Actualitats
Turquia torna arrestar Osman Kavala, qualques oras après l’aver mes en libertat
L’entrepreneire e activista es estat detengut e acusat d’aver participat al còp d’estat militar de 2016 contra Erdoğan. La justícia l’aviá relaxat dimars d’aver encoratjat las protèstas de Gezi per desquilhar lo govèrn
L’activista pels dreches umans turc Osman Kavala l’an arrestat qualques oras après l’aver mes en libertat. Lo detenián dempuèi 2016 jos l’acusacion daver encoratjat las protèstas de Taksim Gezi contra lo govèrn d’Erdoğan. La Cort Europèa dels Dreches Umans n’aviá exigit la liberacion en novembre passat, per manca de pròvas e per detencion arbitrària. Dimars passat, lo metèron en libertat mas qualques oras puèi lo tornèron arrestar e encarcerar. Ara l’acusan d’aver participat al còp d’estat militar de 2016 contra Erdoğan.
Dimars passat, doncas, quand fasiá mai de 800 jorns qu’èra en preson, un tribunal relaxèt Osman Kavala, entrepreneire e activista pels dreches umans, del delicte d’aver encoratjat las protèstas de Taksim Gezi, en 2013, per desquilhar lo govèrn de Recep Tayyip Erdoğan. Segon los magistrats, i aviá pas pro de pròvas que demostrèsson los faches. Aquel aquitament èra una consequéncia de la decision de la Cort Europèa dels Dreches Umans qu’aviá exigit sa remesa en libertat en novembre passat en considerar qu’estat detengut arbitràriament.
Mas aquela libertat non durèt que qualques oras. En seguida lo tornèron deténer, ara per una supausada participacion al còp d’estat militar de 2016 contra lo govèrn d’Erdoğan. De soslinhar qu’aquel ensag de còp d’estat a donat a Erdoğan l’escasença de purgar de desenats de milièrs d’opausants e d’emplegats publics.
“Una cruseltat calculada e deliberada”
Per Amnestia Internacionala s’agís d’una “cruseltat calculada e deliberada”. Segon l’organizacion umanitària, “d’èsser liberat après gaireben dos ans e mièg de preson per que te barren la pòrta de la libertat davant lo morre es un còp per Osman Kavala, per sa familha e per totes los que defendon la justícia en Turquia”.
Dimars passat, doncas, quand fasiá mai de 800 jorns qu’èra en preson, un tribunal relaxèt Osman Kavala, entrepreneire e activista pels dreches umans, del delicte d’aver encoratjat las protèstas de Taksim Gezi, en 2013, per desquilhar lo govèrn de Recep Tayyip Erdoğan. Segon los magistrats, i aviá pas pro de pròvas que demostrèsson los faches. Aquel aquitament èra una consequéncia de la decision de la Cort Europèa dels Dreches Umans qu’aviá exigit sa remesa en libertat en novembre passat en considerar qu’estat detengut arbitràriament.
Mas aquela libertat non durèt que qualques oras. En seguida lo tornèron deténer, ara per una supausada participacion al còp d’estat militar de 2016 contra lo govèrn d’Erdoğan. De soslinhar qu’aquel ensag de còp d’estat a donat a Erdoğan l’escasença de purgar de desenats de milièrs d’opausants e d’emplegats publics.
“Una cruseltat calculada e deliberada”
Per Amnestia Internacionala s’agís d’una “cruseltat calculada e deliberada”. Segon l’organizacion umanitària, “d’èsser liberat après gaireben dos ans e mièg de preson per que te barren la pòrta de la libertat davant lo morre es un còp per Osman Kavala, per sa familha e per totes los que defendon la justícia en Turquia”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Volia dir: Turquia qu' es de l'OTAN, mas que non sap pas lo que son los Drets Humans.
#2 E pensas seriosament que lo Riealme d'Espanha e la Republica Francesa se cossiran fòrça dels dreits de l'Òme (e de la Femna) quand s'agís de reprimir las oposicions politicas, anticapitalistas o independentistas catalanas ? Aquò dona plan segur pas rason al dictator Ergogan, mas los autres non son pas d'àngels tanpauc. E es pas Trump, amb sos Americans Natius parcats coma de bèstias subre de tèrras desoladas, sos ancians esclaus negres assignats a la misèria e sa paret anti-emigracion de la vergonha que lor farà la leiçon !…
Turquia qu'es de l'OTAN mas que sap lo que son los Drets de Home.
En despièg dels pichons faissistas remudats d’ultrà esquèrra que me vòlon far passar per un amic d’Erdoğan, trobaretz aqui joncha d’una cançon, es totjorn plan de coneisser çò que se fa endacòm mai.
Es una cançon de l’estil nomnat « bozlak » (bòzlac en occitan) que nos ven d’anatolia, s’i parla d’amors malastrucs, dels rozics de tot çò que punha al còr. De senhalar un autre estil gaireben çò meteis es lo « uzun hava » (ozon hava en occitan) qu’es un cant long monodier.
La relacion del Bozlak ambe la cultura occitana es aquel biais de cantar que comença per de votz nautas e s’acaba pel debàs, i trobem aqui lo meteis ordil del cant de las plorozas ençò nòstra.
Me rementi en 1956 l’aver auzit a las obsequias d’un rèire quenque vièlh, pecaire d’el. Es una forma de cant qu’avem perduda, saria plan de la poder tornar trobar.
Avem pron de rozics de malastres per tornar trobar aquel estil qu’avem perdut. Als cantaires nòstres
De cabussar endins, sufís d’escotar l’arma !
Auretz dos còps la cançon, la version normala de la cançon e una version amb’una analisi de la votz, es sostitrat ambe qualques bravas pecas m’enfin es comprenesible.
L’introduccion de la cançon, la mesa en plaça, es pron longa coma dins totis los bozlak d’aremarcar lo « sazcı » (jogaire del saz) qu’es de granda qualitat.
Se comença de cantar a 3 :30
https://www.youtube.com/watch?v=Fiv64dKpJWk
Aqui la meteissa cançon amb’una analizi de la votz.
https://www.youtube.com/watch?v=8agloCV9WYI
Lo bozlak e lo uzun hava son cançon qu’esquissan l’arma se pòt trasnuechar a escotar
La cantaire es Fatma Aydoğan
Lo jogaire de saz es Muhtis Berberoğlu
La cançon : yaraladı bu aşk beni aquel amor me nhafrèc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari