CAPÇALERA PAIS INVISIBLE

Actualitats

InternacionalPolitica

Ara es Blanquer que fa polemica amb lo supausat “separatisme islamista”

Lo ministre de l’educacion francés ditz que dins doas vilas del nòrd de França la lei islamica a remplaçat la lei republicana. Los cònsols màgers o planhon

Après que Macron anoncièt la fin dels Ensenhaments de Lengas e Culturas d’Origina dins las escòlas de l’estat francés, l’obsession del govèrn francés per combatre un supausat “separatisme islamista” a fach polemica; ara a causa dels prepauses diches pel ministre de l’educacion, Jean-Michel Blanquer, sus France Info. Lo jornalista li demandèt dins quant de quartièrs la lei islamica auriá remplaçat la lei republicana e lo ministre li respondèt:
 
— “Es dificil de donar una chifra exacta, mas es verai que se vei certans quartièrs ont aquò s’es accentuat. M’arriba d’anar dins cèrtas vilas e aquò se vei, tot simplament”.
 
— “Ont, per exemple?”, çò demandèt amb insisténcia lo jornalista.
 
— “Roubaix, per prene solament aquel exemple. Maubeuge per vos en donar un autre exemple... d’endreches ont soi anat recentament”.
 
 
Aquelas declaracions an pas brica agradat als cònsols màgers d’aquelas doas vilas, del nòrd de França.
 
Lo cònsol de Roubaix, Guillaume Delbar, a convidat lo ministre francés a l’anar veire per una “vertadièra vesita de terren”. En mai d’aquò, a qualificat los prepauses del ministre de “peremptòris”: “Sénher Blanquer diguèt qu’èra del costat dels cònsols, es pas amb de discussions coma aquò, de jutjaments peremptòris e precipitats, que capitarem a aver una relacion serena”, çò a dich l’elegit sus BFM.
 
 
 
D’autre latz, a Maubeuge, lo cònsol màger Arnaud Decagny a apelat lo gabinet del ministre per se plànher. “Pensi que los prepauses de Sénher Blanquer son relatius a sa venguda a Maubeuge, ont es vengut davant un collègi, es intrat a l’interior e a pas percorregut cap de carrièra”, çò a dich sus France Info. “Uèi i a pas de zònas de non-drech a Maubeuge, lo convidi a venir sens escòrta policièra per veire çò qu’es la realitat de Maubeuge, e veire que l’imatge que ne pòt aver es pas la realitat”.
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
2.

Se los barris de las ciutats estan abandonats e an moltas mancanças, que no s'estranhen pas se los vesins qu' es senten manginalizats no an simpatias ni per París ni per França.

  • 3
  • 1
L\'Alèm Bordèu
1.

Tot aquò es encra de sipa !
Lo president e lo governament cercan tots biais per nos desvirar l'atencion dau projècte de privatizacion de la proteccion sociala en França dicha "refòrma das retiradas", de mòda a tornar aus financèirs de campanha electorala lo biais de se tornar moneda.

  • 7
  • 1

Escriu un comentari sus aqueste article