Actualitats
Rugbi de XIII: los Dragons dins la tempèsta
L’espòrt, aquò es, de segur, çò que se passa sus las pelenas dins los estadis mas tanben, e mai que mai, d’intervencions dins los domenis de la comunicacion, de l’economia,…
Alan Roch
Los Dragons fan parlar d’eles
Aqueste dimenge, los Sang e Aur an pas perdut, vist que la partida que devián jogar a Wakefield s’es pas debanada en rason de la tempèsta Ciara sul nòrd d’Anglatèrra.
Mas los Dragons son pertocats per una autra tempèsta dins lo domeni mediatic aprèp la signatura del quinzista australian Israel Folau, suspendut per sa federacion aprèp de declaracions omofòbas. La Rugby League a reconegut la validitat de la signatura, mas las formacions de Superliga son pas contentas e parlan d’ataca contra l’imatge de la competicion e la dobertura culturala e sociala que pòrta lo 13. Wigan a previst d’organizar una Gay Pride per la venguda dels catalans, forçats de metre dins lo contracte del jogaire son exclusion se tornava téner de prepauses del meteis barral.
Per balhar una nòta mai positiva, sotalinhem la jòia dels 138 mainatges de l’escòla catalana de la Bressòla de Sant Estève qu’an seguit una jornada a l’estadi Brutus en companhiá dels Dragons.
Los Lops d’ataca
Pel compte de la segonda jornada de Superliga, Hull FC signa una segonda victòria en batre Hull KR dins lo dèrbi: 25-16. Segonda victòria tanben pels Tigres de Castleford que baton Wigan 16-12. Los Lops de Warrington an batut lo campion Saint Helens: 19-0. Debuta malaisida al nivèl superior per Toronto que coneis tornar la desfaita: 16-24 a Salford. Lo rescontre Huddersfield-Leeds es tanben anullat.
Dissabte, los catalans recebràn los tigres de Castleford a Brutus.
Lo TO encadena
En Championship, lo Tolosa Olimpic tornava recebre. A Ernèst-Wallon, Oldham ne prenguèt un brave viatge. Desfaita 6-58. Pels occitans, primièr viatge en Anglatèrra aqueste dimenge 16 de febrièr de vèspre per rescontrar las Aglas de Sheffield.
Ont son passats los Canaris?
Tot Carcassona pensava que la desfaita dels Canaris a Sent Gaudenç èra accidentala. Quina granda decepcion amb la marca finala del dèrbi al Molin: victòria de l’FCL 50-16!
Los Orses resistisson un temps als Dragonets abans de pèrdre: 44-24. Dins la partida entre lo cap de fila Limós e los darrièrs Tolosa Bròncos, victòria aisida dels audencs: 52-6. Palau bat Avinhon: 40-28.
Plaça a la Copa
Aquesta dimenjada se debanaràn los 8ns de la Copa amb una sola oposicion entre formacions d’Elèit 1: Lesinhan-Carcassona. Al programa:
— partidas entre formacions d’Elèit 2 e de l’Elèit 1: Entraigas-Palau, Illa-Limós, Selon-Sent Gaudenç, Tolon-Albi e Vilafranca-Dragonets
— partidas entre formacions d’Elèit 2: l’Escura-Vilagalhenc-Argon
— entre formacion de Nacionala 1 e d’Elèit 2: Realmont-Baó.
E lo còrs d’Albèrt Ferrasse[1] se deu revirar de dolor dins son ataüt en aprenent qu’es dins un temple del XV que coneissiá plan —l’estadi Armandia d’Agen— que se debanarà al mes de mai la finala de la Copa Lòrd-Derby!
Alan Roch
Aqueste dimenge, los Sang e Aur an pas perdut, vist que la partida que devián jogar a Wakefield s’es pas debanada en rason de la tempèsta Ciara sul nòrd d’Anglatèrra.
Mas los Dragons son pertocats per una autra tempèsta dins lo domeni mediatic aprèp la signatura del quinzista australian Israel Folau, suspendut per sa federacion aprèp de declaracions omofòbas. La Rugby League a reconegut la validitat de la signatura, mas las formacions de Superliga son pas contentas e parlan d’ataca contra l’imatge de la competicion e la dobertura culturala e sociala que pòrta lo 13. Wigan a previst d’organizar una Gay Pride per la venguda dels catalans, forçats de metre dins lo contracte del jogaire son exclusion se tornava téner de prepauses del meteis barral.
Per balhar una nòta mai positiva, sotalinhem la jòia dels 138 mainatges de l’escòla catalana de la Bressòla de Sant Estève qu’an seguit una jornada a l’estadi Brutus en companhiá dels Dragons.
Los Lops d’ataca
Pel compte de la segonda jornada de Superliga, Hull FC signa una segonda victòria en batre Hull KR dins lo dèrbi: 25-16. Segonda victòria tanben pels Tigres de Castleford que baton Wigan 16-12. Los Lops de Warrington an batut lo campion Saint Helens: 19-0. Debuta malaisida al nivèl superior per Toronto que coneis tornar la desfaita: 16-24 a Salford. Lo rescontre Huddersfield-Leeds es tanben anullat.
Dissabte, los catalans recebràn los tigres de Castleford a Brutus.
Lo TO encadena
En Championship, lo Tolosa Olimpic tornava recebre. A Ernèst-Wallon, Oldham ne prenguèt un brave viatge. Desfaita 6-58. Pels occitans, primièr viatge en Anglatèrra aqueste dimenge 16 de febrièr de vèspre per rescontrar las Aglas de Sheffield.
Ont son passats los Canaris?
Tot Carcassona pensava que la desfaita dels Canaris a Sent Gaudenç èra accidentala. Quina granda decepcion amb la marca finala del dèrbi al Molin: victòria de l’FCL 50-16!
Los Orses resistisson un temps als Dragonets abans de pèrdre: 44-24. Dins la partida entre lo cap de fila Limós e los darrièrs Tolosa Bròncos, victòria aisida dels audencs: 52-6. Palau bat Avinhon: 40-28.
Plaça a la Copa
Aquesta dimenjada se debanaràn los 8ns de la Copa amb una sola oposicion entre formacions d’Elèit 1: Lesinhan-Carcassona. Al programa:
— partidas entre formacions d’Elèit 2 e de l’Elèit 1: Entraigas-Palau, Illa-Limós, Selon-Sent Gaudenç, Tolon-Albi e Vilafranca-Dragonets
— partidas entre formacions d’Elèit 2: l’Escura-Vilagalhenc-Argon
— entre formacion de Nacionala 1 e d’Elèit 2: Realmont-Baó.
E lo còrs d’Albèrt Ferrasse[1] se deu revirar de dolor dins son ataüt en aprenent qu’es dins un temple del XV que coneissiá plan —l’estadi Armandia d’Agen— que se debanarà al mes de mai la finala de la Copa Lòrd-Derby!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari