Actualitats
Grècia anóncia qu’acceptarà pas de demandas d’asil durant un mes
Turquia a dobèrt sa frontièra amb l’Union Europèa, çò qu’a provocat lo desplaçament de milièrs de refugiats que cèrcan l’asil europèu
Lo primièr ministre de Grècia, Kiriakos Mitsotakis, anoncièt aquesta dimenjada passada que son país acceptariá pas de demandas d’asil pendent un mes, en suspendent, de facto, la Convencion de Genèva, que regula lo drech internacional umanitari en cas de guèrra. Segon aquela anóncia, tot migrant en situacion irregulara risca d’èsser encarcerat.
L’anóncia grèga arriba après que Turquia a anonciat que contendriá pas pus l’intrada dels refugiats dins l’Union Europèa dempuèi que 33 soldats turcs defuntèron en causa d’una ataca aeriana sus la província d’Idlib, en Siria.
Mitsotakis diguèt qu’invocava l’article 78.3 del Tractat de Foncionament de l’Union Europèa per s’assegurar lo plen sosten europèu. “Las frontièras de Grècia son las frontièras extèrnas d’Euròpa. Las protegirem”, çò diguèt. Mentretant, la polícia grèga reprimissiá amb violéncia l’arribada de migrants, çò que provoquèt de fòrts rambalhs. De son costat, lo president del Conselh Europèu, Charles Michel, a mostrat son sosten als esfòrces grècs per protegir las frontièras europèas e vesitèt dimars passat la frontièra entre Grècia e Turquia amb lo primièr ministre grèc.
Lo govèrn grèc es a mandar massissament de messatges SMS a totes los telefòns mobils que se tròban a la frontièra. Lo tèxt avertís, en anglés, que Grècia aumenta a son maxim lo nivèl de seguretat de la frontièra e qu’es pas possible de la traversar illegalament.
En fusilhant sus l'aiga
Mentretant la gàrdia costièra grèga a ensajat d'arrestar l'intrada dels migrants en fusilhant sus l'aiga, près dels refugiats qu'ensajan d'arribar, que patisson tanben de còps de baston e d'assauts en batèu rapid.
Almens un enfant mòrt
De tot biais, los refugiats arriban tornarmai per milièrs en Grècia, mai que mai a travèrs de l’illa de Lèsbos. Dimenge passat, un enfant defuntèt dins un naufragi e un autre enfant foguèt espitalizat en un estat grèu.
L’anóncia grèga arriba après que Turquia a anonciat que contendriá pas pus l’intrada dels refugiats dins l’Union Europèa dempuèi que 33 soldats turcs defuntèron en causa d’una ataca aeriana sus la província d’Idlib, en Siria.
Mitsotakis diguèt qu’invocava l’article 78.3 del Tractat de Foncionament de l’Union Europèa per s’assegurar lo plen sosten europèu. “Las frontièras de Grècia son las frontièras extèrnas d’Euròpa. Las protegirem”, çò diguèt. Mentretant, la polícia grèga reprimissiá amb violéncia l’arribada de migrants, çò que provoquèt de fòrts rambalhs. De son costat, lo president del Conselh Europèu, Charles Michel, a mostrat son sosten als esfòrces grècs per protegir las frontièras europèas e vesitèt dimars passat la frontièra entre Grècia e Turquia amb lo primièr ministre grèc.
Lo govèrn grèc es a mandar massissament de messatges SMS a totes los telefòns mobils que se tròban a la frontièra. Lo tèxt avertís, en anglés, que Grècia aumenta a son maxim lo nivèl de seguretat de la frontièra e qu’es pas possible de la traversar illegalament.
En fusilhant sus l'aiga
Mentretant la gàrdia costièra grèga a ensajat d'arrestar l'intrada dels migrants en fusilhant sus l'aiga, près dels refugiats qu'ensajan d'arribar, que patisson tanben de còps de baston e d'assauts en batèu rapid.
Almens un enfant mòrt
De tot biais, los refugiats arriban tornarmai per milièrs en Grècia, mai que mai a travèrs de l’illa de Lèsbos. Dimenge passat, un enfant defuntèt dins un naufragi e un autre enfant foguèt espitalizat en un estat grèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Erdogan qu'esperava obténer quauques beneficis de la caiguda del regim sirian a per un brave temps ajudat e sostengut segretament los islamistas de DAESH. Coma ara es en tren de pèrdre la man jos la sauvatjaria dels bombardaments de son "amic" Poutine, crida al secors a Europa. Aquesta a pas res a faire dels deliris de conquèsta del calife Erdogan. Alara tras qu'enfadat aquel ensaja tornamai de nos far lo chantatge a l'invasion en escampant sus Europa los refugiats sirians, iraquians, e tanben totes los imigrants economics d'Asia e d'Africa negra que cèrcan d'agandir al paradis europenc. L'U.E. es victima a l'encop de las luchas de poder entre los dictators turc, rus, islamist e sirian que se carpinhan dins la panièra a crancs, e tanben de s'ésser de longa vantada d'ésser sus la planèta Tèrra
l'etalon-aur dels dreches umans, del bon-viure, de la prosperitat e patin-cofin. Lo problèma es que tota la pauralha del mond, del Senegal al Bangladesh, a fenit per préne al mot aquelas vantardisas fantasierosas e estima ara qu'èla tanben a drech d'aver sa plaça dins aquel novèl paradis terrèstre. Es mal-barrat. A dich de s'encreire, Europa a persuadat lo mond qu'èra melhora e mai rica qu'o es en realitat...
Turquia que a invadit una part del territori kurd no s'en vol anar, los Siris ja li an di que se n'avian danar amb un bombardament orrible estil sovietic, que a causat molt de soldats morts e mai de ferits. Mas Erdogant diu que l'exercit turc non s'en anirà. Paure exercit turc, non saben lo dia,mas los espera un altra bormbardament esgarrifós. Davant aiçò a demanat ajuda, mas coma està invadin un altre pais ninguen lo vol ajudar, e desesperat amenaça a Europa d'enviar los emigrants. Es una dictadura perilhosa que continuament està desestabilizat la zona.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari