capçalera campanha

Actualitats

PoliticaSocietat

L’estat francés a enebit los recampaments de mai de 1000 personas a causa del coronavirus

Aqueste dimenge, lo nombre d’infectats en França a despassat la barra de las mila personas

L’estat francés a enebit los recampaments de mai de 1000 personas. O a anonciat aqueste dimenge de ser Olivier Véran a la sortida d’un conselh de defensa organizat a l’Elisi. La causa n’es que los cases d’infeccion pel coronavirus Covid-19 son ja mai de 1000 dins tot l’estat, çò rapòrta Le Monde.
 
Lo ministre de la santat a demandat als prefèctes de constituir una lista dels recampaments “utils a l’interès de la nacion” coma “las manifestacions, los concorses, los transpòrts en comun”, que seràn exemptats de l’interdiccion.
 
Lo govèrn de Philippe se prepara al passatge a l’estadi 3 de l’estat d’alèrta, “inexorable” segon lo president Emmanuel Macron mas qu’es pas encara subrevengut, coma o a confirmat Olivier Véran. Contràriament a l’estadi 2, l’estadi 3, lo de l’epidemia, cèrca pas pus d'empedegar la propagacion mas de n’atenuar las consequéncias.

 

 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
6.

E totes los mèdias (mens Jornalet e qualque autre) encargats de nos far passar aqueste arlèri arribista coma ipercompetent. Lo retrach que ne far lo Canard permet d'èsser perplèxe. Ja plorava a la pòrta d'Hollanda per èsser ministre de la Santat quand aqueste li preferiguèt M. Touraine. Apuèi anèt trucar a la pòrta de Macron. Vist l'atge del tipe, e vist las annadas d'estudis necessàrias, sabi pas quand a pogut exercir coma medecin. Benlèu es un d'aqueles iperdotats, tal coma los aiman dins cèrts mèdias, qu'aguèt son bachilherat amb sa primièra dent. Enfin, l'enfarinatge contunha mai que pus!

  • 1
  • 0
francesc palma
5.

Aissò es un grip, e passat l'ivern segurament amainarà. Déu face.
M'agrada mai l'ivern, mas aqueste a estat dolent, i a agut molts de malalts e ara la c.v. Mas vendrai la prima e com desia Guilhem de Peitieu (1071-1126), l'avem de saber gaudir:
Pos vesem de novel florir
prats e vergiers reverdezir,
rius e fontanas esclarzir,
auras e vents,
ben deu chascús lo joi gaudir
d'on es gaudents.

  • 2
  • 0
Manolito Valsss
4.

Lo ministre de la santat a demandat als prefèctes de constituir una lista dels recampaments “utils a l’interès de la nacion” coma “las manifestacions, los concorses, los transpòrts en comun”, que seràn exemptats de l’interdiccion : tota manifestacion que non serà favorabla al neoliberalisme serà autamaticament decretada portadoira de virus e donc formalament interdita ! Los recalcitrants que manifestaràn contra lo neoliberalisme se trobaràn pregats de non pas infectar viralament los policièrs del temps qu'aqueles s'aplicaràn a far dintrar l'interdiccion de manifestar a grands còps de barra pel cap dels malauts acampats a mai de 1000 personas !!!!!

  • 13
  • 0
Nacions Unidas New York
3.

Vos cal pregar la santa, la misericordiosa Greta Thunberg ! Ai de vosautres qu'avètz dobtat de Son meessatge !

  • 25
  • 8
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
2.

S'aprobenca un diluns negre :

Lo CAC40 tanlèu lo bargalh dièrp cabussa de -7,66%, es caisut a 4744 punts

  • 6
  • 5

Escriu un comentari sus aqueste article