Eth 29 de gèr de 2020 que’s tenguec eth acte de presentacion oficiau deth Projècte Prometheus ara Universitatd’EducacionPsicologiae Trabalh SociaudeLhèidasus invitacion de Jaume Puy, rector deraUniversitatdeLhèida, e de Rosa Amorós, delegada deth Govèrnath NautPirenèu e Aran, e secretària generala dera ComunautatdeTrabalhdethsPirenèus.

Aqueth projècte europèu interregionau POCTEFA qu’amassa ueit institucions deths dus costats deths Pirenèus, que son eras universitats de Lhèida, de Barcelona e de Perpinhan, ethdepartamentdera cultura dera Generalitat de Catalonha, ethgovèrnd’Andòrra, eth Conselh Generau d’Aran, era Deputacion de Lhèida e eth CIRDÒC.

Ua delegacion deth Ostau Comengés que s’i desplacèc coma partenari associat.  Enas intervencions deths representants de cada institucion, qu’estèc plan assolidada era grana importància dera coneishença deth terren peth trabalh d’investigacion miat peths partenaris associats, coma eth Ostau Comengés en Comenge e Varossa qu’estèc citat mès d’un còp.

Aqueth projècte que’s pensa coma un liader entram diferents territòris pirenencs, plan diferents mès que partatjan un madeish hons etnic e culturau. Qu’estèc soslinhada era dimension istorica d’aqueth tipe de cooperacion transfronterèra qu’a tostemps marcat eras relacions entre pirenencs tot ath long deths sègles, e mès d’un còp eth eretatge culturau dera “NacionOccitana” d’abans eth sègle XIII que hoc ahortit coma honamentau taras institucions catalanas deth sègle XXI e qu’an permés de desenvolopar projèctes d’aqueth tipe.

Mès concretament, aqueth hialat que trabalharà ara valorizacion e ara divulgacion deras hèstas deth huec en eths Pirenèus, qu’aurà de tornar portar eth huec ath còr dera populacion a travèrs d’innovacions culturalas e d’accions cap ara joenessa e en integrar-las damb eras problematicas pedagogicas, sòcioeconomicas o environamentalas: materiaus pedagogics taras escòlas e collègis-licèus, creacion d’un musèu virtuau sus falles, haros, hars e halhars, sensibilizacion e divulgacion cap aths vilatges halhaires...

Tanplan Prometheus que prevetz d’apregondir era coneishença scientifica dera question, a travèrs dera organizacion d’un Seminari Internacionau, en perseguir eth trabalh d’inventari e de recèrca a travèrs de comunicacions, publicacions e supòrts divèrses...

Plan segur, aquera juntada ja pòt alandar cap a d’autas possibilitats entà valorizar eth PCI de cada costat deths Pirenèus: ger coma aué e tà deman, ja mos cau pensar eths Pirenèus coma un liader e un gran ensemble culturau e non coma ua termièra.

Matiu Faure