Actualitats
Escòcia: tota la produccion d’electricitat serà ongan sortida d’energias renovelablas
A mai, lo país a previst d’eliminar totes los gases d’efièch de sèrra abans 2045
Tota la produccion d’energia d’Escòcia vendrà ongan a un 100% d’energias renovelablas, çò rapòrta Gizmodo. Lo país a reduch progressivament la produccion d’energias fossilas e abans la fin d’ongan tota l’electricitat serà producha d’un biais renovelable.
En 2016, se barrèt la darrièra centrala que produsiá d’electricitat amb de carbon, e dempuèi 2018 lo 76% de l’electricitat escocesa se fa mai que mai amb d’energia eoliana. Durant la primièra mitat de 2019, las eolianas escocesas an provesit d’electricitat totes los ostals del país e quitament qualques milièrs de familhas del nòrd d’Anglatèrra. Aquela reüssida l’a renduda possibla lo pargue eolian Beatrice, qu’es situat sus la Mar del Nòrd a 13 quilomètres de la còsta nòrd-èst d’Escòcia e que fornís d’electricitat a 450 000 ostals. En 2022, es previst que la centrala eoliana Seagreen alimente un milion d’ostals.
Lo govèrn d’Escòcia vòl neutralizar de tot en tot lo carbòni abans 2045 en eliminant absoludament totes los gases d’efièch de sèrra. Atal, reduiràn de sorsas de pollucion dins l’agricultura, lo calfatge e los transpòrts. Per ara, la tòca de produire d’electricitat sens cap d’emission dins l’atmosfèra serà una realitat abans la fin de 2020.
En 2016, se barrèt la darrièra centrala que produsiá d’electricitat amb de carbon, e dempuèi 2018 lo 76% de l’electricitat escocesa se fa mai que mai amb d’energia eoliana. Durant la primièra mitat de 2019, las eolianas escocesas an provesit d’electricitat totes los ostals del país e quitament qualques milièrs de familhas del nòrd d’Anglatèrra. Aquela reüssida l’a renduda possibla lo pargue eolian Beatrice, qu’es situat sus la Mar del Nòrd a 13 quilomètres de la còsta nòrd-èst d’Escòcia e que fornís d’electricitat a 450 000 ostals. En 2022, es previst que la centrala eoliana Seagreen alimente un milion d’ostals.
Lo govèrn d’Escòcia vòl neutralizar de tot en tot lo carbòni abans 2045 en eliminant absoludament totes los gases d’efièch de sèrra. Atal, reduiràn de sorsas de pollucion dins l’agricultura, lo calfatge e los transpòrts. Per ara, la tòca de produire d’electricitat sens cap d’emission dins l’atmosfèra serà una realitat abans la fin de 2020.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La veritat es qu' es sorprenent que dins lo Canvi Climatic, non tengan en compta l'energia de las centralas nuclearas. Que pot ser sia la mai perilhosa pel mond.
Vòlon pas esperar que s'avie l'EPR garantit excelléncia francesa al Regne Unit los scots?
Quina manca de confiança dins lo saupre far d'ORANO ex-AREVA que los franceses ne son tant fièrs que d'un de sos VRP n'an fach lor Prime Minister!
#2 benlèu, avèm plan pro de vent, aicí, e de mar amb fòrtas corrents tenben, e i a fòrça molins eòlics per tot lo país. Sembla que l'energia nucleara es una font "renovelabla"... Es pr'aquò que dison qu'aurem sonque d'energias renovelablas ongan. Urosament lo govèrn escocés vòl barrar totes los reactors abans del 2030.
Marcel pot ser es referisca que s'ha fet molta feina amb las centralas eolicas e que prest serà tot aissí. Naturalment que s'auran de tancat las nuclearas, o non. Mas l'energia fossil Oc que serà eliminada.
Adonc, aquò vòl dire que las centralas nuclearas produsisson d'energia renovelabla? Encara n'avèm doas a Escòcia, Hunterston B que vòlon far trabalhar fins 2023, e d'una autra, Torness, que produsirà fins 2030. Compreni pas aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari