Actualitats
Itàlia: estat d’urgéncia a causa del coronavirus
Lo govèrn italian declarèt tanben l’estat d’emergéncia sanitària en 2002 quand s’enregistrèt la sindròme respiratòria aguda sevèra (SRAS)
Lo conselh dels ministres d’Itàlia aprovèt ièr divendres un decret que proclama l’estat d’emergéncia a causa del coronavirus en seguida de la decision de l’Organizacion Mondiala de la Santat (OMS) de declarar l’urgéncia planetària, çò a raportat l’agéncia Adnkronos.
De fonts del govèrn italian an explicat que la declaracion de l’estat d’emergéncia es una consequéncia dirècta de la declaracion d’emergéncia mondiala de l’OMS. “S’agís tot simplament de ne prene acte”, çò an dich.
De mençonar qu’Itàlia declarèt tanben l’estat d’emergéncia sanitària quand s’enregistrèt la sindròme respiratòria aguda sevèra (SRAS) en 2002.
Lo primièr ministre italian, Guiseppe Conte, confirmèt dijòus dins una conferéncia de premsa qu’en Itàlia s’èra enregistrat dos cases de coronavirus, qu’afèctan dos toristas chineses. Segon Conte, la situacion es “jos contraròtle”.
En Occitània
En Occitània se confirmèt un cas a Bordèu la setmana passada. A mai, l’avion sortit de Wuhan amb de repatriats franceses a transportat una persona que presenta los simptòmas e l’an transferit a l’espital marselhés de la Timona.
De fonts del govèrn italian an explicat que la declaracion de l’estat d’emergéncia es una consequéncia dirècta de la declaracion d’emergéncia mondiala de l’OMS. “S’agís tot simplament de ne prene acte”, çò an dich.
De mençonar qu’Itàlia declarèt tanben l’estat d’emergéncia sanitària quand s’enregistrèt la sindròme respiratòria aguda sevèra (SRAS) en 2002.
Lo primièr ministre italian, Guiseppe Conte, confirmèt dijòus dins una conferéncia de premsa qu’en Itàlia s’èra enregistrat dos cases de coronavirus, qu’afèctan dos toristas chineses. Segon Conte, la situacion es “jos contraròtle”.
En Occitània
En Occitània se confirmèt un cas a Bordèu la setmana passada. A mai, l’avion sortit de Wuhan amb de repatriats franceses a transportat una persona que presenta los simptòmas e l’an transferit a l’espital marselhés de la Timona.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari