CAPÇALERA PAIS INVISIBLE

Actualitats

EconomiaInternacional

Lo coronavirus es una menaça per l’economia segon l’OCDE

Japon e la zòna èuro poirián intrar en recession dins las zònas mai afectadas. L’economia chinesa seriá la pus damatjada

La creissença de l’economia mondiala serà d’un 0,5% inferiora a çò qu’èra previst fa tres meses, a causa de l’impacte del coronavirus, segon un rapòrt de l’Organizacion per la Cooperacion e lo Desvolopament economic (OCDE). Dins lo cas de la zòna èuro, la prevision abaissa aquela creissença a un 0,8%. Atal, segon aquel organisme, l’economia globala afronta una menaça màger.
 
Se la psicòsi del coronavirus s’esperlonguèsse o se la malautiá s’espandiguèsse encara mai en demorant desconeguda pels scientifics, la crisi durariá e se poiriá intrar en recession dins las zònas mai afectadas, compreses Japon e la zòna èuro. L’economia mai degalhada seriá la chinesa, que representa lo 15% del PIB mondial.
 
 

 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Covid Occitan
7.

#1#3#4#5#6 Posque aquesta gripa nos escrancar lo triumvirat Macron-Philippe-Castaner !

  • 14
  • 0
Pèire Maurin Montalion
6.

#1 Car Gilhèm Belibasta, se lo Ben te basta coma o pretend ton nom, sabes ben que per aqueste mond, res de ben non qu'exiliat al mond del mal. E tot çò marrit es marrit, per qui que siá. Mas se França e Roma i trespassan, non nos faràn plorinejar gaire…

  • 3
  • 0
Pitaluga
5.

Totes los economistas del fenestron se son faches medecins a l'entorn de la malauta. Se cal pas far tant de lagui: l'economia morís pas, ela ! Los òmes, òc ! E i a bèl brieu que l’economia tua los òmes, e aqueles arlèris se’n fan pas per aquò ! Normal: i a pas d'òmes, sonque de ressorsas umanas. E las ressorsas son aquí per èsser gastadas. CQCD (çò que caliá demostrar).

  • 16
  • 0
Fabian Menudier Branhac
4.

Es pas una gripa, es la Revolucion en marcha !

  • 22
  • 0
Sitting Bull
3.

#1 Vertat, es tojorn bon de veire l'envaseire crénher e tremolar d'espavent.

  • 20
  • 1

Escriu un comentari sus aqueste article