Se presentèt ièr dimècres a Lhèida (Catalonha) los nòus formularis juridics en occitan que desenant son meses a la disposicion dels avocats per tal d’agir davant lo tribunal de Vielha (Castièro) dins la lenga del país.
 
S’agís de 12 formularis dont los de sollicitacion de responsabilitat patrimoniala, de contractes, d’acòrdis reglamentaris comercials, d’escriches de defensa... e d’autres. I a tanben lo de demanda que la documentacion sus un procès se notifique en lenga occitana e lo formulari necessari per depausar un recors quan l’administracion de justícia requerís la traduccion castelhana de çò presentat.
 
Aqueles formularis en occitan arriban gràcias a l’iniciativa del Conselh dels Avocats Catalans qu’an agut lo sosten de la Generalitat de Catalonha e del Collègi dels Avocats de Lhèida. Lor origina son los engatjaments del Conselh dels Avocats Catalans amb l’Institut d’Estudis Araneses-Acadèmia Aranesa de la Lenga Occitana (IEA-AALO) amb la tòca de donar de vam a la lenga dins l’administracion de justícia.

 

Àgora Judicial elogia totes les iniciatives dirigides a preservar les llengües existents en els territoris on els jutges exerceixen la jurisdicció. I desitja que decisions com aquesta tinguin el seu reflex en l'àmbit dels jutjats. https://t.co/Y4XqVshRQY

— Àgora Judicial (@agora_judicial) February 26, 2020

 
 

Se vien de presentar 12 formularis, que ara disposicion des avocats, entà emplegar er occitan aranés ena administracion de justícia. Eth projècte seguís e lèu n'i aurà mès... pic.twitter.com/Mlhtia3BCh

— Occitan aranés (@occitan_aranes) February 26, 2020

 

Felicitam ath Collègi d'Avocats de Catalonha pera iniciatiua de revirar ar aranés es principaus formularis juridics pic.twitter.com/PNztDqY17v

— Occitan aranés (@occitan_aranes) February 26, 2020