Lo cònsol màger de Ventemilha, Gaetano Scullino, a criticat vivament las decisions d’anullar lo Carnaval de Niça e la Fèsta del Citron de Menton a causa del coronavirus. E mai planh que los ciutadans del costat francés de la frontièra ajan desertat sa vila e vengan pas pus far lors crompas a Ventemilha o Sanremo, çò rapòrta Nice-Matin.
 
Scullino ditz que seriá estada una bona causa que se’n parlèsse entre cònsols de comunas vesinas frontalièras, mas que degun l’a pas apelat, “ni de Menton ni de Niça” per li donar la possibilitat de ne discutir. “Es verai qu’eles prenon lors responsabilitats, mas cresi que cal de calma en politica e non pas enfolir atal las populacions”, çò ditz.
 
Scullino a pres las directivas regionalas de Ligúria dont barrar las escòlas. Mas assegura que “cal pas dramatizar”.