capçalera campanha

Actualitats

InternacionalPoliticaSciénciaSocietat

Itàlia: 60 milions de ciutadans italians son confinats a causa del coronavirus

Totes los establiments publics son tampats e se pòt pas intrar ni sortir de sa region. I a de contraròtles sus las estradas, dins las estacions e los aeropòrts e s’es menaçat de penas de preson lo mond que desobesirián al confinament

| Flavio Lo Scalzo / Reuters
L’estat italian a limitat lo drech de circulacion a totes sos iutadans. Son confinats fins al 3 d’abril, a causa del coronavirus. Aquestes pòdon pas intrar ni sortir sens justificacion, e lo mond que manifestarián de fèbre o de problèmas respiratòris deuràn èsser contrarotlats pel personal de santat. I a de ponches de contraròtle policièr sus las estradas, dins las estacions e los aeropòrts e s’es menaçat de penas de preson lo mond que desobesirián a aquel confinament.
 
La mesura intrèt en vigor dimenge en qualques províncias e diluns s'estendèt a tot lo país, quand se saupèt que la chifra de mòrts pel virus Covid-19 en Itàlia èra de 366, çò es 133 mai que la velha. D’efièch, de mai de cinc mila infectats dissabte se passèt a mai de sièis mila dimenge. Atal, Itàlia es lo país amb mai de contagions del Mond après China. Quitament davant la Corèa del Sud.
 
Las escòlas e las universitats son barradas; e tanben los musèus, los centres culturals, las installacions esportivas, las piscinas, las estacions d’esquí... se pòt pas téner de maridatges, ni de funeralhas, ni d’eveniments festius o esportius, e se trabalharà, dins la mesura de çò possible, de son ostal estant.
 
Las vilas de Turin e Coni presentan fòrça mens de mond que se passejan per carrièras e los musèus i son tanplan barrats.
 
 
De mutinariás dins 27 presons
 
Mentretant s’es tengut de mutinariás e d’assages d’evasion dins 27 presons de l’estat dont Palèrme, Milan e Modena. Dins aquela darrièra preson serián mòrts sièis presonièrs de sobredòsi de psicotròps dins l’infirmariá durant los desòrdres.

 
 
    
        
    
fffff fffff
 Las escòlas son barradas a Quilhan
            
Quilhan (Rasés) es un dels nuclèus mai actius del virus en Occitània e dins l'estat francés. Uèi, las escòlas, lo collègi e lo licèu son barrats fins a novèl òrdre.


 
   



abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
1.

Vendrai la prima e segurament s'enportarà la c.v. Atal sia:

Quan l'erba fresch'e la folha par
e flors vos botonon el verjan,
e'l rossinhol autet e clar
leva sa votz e mou son chan,
joi ai de lui, e joi ai de la flor
e joi ai de me e de midon major;
daus totas parts sui de joi claus e sens
mas sel es joi que tots autres jois vens.

Bernart de Ventadorn (....1147-1170....)

  • 1
  • 0

Escriu un comentari sus aqueste article