Los enfats de Fukushima, en Japon, aumentan de pes perque fan gaireben pas cap d’activitat en plen aire per paur de la radiacion, après lo desastre nuclear d’arunan, çò ditz un estudi del govèrn japonés. An verificat qu’es a Fukushima que i a los enfants mai obèses de las 47 prefecturas del país. L’estudi a mesurat e pesat qualques 700 000 escolans d’entre 5 e 17 ans.
 
Fukushima a lo taus mai naut en 7 dels 13 grops d’atge que l’estudi a comparat. Abans l’accident de la centrala nucleara, aquò se passava solament entre los enfants del desen cors d’escolaritat.
 
Ça que la, a l’ora d’ara, solament 71 de las 450 escòlas de l’endrech mantenon la restriccion de far d’activitats en plen aire.