Actualitats
Paul Molac presentarà una proposicion de lei per protegir las lengas autoctònas de l’estat francés
L’idèa del deputat breton a l’Assemblada Nacionala francesa es d’aduire “de solucions concretas a de problèmas que perduran dempuèi tròp longtemps”
Lo deputat breton, Paul Molac, prepausarà lo 13 de febrièr venent a l’Assemblada Nacionala francesa una proposicion de lei destinada a protegir las lengas mal nomenadas regionalas, valent a dire las lengas autoctònas de l’estat francés autras que lo francés oficial. L’idèa de Molac es de portar “de solucions concretas a de problèmas que perduran dempuèi tròp longtemps”.
Dins una entrevista publicada dins Ouest-France lo 3 de febrièr passat, Molac afirma que sa proposicion “fa res mai que prene acte de las evolucions de la societat, en autorizant de parents a apelar lor enfant Fañch, amb l’ñ del breton, o en ofrissent de facilitats a l’ensenhament bilingüe, associatiu e public”.
Dins aquel sens, reconeis que se tracta d’una responsa globala al Ministèri de l’Educacion que considèra coma un perilh lo fach de donar mai d’un 50% a l’ensenhament d’una d’aquelas lengas.
La proposicion de lei la presentarà amb son grop parlamentari Libertats e Territòris, qu’i aparten dempuèi 2018 après quitar La Republica en Marcha.
Dins una entrevista publicada dins Ouest-France lo 3 de febrièr passat, Molac afirma que sa proposicion “fa res mai que prene acte de las evolucions de la societat, en autorizant de parents a apelar lor enfant Fañch, amb l’ñ del breton, o en ofrissent de facilitats a l’ensenhament bilingüe, associatiu e public”.
Dins aquel sens, reconeis que se tracta d’una responsa globala al Ministèri de l’Educacion que considèra coma un perilh lo fach de donar mai d’un 50% a l’ensenhament d’una d’aquelas lengas.
La proposicion de lei la presentarà amb son grop parlamentari Libertats e Territòris, qu’i aparten dempuèi 2018 après quitar La Republica en Marcha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mai una ipotetica "prepausicion de lei per aparar las lengas regionalas" que de tota mena serà automaticament escampada als cagadors, coma totas sas precedentas. Eficacitat comparabla a aquelas ritualas processions religiosas per faire venir la pluèja e qu'agradan tan a la parisencalha amusada del pintorèsc d'aquelas nècias supersticions provincialas.
#6 Per salvar las lengas, cal fotre los franceses defòra. E mai probablament que non bastarà pas, amb la maganha que nos an fotuda dessús, despuèis uèit sègles.
Dieu l'ajudi a qu' es pugui aprovar aquesta proposicion de lei. Visca Molac !
" Ofrir de facilitats a l’ensenhament bilingüe, associatiu e public " : aquò se sona omeopatia. Es pas atal que se pòt garir lo càncer que rosega las lengas oprimidas. An fargat un projècte de lei minimalista per pas espaurugar los jacobins de tota mena. Çò que compren pas lo sénher Molac es que per ganhar cal auçar lo cap e non pas plegar l'esquina.
Update ! Scoop !
La propausicion de lei es rebutada !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari