, pendent tot l’an 2020 contunha la liura circulacion de personas del temps que los ciutadans dels dos costats poiràn far las gambadas de besonh per manténer lors dreches de ciutadanatge, siá britanic, siá d’un estat de l’UE.
Per ara, los occitans residents al Reialment Unit poiràn manténer lors dreches de residéncia, trabalh, estudis, seguretat sociala après lo periòde de transicion d’aqueste an 2020. Per beneficiar d’aqueles dreches es fòrça important que totes los ciutadans pòscan provar que residisson legalament dins lo Reialme Unit. Es necite d’aquerir aqueles dreches abans la fin d’ongan. Per mai informacion podètz consultar aqueste sit web.
Viatges
Fins al 31 de decembre se poirà intrar al Reialme Unit sens visat. Après, sabèm pas encara quinas règlas aurà negociadas cadun dels estats de l’UE amb lo Reialme Unit. Tanben dins aquel periòde la connexion dels telefòns mobils espanhòls, franceses o italians foncionarà dins lo Reialme Unit sens cap de subrecòst. Mas pas après.
Las condicions del comèrci
Lo comèrci amb lo Reialme Unit farà un cambiament radical a la fin d’ongan. Lo 1r de genièr de 2021, après lo periòde de transicion, i aurà de frontièras e de contraròtles doanièrs. La relacion comerciala a partir d’alavetz dependrà del futur acòrdi bilateral entre lo Reialme Unit e l’estat concernit, siá lo francés, l’espanhòl, l’italian o Mónegue. E se n’i a pas, seràn las condicions establidas per l’Organizacion Mondiala de Comèrci.
E mai cal prene en compte que lo Reialme Unit regularà desenant sas leis de comèrci: es per ansin plan probable que los exportators devèrs aquel país degan adaptar las etiquetas o far d’autras pròvas de verificacion e seguretat. En tot cas, las societats exportatrises devèrs lo Reialme Unit deuràn desenant avèr un numèro d’identificacion fiscala sonat EORI (Economic Operator Registration Identification).
En mai d’aquò, cal prene en compte que las matèrias primièras sortidas del Reialme Unit poiriàn quitar d’èsser consideradas originàrias de l’UE.
Dreches de ciutadanatge
Aqueste Brexit aurà de consequéncias sus la vida dels britanics, mas tanben dels ciutadans de l’UE, e doncas dels occitans. Pasmens, pendent tot l’an 2020 contunha la liura circulacion de personas del temps que los ciutadans dels dos costats poiràn far las gambadas de besonh per manténer lors dreches de ciutadanatge, siá britanic, siá d’un estat de l’UE.
Per ara, los occitans residents al Reialment Unit poiràn manténer lors dreches de residéncia, trabalh, estudis, seguretat sociala après lo periòde de transicion d’aqueste an 2020. Per beneficiar d’aqueles dreches es fòrça important que totes los ciutadans pòscan provar que residisson legalament dins lo Reialme Unit. Es necite d’aquerir aqueles dreches abans la fin d’ongan. Per mai informacion podètz consultar aqueste sit web.
Viatges
Fins al 31 de decembre se poirà intrar al Reialme Unit sens visat. Après, sabèm pas encara quinas règlas aurà negociadas cadun dels estats de l’UE amb lo Reialme Unit. Tanben dins aquel periòde la connexion dels telefòns mobils espanhòls, franceses o italians foncionarà dins lo Reialme Unit sens cap de subrecòst. Mas pas après.
Las condicions del comèrci
Lo comèrci amb lo Reialme Unit farà un cambiament radical a la fin d’ongan. Lo 1r de genièr de 2021, après lo periòde de transicion, i aurà de frontièras e de contraròtles doanièrs. La relacion comerciala a partir d’alavetz dependrà del futur acòrdi bilateral entre lo Reialme Unit e l’estat concernit, siá lo francés, l’espanhòl, l’italian o Mónegue. E se n’i a pas, seràn las condicions establidas per l’Organizacion Mondiala de Comèrci.
E mai cal prene en compte que lo Reialme Unit regularà desenant sas leis de comèrci: es per ansin plan probable que los exportators devèrs aquel país degan adaptar las etiquetas o far d’autras pròvas de verificacion e seguretat. En tot cas, las societats exportatrises devèrs lo Reialme Unit deuràn desenant avèr un numèro d’identificacion fiscala sonat EORI (Economic Operator Registration Identification).
En mai d’aquò, cal prene en compte que las matèrias primièras sortidas del Reialme Unit poiriàn quitar d’èsser consideradas originàrias de l’UE.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
.....................................................
i beguem una copa de bon vin
pel bel temps passat.
Visca Britania !
Plan vertat que hasoish eras hasòlas en·harnashidas... e totun, que shiushi eth gai plath
#10
Non pas, son pas d’esterlhes per aquò far, puèi ambe de se, se, se…. La tòca de l’ira èra sonque de botar los angleses defòra de l’iscla d’Eire e non pas de fargar una republica socialista, vèire pièger !
An assassinat Lord Louis Mountbatten (1900-1979), lo darnièr viça rei de las Indias, qu’èra amorós de sa cosina Russa Maria Nikolaïevna Romanova, filha del Tsar Nicolas II, Lord Mountbatten aviá a son cabes una fòto de Maria de 1914 qu’èra una pichona rèire filha de la regina Victoria.
Lo pairin d’Elizabeth II regina actuala d’inglaterra èra Georges V , un cosin german del Tsar Nicolas II.
Tot lo mond es pus o mens cosin sul berle, es coma a la City tot es ligat !
#6 Mas perqué diable se deliurar de la dictatura ultraliberala d'Euròpa s'aquò es sonque per descaire dins un ultraliberalisme encara pièger ?… Se dises vertat, Manù, n'es a anar pensant que del mai patisson e del mai lor agrada de patir ! Aquò rai, se mièlhs lor conven. Mas non i entendi res. Es coma se passavan la man pel fòc brandar per se desendolentir d'una cremadura ja violenta…
#1 E ben, se l'IRA se reconstituís al nòrd d'Irlanda, sauràn exactament ont cal fotre una bomba per netejar la plaça, pecaire !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari