Actualitats
Arabia Saudita: detenguda una cantadora de rap per un videoclip
Se canta l’emancipacion de las femnas de La Mèca. Las autoritats considèran qu’es una ofensa contra la ciutat santa
An arrestat en Arabia Saudita la cantadora de rap Asayel Slay per un videoclip de sa cançon MeccaGirl, ont definís las femnas de la vila sagrada de l’islam coma “poderosas e polidas”.
Lo videoclip mòstra dins un cafè d’òmes a cantar e de femnas a dançar del temps que la cantadora canta de paraulas coma: “Nòstre respècte per las autras gojatas, mas las gojatas de La Mèca son doças coma lo sucre”. Las paraulas mancan pas al respècte de degun e i a pas quitament de contengut violent o sexual, mas se canta l’emancipacion de las femnas, e aquò agradèt pas brica al governador de La Mèca, Khaled Al Faisal, qu’ordenèt que Slay e los responsables de la creacion del video foguèsson arrestats. Considèra que lo videoclip es una ofensa contra la ciutat santa.
Lo videoclip mòstra dins un cafè d’òmes a cantar e de femnas a dançar del temps que la cantadora canta de paraulas coma: “Nòstre respècte per las autras gojatas, mas las gojatas de La Mèca son doças coma lo sucre”. Las paraulas mancan pas al respècte de degun e i a pas quitament de contengut violent o sexual, mas se canta l’emancipacion de las femnas, e aquò agradèt pas brica al governador de La Mèca, Khaled Al Faisal, qu’ordenèt que Slay e los responsables de la creacion del video foguèsson arrestats. Considèra que lo videoclip es una ofensa contra la ciutat santa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Un sol tròl utiliza 36 pseudonims diferents per nos dire que supòrta pas lo rap. Aürosament sèm una majoritat de legeires que vivèm amb lo rap, qu'es una musica normala de nòstra cultura d'òc. Visca Aslayel Slay Visca Massilia Sound System visca Rodín Kaufmann visca Doctors de Trobar visca Eminem visca Run DMC Visca Keny Arkana Visca Diam's (qu'es chipriòta e pas aràbia, en passant)...
#5 Musica ? Sonatz "musica" l'èr de la taula de multiplicacions ?
Me fasètz rire ! I a autant de diferència entre un Quick Burger, un King Burger, un Whoopie Burger o un Mac Donald qu'entre un Coca-Cola un Pepsi-Cola, un Virgin-Cola o un Mecca-Cola ! Res que se sembla tant a un hamburger o a un coca qu'un autre hamburger o coca. Emai los americans sonan aquo de "junk food", ço que se tradutz per "noiridura poirida", o "noiridura de mèrda", es dire !
Polanski saurà ne'n faire un film de tria, veirètz...
Lo rap es pas de musica ? Vos sentissez melhor se disetz que setz per subre de la cultura populara ?
Lo rap es coma Macdonalds ? I a rap de baissa qualitat, i a rap de nauta qualitat, i a rap alternatiu, i a rap amb flow, i a rap qu’es basicament pop, n’i a qu’es barrejat amb d’autres gèneres... i a rap e rap, es un gènere enòrme amb fòrça sub-escènas diferentas. Dir que lo rap es pas de musica es coma dir que los hamburguers son pas de manjar perqué me platz pas MacDonalds, mas evidentament se soi pas ignorant sabi que i a fòrça tipes de hamburguers diferents que son pas forçosament de la meteissa qualitat que los de MacDonalds.
Lo rap es una “provocacion americana” ? Òc, coma la majoritat del pop, lo rock, e totes los gèneres modèrnes que se son desenvolopats amb d’influéncia d’artistes americans. Dubti profundament que totes los lectors de Jornalet escoten que d’artistes de folclòre occitan sens elements moderns (“americans”).
Laissatz de faire passar filistinisme per un gost musical rafinat. Siatz dubèrts de ment i descobrirètz qu’i a causas que coneissètz pas mas qu’an de qualitat. Cal pas que vos agrade, aquò’s subjectiu, mas devètz reconéisser qu’es cultura se volètz pas èstre d’ignorants pseudointellectuals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari