Actualitats
Perpinhan: autorizan l’eveniment de Puigdemont lo 29 de febrièr
La capitala nòrd-catalana prevei d’aculhir de desenats de milièrs de personas
Es atal que las autoritats de l’estat francés an autoritzat l’eveniment après avalorar la coïncidéncia amb la campanha de las eleccions municipalas e la complexitat per la capitala nòrd-catalana d’aculhir de desenats de milièrs de personas. Segon las previsions, participaràn environ 80 000 personas.
Son reservats unes 400 autobuses e mai de 300 camping-cars. Per ansin, lo Conselh per la Republica, qu’organiza l’eveniment, a remembrat que Perpinhan es una vila de 120 000 abitants que pòt patir de problèmas de mobilitat, e demandat que los participants de l’eveniment ensagen d’èsser sus plaça abans dètz oras del matin. Ara per ara, las ostalariás de Perpinhan son practicament totas reservadas.
Lo candidat d’LREM, amic de Puigdemont
Ièr passat, lo candidat macronista a la comuna de Perpinhan, Romain Grau, anoncièt sa participacion a l’eveniment. “Coma soi fòrça estacat a las libertats publicas, dont la primièra es la libertat d’expression e de reünion, soi favorable a la tenguda del miting de Carles Puigdemont aqueste 29 de febrièr”, çò diguèt en precisant que Puigdemont es son “amic” e que serà doncas “aürós de lo retrobar a Perpinhan”
Étant très attaché aux libertés publiques, dont la première est la liberté d'expression et de réunion, je suis favorable à la tenue du meeting de Carles Puigdemont ce 29 février.
— Romain Grau (@RomainGrau) February 16, 2020
Carles Puigdemont étant mon ami je serai heureux de le retrouver à Perpignan. @KRLSpic.twitter.com/zTqaFzRILx
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 D'efièch, aquel exemple es la demostracion perfiècha de la servilitat crassa de la jornalistalha francèsa . Repètan coma de papagais la mendra expression debila de lor patron Macron, foguèsse una absurditat totala, prèsa per paraula d'evangèli. Suls centenats e centenats de jornalistas emplegats dins la mediaticalha francèsa i-a pas qu'una (UNA sola ! ) qu'a gausat se riscar a l'exercici de lèsa-majestat en rementant tot simplament la definicion del mot "separatisma", accessibla dins quin que siague diccionari. Mas per la casta politico-jornalistica fa bèl temps qu'aquel objèt ancianàs es tombat en dolilha. La paraula del boss sufis. Amen.
#2#4
Òu de segur avètz rason : aquò es la promèira idèia que me venguèt ! Mas i a pas agut degun en la politicalha e mediaticalha francesa per contredire en tot explicar ce qu'es la realitat dau separatisme... en fòra de la Barbara Lefebvre que per un còp siguère d'acòrd embé z-elha !
De veire aquí → https://bit.ly/3bTUpVZ
Torre lo missatge de Puigdemond, sembla que vol blocar lo dialec. Actualament a Espanha i a un sistema autonomic, cafè per tots. Sabem qu' entre el sistema actual e l'independencia i a l'Estat Federal e l'Estat Confederal. Mas per Junts per Catalunya pareix que ja avem un estat molt proxim a l'independencia, e que no i a res pus entre lo que tenim ara e la independència. E la veritat es que no o avem tot, mos mancan moltas causas qu' es poden aconseguir dins la constitucion. Primer: la admistia politica per tots los presos politics catalans. Segon: que los imposts los reculha la Generalitat e que done un 10% a l'estat central, coma o fan a Alemanha, qu' es un Estat Federal. Tercer: lo reconeissement de la Nacion Catalana e lo corresponent blindage de la lenga e la cultura nostra. Amb aquestas tres causas que son possibles e que mos pareisseriem a un esta mai avançat, coma pot ser un estat federal o confederal. Ara es lo que se podria far, la postura de Junts per Catalunha es un disc retxat que només repeteis referendum d'autodeteminacion, qu' a dit infinitat de vegades lo Govern centrals qu' es impossible. La postura d'Esquerra Republicana de voler dialogar es la milhor en aquests moments e l'unica possible. De Junts per Catalunya es la responsabilitat de poder arribar a una solución amb l'estat o d' impedir lo dialeg.
#2 Vos tanben avètz remarcat cossi la novlenga macroniana a fabricat aquesta biaissuda equivalència logica : separatista = islamista. Al moment de la "crisi" catalana de fa tres ans la mediaticalha francèsa comencèt jà, per la boca d'auto-proclamats especialistas, aquela comparason fantasierosa. Ara es tras que clar : arabi=islamista=separatista. Los separatistas bascs, corses, catalans,flamencs..eca.. son en fach ni mai ni mens que de djihadistas. Un caval de Troia de Daesh, Al Qaïda e tutti quanti. Sosténer calandrètas, diwans, ikastolas o bressolas es financiar l'endoctrinament dels futurs talibans, vertat ? A plan rason la "France Insoumise" quand ditz qu'om en fai "trop" per las lengas regionalas. Es que coma tota la parisencalha, de Macron a Le Pen, aqueles finasses an vist nasejar l'esglasiant perilh islamic jos la masquèta bravonèta del patoès. Per tornar al mitin de Perpinhan, es gostos de veire lo macronista de servici, mal-barrat coma totis sos colègas macronistas, temptar de faire doblidar qu'es un macronista en ensajant de recuperar un pauc del prestigi d'En Puigdemont en afortissent qu'aquel seria "un amic" a el. Per saique nos servir aquesta novèla equivalència logica a la macronassa : Puigdemont = Macron ?
Totes a Perpinhan lo 29 de febrièr !
Sosten total als patriotas catalans que luchan sens relambi per l'idenpendéncia de lor país mas a França, regèt total de la macronalha que fa una politica antisociala e fa pas res per l'occitan e lo catalan, quitament se qualques uns dels sieus representants a Catalonha del Nord fan ara pròdel a Carles Puigdemont e apiejan, sus aqueste sicut, una bona causa.
Estimariam véser sostens d'autres politicians franceses de dreita coma d'esquèrra als patriotas catalans !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari