Actualitats
Un rapòrt d’Human Rights Watch avertís que China redutz encara mai l’educacion en tibetan
Las autoritats desvolopan un nòu sistèma ont lo chinés es la lenga d’instruccion a L’escòla primària
Lo chinés remplaça progressivament lo tibetan coma lenga d’instruccion dins las escòlas primàrias de la Region Autonòma de Tibet, segon lo darrièr rapòrt publicat per Human Rights Watch (HRW). Lo chinés èra ja la lenga emplegada dins las autras fasas mai avançadas de l’ensenhament, çò ditz l’organizacion pròdreches umans, mas al nivèl primari se manteniá un sistèma bilingüe.
HRW admet que i a pauca informacion oficiala disponibla, mas mençona una tièra d’entrevistas fachas en setembre de 2019 a de parents del nòrd de Tibet, segon las qualas l’ensenhament en chinés s’introduguèt dins las escòlas de lors enfants en març de 2019. Lo rapòrt mençona tanben un foncionari de l’educacion de la Region Autonòma de Tibet qu’afortís que s’espèra que lo govèrn ordene l'ensenhament en chinés dins totas las escòlas primàrias.
Lo document explica tanben que las autoritats tibetanas nomenan de mai en mai de professores chineses en Tibet. Aqueles professionals parlan pas tibetan, de sòrta que la lenga demòra mespresada.
Segon lo rapòrt, divèrses estudis fragmentaris permeton de remarcar que las politicas discriminatòrias contra lo tibetan, enregadas dempuèi dempuèi los ans 1960, conduson a una pèrda de coneissença e de capacitats en aquela lenga dins las generacions mai joves de tibetans, mai que mai dins las vilas.
La Region Autonòma de Tibet ocupa aperaquí la mitat del territòri istoric d’aquela nacion sens estat asiatica. Malgrat son nom, las autoritats de la Region Autonòma gaudisson practicament pas de cap de marge d’autogovèrn a respècte de l’estat central e del Partit Comunista.
Aqueta nòva es adaptada de Nationalia amb qui Jornalet ten un acòrdi de cooperacion.
HRW admet que i a pauca informacion oficiala disponibla, mas mençona una tièra d’entrevistas fachas en setembre de 2019 a de parents del nòrd de Tibet, segon las qualas l’ensenhament en chinés s’introduguèt dins las escòlas de lors enfants en març de 2019. Lo rapòrt mençona tanben un foncionari de l’educacion de la Region Autonòma de Tibet qu’afortís que s’espèra que lo govèrn ordene l'ensenhament en chinés dins totas las escòlas primàrias.
Lo document explica tanben que las autoritats tibetanas nomenan de mai en mai de professores chineses en Tibet. Aqueles professionals parlan pas tibetan, de sòrta que la lenga demòra mespresada.
Segon lo rapòrt, divèrses estudis fragmentaris permeton de remarcar que las politicas discriminatòrias contra lo tibetan, enregadas dempuèi dempuèi los ans 1960, conduson a una pèrda de coneissença e de capacitats en aquela lenga dins las generacions mai joves de tibetans, mai que mai dins las vilas.
La Region Autonòma de Tibet ocupa aperaquí la mitat del territòri istoric d’aquela nacion sens estat asiatica. Malgrat son nom, las autoritats de la Region Autonòma gaudisson practicament pas de cap de marge d’autogovèrn a respècte de l’estat central e del Partit Comunista.
Aqueta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segur qu'es lo Blanquer lo que conselha los chineses. Aquel sap far.
Res de nòu a l'ést, que aurià dit Remarque
Las autoritats desvolopan un nòu sistèma ont lo chinés es la lenga d’instruccion a L’escòla primària : òm s'i creiriá en Franças ! Parlatz d'un malastre…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari