Actualitats
L’occitanisme narbonés es en dòl après lo decès de Ricard Cathala
Lo 21 de genièr passat, moriguèt lo fondador de Ràdio Lenga d’Òc Narbona a causa d’una malautiá grèva
L’occitanisme narbonés es en dòl après lo decès de Ricard Cathala, lo 21 de genièr passat, a causa d’una malautiá grèva. Conegut mai que mai per èsser lo creator de Ràdio Lenga d’Òc Narbona, Cathala aviá consagrat sa vida a la promocion de la lenga occitana. Quand se retirèt coma ensenhaire en 2003, metèt la lenga a la portada de totes amb la creacion de la ràdio narbonesa, qu’emet totjorn sul 95.5 de la benda FM en Narbonés.
Darrièrament, dobriguèt las pòrtas de sa ràdio a la còla de Ràdio Lenga d’Òc Montpelhièr per ajudar a Gisèla Naconaski a far lo Miègjornau aquí, per amor de las dificultats de transpòrt a causa dels aigats e puèi de la cauma dels trens.
La Dictada Occitana d'ongan a Narbona li es estada dedicada.
Darrièrament, dobriguèt las pòrtas de sa ràdio a la còla de Ràdio Lenga d’Òc Montpelhièr per ajudar a Gisèla Naconaski a far lo Miègjornau aquí, per amor de las dificultats de transpòrt a causa dels aigats e puèi de la cauma dels trens.
La Dictada Occitana d'ongan a Narbona li es estada dedicada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quasi fa un mes de la seva mort de Ricard Català, que coneguí pas, mas som estat a Radio Lengador de Montpelher e la charcha de las radios en lenga nostro son molt importants per la recuperacion nacionala. Visca la feina que faguet e coma dicem: l'amor vertader non mor jamai.
T'ai gaire parlat mas lo pauc que t'ai conoissut, ai vist un simpatic e brave militant.
A se reveire l'amic!
La novèla del decès de Ricard me pertòca fòrça.
Lo rescontrèri pas qu'un còp, un vèspre, dins los estudios de Ràdio Lenga d'Òc a Narbona. Èra per enregistrar una novèla per "Lo Lector del Val".
Me soveni d'un òme amistós, e fòrt pacient amb qui a pas l'abituda de parlar dins un micro. Sabi que fasiá un brave trabalh, e plan qualitadós.
Aguèrem lo temps d'escambiar un pauc sus çò qu'es de l'òc, de çò qu'èra estat e de çò qu'es ara per nosautres. Lo pensavi tornar veire ongan a l'escasença de la dictada occitana a Narbona per un còp qu'èri encara en metropòli, mas ieu m'enganèri de jorn e el èra malaute. Malaja! Èra escrich que nos tornariam pas veire.
Ont que siá, Richard solide a tornat trobar totes los qu'an onorat nòstra lenga, dels trobadors als poètas fondators de l'IEO en passant pels felibres vièlhs, e se far un plaser de patesejar amb eles sens empachas.
Una capelada per tu, l'Òme!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari