Actualitats
Un estudiant egipcian isolat en preson per far partida d’una organizacion umanitària
Aquel estudiant de l’Universitat de Bolonha l’arrestèron al començament de febrièr quand vesitava sa familha en Egipte. Las vesitas li son enebidas fins al 5 de març
Patrick George Zaky es un estudiant egipcian inscrich en mastèr a l’Universitat de Bolonha. Lo 7 de febrièr passat, anèt en Egipte per vesitar sa familha e foguèt arrestat. L’acusan de terrorisme per far partida d’una organizacion umanitària pels dreches umans. Aquela organizacion, Iniciativa Egipciana pels Dreches Personals (EIPR), a denonciat que Zaky a ja patit de torturas tre son primièr jorn de detencion: “L’an batut, electrocutat, menaçat e interrogat sus divèrses subjèctes restacatas a son trabalh e son activisme”.
Segon las darrièras informacions, Patrick George Zaky, l’aurián transferit del centre de detencion del Caire dins una preson d’Al Mansura e per ara las vesitas dels avocats e de sa familha li son interdichas fins al 5 de març.
D’organizacions de defensa dels dreches an acusat lo govèrn del President Abd Al Fatah As Sisi d’aver detengut almens 60 000 presonièrs politics dempuèi qu’arribèt al poder en 2014. As Sisi, que prenguèt lo poder amb un còp d’estat, justifica aquelas detencions coma part de sa “guèrra contra lo terrorisme”.
Segon las darrièras informacions, Patrick George Zaky, l’aurián transferit del centre de detencion del Caire dins una preson d’Al Mansura e per ara las vesitas dels avocats e de sa familha li son interdichas fins al 5 de març.
D’organizacions de defensa dels dreches an acusat lo govèrn del President Abd Al Fatah As Sisi d’aver detengut almens 60 000 presonièrs politics dempuèi qu’arribèt al poder en 2014. As Sisi, que prenguèt lo poder amb un còp d’estat, justifica aquelas detencions coma part de sa “guèrra contra lo terrorisme”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari