Actualitats
Rugbi de XIII: los Poletons pòdon cantar coma de Gals!
Amb l’anóncia de la prima, lo XIII s’internacionaliza de mai en mai amb de partidas sus tota la planeta
Alan Roch
Los Roosters, mèstres del Mond
Aqueste dissabte, los campions de l’NRL, los Roosters (Gals) de Sydney tornavan metre en jòc lor trofèu de campions del Mond dels clubs. A Saint Helens, la formacion de Trent Robinson demorèt la mestressa en batent los campions de la Superliga: 20-12. Los Dragons s’èran entraïnats amb los campions del Mond dimars passat a Barcelona.
D’aquel temps, en Austràlia, sus la Còsta d’Aur, la formacion dels Indigènas australians afrontava los Maòris de Nòva Zelanda. Aquestes ganhèron 30-16.
Superliga: los Gigants caps de fila
En Superliga, aprèp la tempèsta que los empachèt de jogar a Wakefield, los Dragons èran absents d’aquesta jornada ont aurián degut rescontrar Saint Helens. Demòra de trapar de datas dins un calendièr ja plan fornit. Los catalans entamenaràn lo mes de març dimenge cò d’Hull FC abans de reçaupre los Diables Roges de Salford lo dissabte 7.
Per ara, una sola esquipa a pas encara perdut una partida: Huddersfield qu’a jogat tres còps e qu’es anat ganhar cò d’Hull KR: 22-4 . L’aprendissatge es complicat per Toronto qu’encaissa sa quatrena desfaita: 32-22 facia als autres Lops de la competicion, Warrington.
De senhalar que Tòni Gigòt es a l’ensag cò de la formacion canadiana per un mes amb l’espèr d’i demorar per tota la sason. Los Dragons dobrisson ja la bilhetariá pel rescontre contra Toronto fixat al dissabte 11 d’abril: e parlan de jogar contra la formacion canadiana a Marselha o Tolon a la fin del mes de junh.
Elèit 1: los Dragonets afòlan lo Molin
En Elèit 1, Carcassona torna trapar lo gost de la victòria en batent Avinhon: 29-16. Tolosa coneis un còp de mai la desfaita: 18-36 a Vilanòva. Albi domina aisidament Sent Gaudenç: 34-4. Lo primadièr Limós espèra lo segond temps per distanciar los Cavals Fòls de Palau: 32-17.
Se comptava de veire una partida de tria sus l’estadi del Molin entre Lesinhan e St Estève-XIII Catalan. Mas los Dragonets avián fait apèl a de jogaires que s’entraïnan amb la formacion de Superliga e los locals poguèron pas seguir lo ritme: desfaita 4-41.
Conferéncia sul XIII a Tolosa
Aurai lo plaser d’animar un rescontre consacrat als ligams entre XIII e Occitània aqueste dimècres 26 de febrièr a 6 oras del vèspre, a l’Ostal d’Occitània de Tolosa.
Alan Roch
Aqueste dissabte, los campions de l’NRL, los Roosters (Gals) de Sydney tornavan metre en jòc lor trofèu de campions del Mond dels clubs. A Saint Helens, la formacion de Trent Robinson demorèt la mestressa en batent los campions de la Superliga: 20-12. Los Dragons s’èran entraïnats amb los campions del Mond dimars passat a Barcelona.
D’aquel temps, en Austràlia, sus la Còsta d’Aur, la formacion dels Indigènas australians afrontava los Maòris de Nòva Zelanda. Aquestes ganhèron 30-16.
Superliga: los Gigants caps de fila
En Superliga, aprèp la tempèsta que los empachèt de jogar a Wakefield, los Dragons èran absents d’aquesta jornada ont aurián degut rescontrar Saint Helens. Demòra de trapar de datas dins un calendièr ja plan fornit. Los catalans entamenaràn lo mes de març dimenge cò d’Hull FC abans de reçaupre los Diables Roges de Salford lo dissabte 7.
Per ara, una sola esquipa a pas encara perdut una partida: Huddersfield qu’a jogat tres còps e qu’es anat ganhar cò d’Hull KR: 22-4 . L’aprendissatge es complicat per Toronto qu’encaissa sa quatrena desfaita: 32-22 facia als autres Lops de la competicion, Warrington.
De senhalar que Tòni Gigòt es a l’ensag cò de la formacion canadiana per un mes amb l’espèr d’i demorar per tota la sason. Los Dragons dobrisson ja la bilhetariá pel rescontre contra Toronto fixat al dissabte 11 d’abril: e parlan de jogar contra la formacion canadiana a Marselha o Tolon a la fin del mes de junh.
Elèit 1: los Dragonets afòlan lo Molin
En Elèit 1, Carcassona torna trapar lo gost de la victòria en batent Avinhon: 29-16. Tolosa coneis un còp de mai la desfaita: 18-36 a Vilanòva. Albi domina aisidament Sent Gaudenç: 34-4. Lo primadièr Limós espèra lo segond temps per distanciar los Cavals Fòls de Palau: 32-17.
Se comptava de veire una partida de tria sus l’estadi del Molin entre Lesinhan e St Estève-XIII Catalan. Mas los Dragonets avián fait apèl a de jogaires que s’entraïnan amb la formacion de Superliga e los locals poguèron pas seguir lo ritme: desfaita 4-41.
Conferéncia sul XIII a Tolosa
Aurai lo plaser d’animar un rescontre consacrat als ligams entre XIII e Occitània aqueste dimècres 26 de febrièr a 6 oras del vèspre, a l’Ostal d’Occitània de Tolosa.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari