Actualitats
Marselha: un jove de 18 ans tuat per la polícia dins de circonstàncias pauc claras
Una enquista de l’IGPN, la polícia de las polícias, es dobèrta per esclarzir los faches
La polícia tuèt divendres passat a Marselha un jove de 18 ans dins l’encastre d’una perseguida, un murtre qu’a fach polemica segon lo recit dels testimònis e qu’a entraïnat la dobertura d’una enquista. Se passèt dins la ciutat dels Castanhièrs dins lo 14n arredondiment.
Segon los primièrs testimònis, la victima caminava dins lo quartièr quand se faguèt recuperar per d’amics en veitura, e s’assetèt a l’arrièr. Puèi la Brigada Anticriminalitat (BAC) Nòrd de Marselha los perseguiguèt a l’intrada d’un tunèl per de rasons qu’eles ignoravan. Un còp dins lo tunèl, lo menaire e lo copilòt sortiguèron de l’automobila del temps que la victima demorava tot sol darrièr. En dobrir la pòrta, la BAC auriá tirat.
Segon dos testimònis, los jove auriá recebut mai d’un còp de pè al cap e li tirèron una bala quand tombèt per tèrra. D’autres testimònis afirman que los agents l’aurián insultat. Lo jove l’avián manotat abans que los agents se rendèsson compte que l’avián tocat. “T’inquietes pas, aquò va anar”, çò aurián dich los policièrs al jove. Mas quand los pompièrs arribèron sus plaça, èra ja mòrt.
Segon una autra version, que publica La Provence, la polícia perseguissiá los autors d’un bracatge dins un magazin dels Chartroses. Alavetz, la BAC percacèt lo veïcul ont, segon eles, viatjavan quatre òmes armats. Un dels malfactors auriá tirat amb un fusilh dins la veitura e la polícia i auriá respondut amb un tir dins lo torax del jove que moriguèt qualques minutas puèi.
France 3 rapòrta que la polícia perseguissiá quatre bracaires près de la ciutat dels Castanhièrs quand abandonavan la veitura. Aquí, la victima ensagèt de fugir amb un fusilh e alavetz la polícia l’abatèt.
Mas la cadena de television mençona tanben los testimoniatges d’un collectiu d’abitants del quartièr. “Medhi [qu’es lo prenom de la victima] es sortit de la veitura amb a la man lo fusiu sensa lo bracar en direccion de la polícia”, çò ditz un òme qu’èra present sus plaça que precisa que “i aguèt ges de somacion, siguèt dirèctament abatut”. Segon aquel testimòni, lo jove foguèt tocat a las cambas e al ventre, puèi l’aurián manotat a l’espèra dels socorses, qu’arribèron quand èra ja mòrt.
La brigada de repression del grand banditisme de la polícia judiciària es estada encargada de l’enquista. E mai una enquista de l’inspeccion generala de la polícia francesa (IGPN) se deuriá dobrir per esclarzir las circonstàncias dels tirs.
Lo collectiu d’abitants de l’Ostal Blanc, ont demorava la victima, manifèstan lor indignacion e reclaman justícia.
Segon los primièrs testimònis, la victima caminava dins lo quartièr quand se faguèt recuperar per d’amics en veitura, e s’assetèt a l’arrièr. Puèi la Brigada Anticriminalitat (BAC) Nòrd de Marselha los perseguiguèt a l’intrada d’un tunèl per de rasons qu’eles ignoravan. Un còp dins lo tunèl, lo menaire e lo copilòt sortiguèron de l’automobila del temps que la victima demorava tot sol darrièr. En dobrir la pòrta, la BAC auriá tirat.
Segon dos testimònis, los jove auriá recebut mai d’un còp de pè al cap e li tirèron una bala quand tombèt per tèrra. D’autres testimònis afirman que los agents l’aurián insultat. Lo jove l’avián manotat abans que los agents se rendèsson compte que l’avián tocat. “T’inquietes pas, aquò va anar”, çò aurián dich los policièrs al jove. Mas quand los pompièrs arribèron sus plaça, èra ja mòrt.
Segon una autra version, que publica La Provence, la polícia perseguissiá los autors d’un bracatge dins un magazin dels Chartroses. Alavetz, la BAC percacèt lo veïcul ont, segon eles, viatjavan quatre òmes armats. Un dels malfactors auriá tirat amb un fusilh dins la veitura e la polícia i auriá respondut amb un tir dins lo torax del jove que moriguèt qualques minutas puèi.
France 3 rapòrta que la polícia perseguissiá quatre bracaires près de la ciutat dels Castanhièrs quand abandonavan la veitura. Aquí, la victima ensagèt de fugir amb un fusilh e alavetz la polícia l’abatèt.
Mas la cadena de television mençona tanben los testimoniatges d’un collectiu d’abitants del quartièr. “Medhi [qu’es lo prenom de la victima] es sortit de la veitura amb a la man lo fusiu sensa lo bracar en direccion de la polícia”, çò ditz un òme qu’èra present sus plaça que precisa que “i aguèt ges de somacion, siguèt dirèctament abatut”. Segon aquel testimòni, lo jove foguèt tocat a las cambas e al ventre, puèi l’aurián manotat a l’espèra dels socorses, qu’arribèron quand èra ja mòrt.
La brigada de repression del grand banditisme de la polícia judiciària es estada encargada de l’enquista. E mai una enquista de l’inspeccion generala de la polícia francesa (IGPN) se deuriá dobrir per esclarzir las circonstàncias dels tirs.
Lo collectiu d’abitants de l’Ostal Blanc, ont demorava la victima, manifèstan lor indignacion e reclaman justícia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D'un país que respecta pas las diferentas lengas de l'estat, qu' es pot esperar ?: Fachisme mai fachisme, res pus ! E de la policia de la dreta macrona pitjor: assassinats e nazisme !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari