CAPÇALERA PAIS INVISIBLE

Actualitats

InternacionalPoliticaSocietat

Pampalona: la polícia ataca lo carnaval dels joves al centre vila

La denóncia d’un botiguièr espaventat que compreniá pas la tradicion s’acaba amb una joventa espitalizada reversada per una forgoneta de polícia, e amb de manifestacions e de rambalhs

Una gojata de catorze ans de Pampalona (Bascoat) es espitalizada dempuèi dissabte passat en seguida de “l’irrupcion violenta” de la polícia espanhòla al passacarrièra de Carnaval, segon çò que raporta la comission de las fèstas del quartièr vièlh. Lo jornal Naiz precisa que d’agents de la polícia se presentèron sus divèrses ponches del passacarrièra per identificar los joves qu’i participavan, d’entre 14 e 16 ans d’edat. Sus una de las plaças intreròn amb una forgoneta que se roncèt sus una joventa. En luòc de la menar a l’espital la conduguèron arrestada al comissariat. Es sonque pus tard que finiguèron que la menèron a l’espital. Segon la polícia, la joventa foguèt pas reversada per cap de forgoneta, mas fugissiá en tot córrer e tombèt pel sòl.
 
Los joves qu’organizan lo carnaval pampalonés del centre vila an publicat un comunicat ont explican que, segon la tradicion, los jovesse desguisan en un personatge sonat “Moxaurre“ (o “Mamoxarro“) e intran dins las botigas per anonciar l’arribada de Carnaval e baton lo mond amb de petits bastons. “Sembla que lo proprietari d’un comèrci sabiá pas res de las tradicions dels carnavals navarreses e los denoncièt a la polícia espanhòla”, çò explica. Es aquí que la polícia espanhòla, dicha nacionala, se presentèt. “Çò de mai grèu se passèt en Carrièra de San Frantzisko, ont una forgoneta a granda velocitat se roncèt sus una joventa de 14 ans desguisada en Moxaurre que perseguissián per carrièras”, çò ditz lo comunicat.
 
Malgrat que foguèsse nafrada, la polícia la menèt al comissariat de Pampalona, del temps que los abitants del quartièr, en cridant, s’indignavan que li ofriguèsson pas d’atencion medicala. Fin finala, un còp al comissariat, se demandèt una ambulància, que la menèt a l’espital.
 
D’autre latz, un grop de joves s’amaguèt dins una botiga mentre que la polícia lor disiá: “Es nosautres que vos batrem totara”. Los parents se sarrèron per demandar d’explicas als policièrs, mas recebèron de còps de matraca dels agents.
 
Sul pic, s’improvisèt una manifestacion ciutadana contra l’accion de la polícia, que foguèt atacada amb de balas de goma.

 


abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

lafontan Tolosa
4.

La policia espanhola deu partir de Navarra qu'es una part d'Euskal Herria lo Pais basca an pas res a i far la policia navaresa sufis !

  • 1
  • 0
francesc palma
3.

Com volen aquesta gent que lo poble los vulga ?

  • 4
  • 0
Pitaluga
2.

Mentretant, dins un carnaval de Castelha, una "comparsa" fa escarni de l'olocaust dels josius pels nazis sens que la polìcia bolegue...

  • 5
  • 0
Pèire Cardenal
1.

D’autre latz, un grop de joves s’amaguèt dins una botiga mentre que la polícia lor disiá: “Es nosautres que vos batrem totara”. Los parents se sarrèron per demandar d’explicas als policièrs, mas recebèron de còps de matraca dels agents. Perqué ? Èran de Gilets Jaunes o d'independentistas catalans ?

  • 6
  • 0

Escriu un comentari sus aqueste article