capçalera campanha

Actualitats

EconomiaEnvironamentInternacionalPolitica

Luxemborg: totes los transpòrts publics venon gratuits

Los trens, autobuses e trams de tot lo Grand Ducat venon gratuits amb la tòca de reduire lo nombre de veituras

Luxemborg vendrà deman lo primièr país del Mond que prepausa gratuitament tot son transpòrt public. A partir d’aqueste 1r de març de 2020, los autobuses, los trams e los trens de tot lo Grand Ducat seràn gratuits per totes los ciutadans. Solament los tiquets per la primièra classa dins los trens servaràn las tarifas actualas e tanben los trajèctes internacionals, segon los prèses de las companhiás estrangièras.
 
Lo Ministèri dels Transpòrts Publics a tanben anonciat d’investiments e compta de doblar lo nombre de plaças dins los cinc ans.
 
La tòca es de reduire la circulacion de las veituras. Per aquela rason, las autoritats bèlgas e luxemborgesas examinan ara la possiblitat de bastir de grands pargatges a la frontièra dels dos estats.
 
 
Una granda fèsta per o anonciar
 
Una granda fèsta se ten uèi dissabte per anonciar l’eveniment. Quatre garas aculhiràn de concèrts gratuits. A mai, de musicians jogaràn dins los trens, trams e buses abans de s’amassar dins lo quartièr de Kierchbierg, al centre de la vila de Luxemborg, ont se tendrà un festenal en serada.
 
 
 
 
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
2.

Que jo recordi, a Moscou lo metro era de franc en temps del comunisme, e un bon metro amb estacions las mai decoradas e polidas del mond. Luxemborg es un país molt ric, ja o poder far que non passaran problemas economics per aissò.

  • 0
  • 1
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
1.

L’Ultra esquèrra ten la ruca : los transpòrts son a gratís atal se pòt trastolre lo mond sens botar la man al pòrta moneda plan amagat dins la botgeta :-) enquèra que s’amaga milhor dins las fondas o las pòchas.

Al cap de l’istòria i a totjorn qualqu’un que paga, aqui es l’estat e l’estat a cap de revengut vist que produzis ren de ren, tanben l’estat se servís del meteis dins las pòchas nòstras, per ilustracion avem qualques mots de vocabulari : impaus, taxas, contrubucions, participacions, dreches !

Son los revenguts de l’estat e es vosaus que pagats !

Lo país meravilhós es lo luxemborg qu’a un deute de 20% del PIB, un del mai bàs d'europa, nosaus sem a 99,9% del PIB de deutes.

Populacion de 605 000 mila estatjants qu'an un nivèl de vida mai naut que lo nòstre.

Superficia 2600 Km² = un pichon departament francés

  • 4
  • 5

Escriu un comentari sus aqueste article