Actualitats
Lo jutjament contra Mireia Boya començarà lo jorn de Sant Jòrdi
Reportat de novembre passat, lo procès jutjarà l'èx-deputada occitana e l'èx-burèu del parlament per un debat sus l'independéncia. Boya declararà en occitan amb un interprèt
Lo jutjament contra Mireia Boya e lo burèu del Parlament de Catalonha de 2017, que se deviá téner del 19 al 22 de novembre passat, començarà lo 23 d'abril, jorn especial per Catalonha que festeja fòrça especialament Sant Jòrdi. La Cort de Superiora de Justícia de Catalonha a prepausat de far l’audiéncia los 23, 24 e 28 d'abril. En novembre, lo jutjament se remetèt pr'amor qu'un dels acusats, Joan Josep Nuet, venguèt deputat al Congrès dels Deputats espanhòl e doncas aquela cort lo pòt pas jutjar.
Per tant, ara jutjaràn l’èx-deputada occitana Mireia Boya e los èx-membres del burèu del Parlament de Catalonha Ramona Barrufet, Lluís Maria Corominas, Lluís Guinó, Anna Isabel Simó, franc de Joan Josep Nuet que lo jutjarà la Cort Suprèma a Madrid. Aquestes son acusats de desobesissença al Tribunal Constitucional per aver permés e realizat un vòte que la cort aviá enebit.
Lo primièr procès ont se declararà en occitan amb un interpèt
Dins son escrich de defensa, Boya exigís d’èsser relaxada e apèla als dreches fondamentals de participacion politica e de libertat ideologica. A mai, Boya demanda de “declarar en occitan” car es sa “lengua mairau”. Lo Tribunal Superior de Justícia de Catalonha acceptèt la demanda de Boya e ordenèt un servici de traduccion simultanèa d’occitan aranés. Es lo primièr còp dins l’istòria judiciària de l’estat espanhòl qu’un procès tendrà un traductor d’occitan.
Franc de Mireia Boya, los acusats fasián partida del burèu del parlament qu’acompanhavan lor presidenta, Carme Forcadell, durant la sesilha que permetèt d’aprovar lo referendum del 1r d’octòbre de 2017.
“Se volètz, vos fau perseguir tanben per rebellion”
Boya foguèt ja entenduda per la Cort Suprèma a Madrid en mai de 2018, e lo jutge remandèt son afar amb los del burèu del Parlament per que los jutgèsse lo Tribunal Superior de Justícia de Catalonha. Alara, pendent sa declaracion, Boya diguèt al jutge que li semblava pas just que foguèsse perseguida en justícia per “desobesissença” pel fach d’aver prepausat un debat al Parlament de Catalonha, mentre que la presidenta d’aquel parlament a la meteissa epòca, Carme Forcadell, èra enseguida e encarcerada per “rebellion” pel fach d’aver permés aquel debat. Lo jutge Pablo Llarena respostèt alara a Boya: “Se volètz, vos fau perseguir tanben per rebellion”.
Quant a ela, en aquel temps nos contèt sa convèrsa amb lo jutge: “È exprimit es mèns dobtes sus era parcialitat de tot aguest procès juridic. Es interlocutòries an indicis de parcialitat. E li è dit que demori damb resignacion ua senténcia que creigui que ja ei escrita. De hèt, era interlocutòria se semble fòrça ad aguesta senténcia e li è dit qu’aguest jutjament ei teatre, ei ua pantomima politica, e qu’eth vertadèr jutjament serà a instàncies internacionaus. L’occitanisme mostrèt son sosten a la politiciana aranesa.
Per tant, ara jutjaràn l’èx-deputada occitana Mireia Boya e los èx-membres del burèu del Parlament de Catalonha Ramona Barrufet, Lluís Maria Corominas, Lluís Guinó, Anna Isabel Simó, franc de Joan Josep Nuet que lo jutjarà la Cort Suprèma a Madrid. Aquestes son acusats de desobesissença al Tribunal Constitucional per aver permés e realizat un vòte que la cort aviá enebit.
Lo primièr procès ont se declararà en occitan amb un interpèt
Dins son escrich de defensa, Boya exigís d’èsser relaxada e apèla als dreches fondamentals de participacion politica e de libertat ideologica. A mai, Boya demanda de “declarar en occitan” car es sa “lengua mairau”. Lo Tribunal Superior de Justícia de Catalonha acceptèt la demanda de Boya e ordenèt un servici de traduccion simultanèa d’occitan aranés. Es lo primièr còp dins l’istòria judiciària de l’estat espanhòl qu’un procès tendrà un traductor d’occitan.
Franc de Mireia Boya, los acusats fasián partida del burèu del parlament qu’acompanhavan lor presidenta, Carme Forcadell, durant la sesilha que permetèt d’aprovar lo referendum del 1r d’octòbre de 2017.
“Se volètz, vos fau perseguir tanben per rebellion”
Boya foguèt ja entenduda per la Cort Suprèma a Madrid en mai de 2018, e lo jutge remandèt son afar amb los del burèu del Parlament per que los jutgèsse lo Tribunal Superior de Justícia de Catalonha. Alara, pendent sa declaracion, Boya diguèt al jutge que li semblava pas just que foguèsse perseguida en justícia per “desobesissença” pel fach d’aver prepausat un debat al Parlament de Catalonha, mentre que la presidenta d’aquel parlament a la meteissa epòca, Carme Forcadell, èra enseguida e encarcerada per “rebellion” pel fach d’aver permés aquel debat. Lo jutge Pablo Llarena respostèt alara a Boya: “Se volètz, vos fau perseguir tanben per rebellion”.
Quant a ela, en aquel temps nos contèt sa convèrsa amb lo jutge: “È exprimit es mèns dobtes sus era parcialitat de tot aguest procès juridic. Es interlocutòries an indicis de parcialitat. E li è dit que demori damb resignacion ua senténcia que creigui que ja ei escrita. De hèt, era interlocutòria se semble fòrça ad aguesta senténcia e li è dit qu’aguest jutjament ei teatre, ei ua pantomima politica, e qu’eth vertadèr jutjament serà a instàncies internacionaus. L’occitanisme mostrèt son sosten a la politiciana aranesa.
Bé, per Sant Jordi signaré llibres al TSJC #mecagumdeupic.twitter.com/L0I8Wggdhg
— Mireia Boya Busquet (@yeyaboya) February 3, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sera benleu l'escasença d'ofrir una rosa a la Mireia.... E un libre al jutge non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari