capçalera campanha

Actualitats

EscòlaLengaPolitica

Macron anóncia la fin dels Ensenhaments de Lengas e Culturas d’Origina dins las escòlas de l’estat francés

Pel president de França es un problèma qu’aqueles ensenhaments facultatius sián pas contrarotlats per l’estat e que i aja d’ensenhaires que parlen pas francés

Lo president de França, Emmanuel Macron, a anonciat que tre la rintrada se va suprimir de l’educacion francesa lo dispositiu de corses facultatius en lengas estrangièras dispensats per d’ensenhaires designats per de govèrns d’autres païses: Argeria, Croacia, Espanha, Itàlia, Marròc, Portugal, Serbia, Tunisia e Turquia. “Lo problèma qu’avèm uèi amb aqueste dispositiu, es qu’avèm de mai en mai d’ensenhaires que parlan pas lo francés” e que los contraròtla pas lo Ministèri de l’Educacion dicha nacionala. L’anóncia la faguèt a la sortida d’un desplaçament a Mülhausen (Alsàcia) consagrat a la lucha contra lo “separatisme islamista”.
 
Segon lo president francés, “se pòt pas d’ensenhar de causas que son manifèstament pas compatiblas o amb las leis de la Republica o amb l’istòria tala coma nosautres la vesèm”. Per tant, “a partir de la rintrada de setembre 2020, los ensenhaments de lengas e culturas d’origina estrangièra seràn pertot suprimits sul sòl de la Republica”. Es atal qu’o anoncièt.
 
Mentretant, lo ministre de l’educacion e lo dels afars estrangièrs an engatjat de negociacions amb los païses pertocats per metre fin a aquel dispositiu del temps que cèrcan un acòrdi suls ensenhaments internacionals en lenga estrangièra, en seguida de discussions enregadas en 2016. Segon Macron, an trobat un acòrdi amb totes los païses franc de Turquia. Dins lo cas dels ensenhaments internacionals, Macron vòl qu’aquelas escòlas sián contrarotladas pel Ministèri de l’Educacion e que s’assegure que totes los ensenhaires mestrejan lo francés.
 
 
 
 
 
 
 
 
 
abonar los amics de Jornalet
 
 

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
6.

Mas pareis que no afeta a las lengas de l'estat. Aissí ja es una altra causa.

  • 1
  • 0
francesc palma
5.

La dreta macronica son uns ipocritas, uns farisseus, lops qu' es cobreissen amb pelh d'ovelha, son un sepulcres emblanquinats qu' amagan la seva putrefacion, uns escursons.

  • 2
  • 0
Guilhem Pujol
4.

Rescontrèri un jorn una linguista indiana de Bombay. Parlava Bengali, Marata, Hindi, Parsi, Englès, Alemand, Italian e Francès. Mièg estabosida, mièg trufarèla, constatèt que "en França la lenga es una religion". Aquel agach exterior es tras que pertinent : puntèja en plen l'esquizofrenia francèsa. Vertat que la lenga francèsa servida e instrumentalizada pel jacobinism es una religion, emai una religion integrista e proselita. Tolèra pas l'existència d'una autra, de cap autra. O-afortis de longa e fins a l'obsession. Un fanatism patetic que fa plan rire en ensajant de faire passar per d'universalism un localism agrit e mosit, plen de rancura de pas aver capitat a èsser lo mèstre del Mond. Lo drollèt Macron es dins lo drech fial d'aquesta amira.

  • 21
  • 1
Parisianus Universalis Paris, capitala mondiâââla
3.

De tota mèna perque ensenhar dins de lengas localas de mal-comprene coma l'englès, l'arabi, l'occitan o lo turc quand avem la benastruga possibilitat d'ensenhar dins la lenga de la civilizacion universala, lo francès ?

  • 10
  • 2
Papioli
2.

Macron, Melenchon, Lo Front Nacionau an lo dreit de parlar de tot aquò sens se far traitat de prò o d'anti arabes.

Benleu que chaldria pus leu tornar botar en causa la République e sa philosofia universala. La França auria una mission civilisatriça a assegurar dins lo monde perque la Revolucion de 1789 l'a dich" Mas, França traina darrier ela tot una civilisacion de colonisacion e d'assimiliacion de fòrça. Tant qu'aurem pas una autotitat que tornara botar en causa aquò, l'òm tombara dins de faus desbats.

Le dévelopament d'una tecnologia que menaça l'umanitat e l'environnament pòd pas continuar aitau. Chau una élévacion de la consciença de tot lo monde. Sciença e tecnologia deavan servir lo bian esser e pas la dominacion. Quò bolega pas solament chas los gilets jaunes o los manifestants per las retiradas mas tanben dins la nauta societat, quò bolega tanben emben lo developament dau spiritualisme. Solas las vielhas structuras economicas, finacièras, socialas, culturalas, politicas resistan enguera. Las religions (catolica, islamista, jusieu) mas tanben la laicita, la philosofia, la sciença materialista van dever evoluar e redde. Coma lo dich Marion Marechala quò es d'une civilisacion mondiala qu'avem besonh pas d'un marchat economic .

  • 3
  • 12

Escriu un comentari sus aqueste article