Actualitats
Canadà: la nacion wet’suwet’en a paralisat lo país contra lo projècte d’un enòrme gasoducte
Lo blocatge a quitament privat de regions de clòr per potabilizar l’aiga e de propan pels calfatges
D’activistas de la nacion wetʼsuwetʼen e d’autres militants environamentalistas an paralisat una granda partida de Canadà en protèsta contra lo projècte d’un gasoducte de mai de 600 km dins la província de la Colómbia Britanica. Los manifestants an capitat a arrestar lo servici ferroviari dins la màger part del país e tanben an blocat de pòrts e d’autras infrastructuras per denonciar la bastison del gasoducte que lo vòl construire la societat TC Energy, e que traversariá los territòris de la nacion wet’suwet’en.
Ara per ara, lo primièr ministre Justin Trudeau a refusat de reprimir las protèstas amb la polícia e vòl centrar la solucion sul dialòg. Mas fòrça elegits, tant del govèrn coma de l’oposicion, demandan que se prenga de mesuras fòrtas. Es lo cas del ministre dels transpòrts, Marc Garneau, qu’a demandat a las autoritats localas qu’executen los òrdres judiciaris que declaran illegals los blocatges d’aquela sòrta. “Nos devèm engatjar per las nacions originàrias e cal tanben soslinhar que sèm un país que trabalha sus la legalitat”, ço dich Garneau.
De fach, lo blocatge dels trens a fach polemica car lo camin de fèrre es lo principal mejan per mandar de bens sus la còsta occidentala de Canadà, una region qu’a patit la manca de clòr per potabilizar d’aiga e de propan pels calfatges. E mai lo blocatge dels trens a provocat l’anullacion d’83 000 bilhetas.
A l’ora d’ara, la societat TC Energy refusa de prepausar un itinerari alternatiu pel gasoducte e afortís que lo menarà a bon tèrme segon son plan.
Ara per ara, lo primièr ministre Justin Trudeau a refusat de reprimir las protèstas amb la polícia e vòl centrar la solucion sul dialòg. Mas fòrça elegits, tant del govèrn coma de l’oposicion, demandan que se prenga de mesuras fòrtas. Es lo cas del ministre dels transpòrts, Marc Garneau, qu’a demandat a las autoritats localas qu’executen los òrdres judiciaris que declaran illegals los blocatges d’aquela sòrta. “Nos devèm engatjar per las nacions originàrias e cal tanben soslinhar que sèm un país que trabalha sus la legalitat”, ço dich Garneau.
De fach, lo blocatge dels trens a fach polemica car lo camin de fèrre es lo principal mejan per mandar de bens sus la còsta occidentala de Canadà, una region qu’a patit la manca de clòr per potabilizar d’aiga e de propan pels calfatges. E mai lo blocatge dels trens a provocat l’anullacion d’83 000 bilhetas.
A l’ora d’ara, la societat TC Energy refusa de prepausar un itinerari alternatiu pel gasoducte e afortís que lo menarà a bon tèrme segon son plan.
Trains leaving a rail yard in Vaughan were blocked by hundreds of anti-pipeline protesters standing in solidarity with Wet’suwet’en hereditary chiefs on Saturday. https://t.co/ujSgOk1en8pic.twitter.com/igeKsHM8rb
— CTV Toronto (@CTVToronto) February 15, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los Wet'suwet'en, qui son-t-ilhs ?
https://oc.wikipedia.org/wiki/Wet%27suwet%27en
Mai d'infòs :
http://www.wetsuweten.com/territory/pipelines (anglés)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari