Actualitats
Haití: almens quinze enfants mòrts dins l’incendi d’un orfanelat illegal
Lo país ten 754 orfanelats dont solament 35 son autorizats pel govèrn
Almens quinze enfants serián mòrts dins l’incendi que lo patiguèt dijòus passat un orfanelat de Port au Prince en Haití. Los primièrs elements de l’enquista asseguran que lo fuòc l’avián provocat de candelas amb las qualas se fasián lum car lo centre es privat d’electricitat. Lo sit aculhissiá unes seissanta enfants orfanèls e es proprietat d’un grop crestian estatsunidenc qu’aviá pas la licéncia per s’encargar dels mainatges. Ara son en cèrca d’un nòu lotjament.
Segon Arielle Jeanty, directritz de l’institut pel benèsser social d’Haití, es urgent de trobar un lotjament pels enfants afectats per l’incendi. Mentretant, a dich que serián aculhits provisòriament dins un centre d’aculhença temporala del temps que se contactarà las familhas qu’abandonèron aqueles enfants per lor demandar se los pòdon prene a l’ostal.
De soslinhar, d’efièch, que la màger part dels mainatges que demòran dins d’orfanelats en Haití son pas, en realitat, d’orfanèls. Lo govèrn calcula qu’aperaquí 24 000 residents d’aqueles centres son d’enfants abandonats per lors parents, e maites son aculhits dins de centres illegals, coma lo que ven de cremar. Tot aquò seriá la consequéncia de l’extrèma pauretat que lo patís aquel país dempuèi lo tèrratrem de l’an 2010.
Lo país ten 754 orfanelats dont sonque 35 son autorizats pel govèrn. Dins las darrièras cinc annadas n’an fach barrar 160.
Lo trafec d’enfants dels orfanelats
Dins aquel encastre de pauretat extrèma, maites enfants tomban dins de rets de trafec uman que los vendon als orfanelats, que crompan d’enfants residents per obténer de milions d’èuros de dons de las organizacions umanitàrias internacionalas. La majoritat d’aqueles dons venon d’institucions religiosas estatsunidencas que pagan mai de 64 milions d’èuros per an.
En mai d’aquò, segon la Lumos Foundation, los mainatges dels orfanelats haitians son victimas d’abuses sexuals e de violéncias. De fach, lo govèrn d’Haití vòl far una denóncia a l’ÒNU per de viòls que los an perpetrats d’agents de las fòrças de pacificacion de las Nacions Unidas. A mai, se denóncia tanben que l’organizacion umanitària Oxfam embauchèt de prostitutas après lo tèrratrem.
Segon Arielle Jeanty, directritz de l’institut pel benèsser social d’Haití, es urgent de trobar un lotjament pels enfants afectats per l’incendi. Mentretant, a dich que serián aculhits provisòriament dins un centre d’aculhença temporala del temps que se contactarà las familhas qu’abandonèron aqueles enfants per lor demandar se los pòdon prene a l’ostal.
De soslinhar, d’efièch, que la màger part dels mainatges que demòran dins d’orfanelats en Haití son pas, en realitat, d’orfanèls. Lo govèrn calcula qu’aperaquí 24 000 residents d’aqueles centres son d’enfants abandonats per lors parents, e maites son aculhits dins de centres illegals, coma lo que ven de cremar. Tot aquò seriá la consequéncia de l’extrèma pauretat que lo patís aquel país dempuèi lo tèrratrem de l’an 2010.
Lo país ten 754 orfanelats dont sonque 35 son autorizats pel govèrn. Dins las darrièras cinc annadas n’an fach barrar 160.
Lo trafec d’enfants dels orfanelats
Dins aquel encastre de pauretat extrèma, maites enfants tomban dins de rets de trafec uman que los vendon als orfanelats, que crompan d’enfants residents per obténer de milions d’èuros de dons de las organizacions umanitàrias internacionalas. La majoritat d’aqueles dons venon d’institucions religiosas estatsunidencas que pagan mai de 64 milions d’èuros per an.
En mai d’aquò, segon la Lumos Foundation, los mainatges dels orfanelats haitians son victimas d’abuses sexuals e de violéncias. De fach, lo govèrn d’Haití vòl far una denóncia a l’ÒNU per de viòls que los an perpetrats d’agents de las fòrças de pacificacion de las Nacions Unidas. A mai, se denóncia tanben que l’organizacion umanitària Oxfam embauchèt de prostitutas après lo tèrratrem.
At least 15 children were killed when a fire broke out at a Haiti children's home run by an American religious non-profit, police say https://t.co/Q9Xj5Ohhsmpic.twitter.com/jlV1dhrz5U
— CNN Breaking News (@cnnbrk) February 15, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari