Hosni Mubarak, lo dictator egipcian reversat per la Prima Aràbia, es mòrta a 91 ans, çò confirmèt ièr la television estatala. Mubarak governèt Egipte amb una man de fèrre pendent trenta ans. En 2011, abandonèt la presidéncia après pèrdre lo favor de l’armada en seguida de las protèstas sus la Plaça de Tahrir del Caire, ont pendent qualques jorns de milièrs de manifestants exigiguèron de reformas democraticas e la fin del regim.
 
Après demissionar, foguèt condemnat a perpetuitat per la Cort Penala del Caire; que lo considerèt complice de l’assassinat de 846 manifestants pacifics pendent las protèstas, qu’el aviá ordenat de las reprimir. Aquela revòlta aviá comencèt lo 25 de genièr de 2011 e fòrabandiguèt Mubarak del poder un mes puèi. En 2013, lo pus naut tribunal del país ordenèt de tornar far lo jutjament e foguèt relaxat. Lo 24 de març de 2017, foguèt mes en libertat.
 
Mubarak Arribèt al poder en 1981 après l’assassinat d’Anwar Sadat dins un desfilat militar. Son mandat foguèt marcat per la corrupcion, los problèmas economics e la repression contra la dissidéncia. Abans sa presidéncia de trenta ans, èra estat comandant en cap de las fòrças aerianas. Lo declarèron eròi nacional après la guèrra araboisraeliana de 1973.