Lo divendres 30 de novembre e lo dissabte 1r de decembre, Baïdy Njaay Mamadou Amadou, director de l’associacion senegalesa SYSED (Sinergia senegalesa e desvolopament) e consultant en educacion venguèt a Carcassona. Visitèt la calandreta e animèt una discutida a l’Ostal Sirventés.
 
Son associacion interven dins los domènis de l’educacion dels joves e de las femnas, la luta contra l’excision, la prevencion de l’emigracion clandestina. Considèra l’alfabetizacion dins las lengas nacionalas senegalesas (pulaar, wolof, … ) coma portaira de progrés e de desvolopament.
 
S’entretenguèt longament amb Alan Roch e balhèt atal matèria a doas emissions “Als 4 Vents” que passaràn sus las ondas de RCF-Pays d’Aude^[1]:
   
De mai, l’emission Canta-país presentarà de cants de Senegal en pulaar (diluns 31, a 12h45 , dissabte 5, a 11h30; diluns 7, a 12h45; dissabte 12, a 11h30) e wolof (Yousou N’Dour: diluns 14, a 12h45; dissabte 19, a 11h30)
 
 
 
 
IEO Aude
 
 
 
 
_____
^[1] RCF-Pays d’Aude: 103 (Carcassona), 89,3 (Castèlnòu d’Arri), 102,9 (Lesinhan), 87,7 (Limós), 98,2 (Narbona) e sus www.rcf.fr. Aprèp difusion, las emissions son podcastablas sul sit de la ràdio.