Actualitats
Economia: jornada negra per las borsas mondialas
L’incertitud davant lo coronavirus e lo braç de fèrre entre Russia e l’Arabia Saudita per la produccion de petròli an tombat los principals mercats
Los indèxes borsièrs de referéncia europèus baissèron fòrça. Lo CAC de la borsa de París tombèt d’un 8,39%, l’Ibex35 de Madrid d’un 8,10% e lo de Milan d’un 11,17%. D’autras borsas europèas enregistrèron tanben de davaladas importantas coma Londres (7,51%) e Francfòrt (7,89%). Quant als Estats Units, tant lo Dow Jones, coma l’S&P500 e lo Nasdaq enregistraban de reculadas superioras a un 6%.
Fòrta davalada del prètz del petròli
Russia e l’Arabia Saudita son pas arribadas a un acòrdi per reduire la produccion de petròli en seguida de l’alentiment causat per la psicòsi que l’a descadenada lo coronavirus. Divendres, l’Organizacion dels Païses Exportators de Petròli (OPÈP), dirigida per l’Arabia Saudita, aviá prepausat de baissar la produccion d’1,5 milion de barrils per jorn per afrontar la casuda de la demanda de las darrièras setmanas. Mas Russia refusèt l’acòrdi, e l’Arabia Saudita decidiguèt de contratacar en aumentant la produccion, una mesura radicalament contrària a çò qu’avián previst. Lo resultat es que ièr lo prètz del petròli davalèt d’un 30%.
Global stock markets plummet over coronavirus, trade and oil wars https://t.co/Hlpr1EzQFB عبر @ahramonline
— mohamed deshnawy (@mohameddeshnawy) March 9, 2020
The New York Stock Exchange halted stock trading for 15 minutes after the S&P 500 fell 7% on Monday morning. Stocks plummeted as worries about the growing global coronavirus pandemic and an oil price race to the bottom weighed on global financial markets. https://t.co/2ELu5EJQvS
— CNN (@CNN) March 9, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9
Vèsi que prenetz vòstre mond per de sardas !
Es vosaus que visquetz dins un autre planeta, pichon avetz seguit lo sistem educatiu e i setz damorat, de la vida n’en coneissetz nat arren levat l’educacion nacionala, sistem jacoboniste de mesa al plèc dels cervèls ambe l’afrancimadament qu’es grat.
Mancaria pas qu’aquò qu’aguessetz de RTT en mai : ja qu’avetz unz brava pagelada de vacanças, plan al delà de las 5 setmana dels vòstres circonvesins d’aiceste paí mai los RTT.
Que l’esperança de vida mejana es de 79,8 pels òmes e de 85.7 per las femnas. Dins las 60 darrièras annadas los òmes an ganhat 13 annadas de mai d’esperança de vida e las femnas 12,3 annadas.
Que l’esperança de vida per los trabalhadors :-) de l’educacion nacionala es la mai nauta del país.
Que vòstra pension de retirada es calculada sus los 6 darnièrs meses, mentre que per los autres es la mejana de las 25 milhonas annadas limitada per 50% del plafond de la securitat sociala.
Que vòstra escotisson per la vòstra pension es anormalament bàs rapòrt als autres privilegiats d’aiceste país, que la part de vòstre emplegaire es anoramalmament nauta rapòrt als autres privilegiats d’aiceste país, qu’aquesta part pagada per vòstre emplegaire es ambe nòstra argent de contribuable qu’es pagada.
E per manca de temps espepissarai pas d’autres sicuts que s’ameritariàn d’èsser mençonat e estudiats.
Edat legal del despart a la retirada :
Alemanha : 67 ans en 2030
Espanha : 67 ans en 2027
Grècia : 67 ans
Italià : 66 ans pels òmes e 62 ans per las femnas
Suècia : 69 ans es a man d’i passar
Reialme unit : 66 ans
Polonha : 67 ans en 2040
E ufèc coma un pesolhs de ploroza e de mifa mafa venetz aleiçonar, òc ben prenetz vòstre mond per de sardas !
Per vos, urgís de torna sus terra !
#8 Subre quina planèta vives ?
1) Non partirai pas en retirada abans l'atge de 67 ans, en rason de lor salopariás de "décotes" instauradas pel neoliberalisme sarkozista.
2) Lo punt d'indici de la foncion publica es desindexat del còst de la vida despuèi lo periòdi neoliberal del segond règne del monarc republican Mythe Errand, e gelat despuèi al mens 3 quinquenats, çò que fa qu'en tot, ai degut pèrdre a l'entorn de 35 % del salari que tocariái, simplament s'aguèsse seguit lo còst de la vida.
3) Los professors an pas jamai agut de RTT e son pas jamai passats a las 35 oras setmanièras, lor emplèc del temps essent demorat de 18 oras davant escolans e de 23 oras sense los escolans per aprestar lors corses e corregir de copias de mai en mai nombrosas, ja que los efectius en classa non quitan pas de crèisser. E los dos meses d'estiu que passan per de "vacanças" non son pas pagats e correspondon a de caumatge tecnic annadièr.
4) E cossí fas, tu per acabar d'estudis doctorals en començant de trabalhar a 18 ans ? E imaginas que los estudis universitaris correspondon un percors toristic ? Gaireben totes los doctors de l'universitat non son pas reconeguts per lor nivèl de qualificacion.
Lo neoliberalisme mespresa los estudis, los estudiants, los ensenhants e los cercaires. Tot çò que non rapòrta de moneda a de fons d'interèsses privats a escasença corteta, se'n chautan ! Qué pòt ben valer un sistèmi que mespresa los sabers, los que los transmeton e los que los recebon ?
Qué pòt ben valer un sistèmi qu'enriquís injustificablament un ponherat d'arlèris en apaurissent e precarisant los mai grand nombre ?
Qué pòt ben valer un sistèmi que mespresa los enfants (en fasent d'economias subre lo budjècte de l'ensenhament, los malauts (en fasent d'economias subre lo budgècte de l'espital public) que mespresa los ancians (en demesissent intolerablament los revenguts dels retirats) , que mespresa las femnas (en las pagants globalament plan mens que los mascles), que mespresa los estrangièrs (en los pagants fòrça mens e sense cap de dreit de trabalh, mercés al procèssus de la delocalizacion de la man d'òbra) ?
Qué pòt valer un sistèmi que vòl de creissença, sempre de creissença sempre mai de creissença, dins un mond finit e a l'agonia ? Los neoliberals son complètament calucs e irresponsables. Son coma un cancer generalizat e metastatica de las societats umanas.
#7
Annadas 1950 -1960 La durada legala del trabalh per setmana èra de 40h, mas la durada effectiva èra de 45-46h de trabalh / Setmana.
2020 La durada legala del trabalh es de 35H /setmana.
1936 2 setmanas de comjats pagats
1956 3 setmanas de comjats pagats
2020 5 setmanas de comjats pagats + los RTT
Atal en 2020 per 25 jorns de comjats pausats podes aver 60 jorns de comjats es l'optimizacion
Edat de despart en retirada :
65 ans en 1945
60 ans en 1983
2011 un sistem desgressif 61, 62,eca.
Dintrada mejana dins la vida professionala
1969 : 18 ans
2001 : 21 ans
2020 : 23 ans
Sense esparnha cap de financièrs, sense financièrs cap de finançament de projectes, sense projectes cap d’esvenidors ? Urosament, nosautres, de projèctes, n'avèm un, e que non a pas besonh dels capitalistas ! S'agís de subreviure a l'abausament del mond neoliberal, del mond capitalista que nos fa córrer a fum de calhau cap a la paret del desastre ecologic.
Ton mitan financiarista, l'ariscle, lo coneissèm ben : es lo que nos demanda de trabalhar tostemps mai, per totstemps mens de moneda, tostemps mai longtemps, per endurar de vidas de mai en mai precarizadas, de vidas de mèrda qu'a despart de tu, degun mai non n'a pas jamai volgut !
Vòstras comentaris daissan passar l’asirança a l'encontra d’un mond que coneissetz brica. Una mena de paur generada per la mesconeissença. Crèsi qu'es pas vertuós !
Totis los rapaças an una utilitat sociala.
Lo profièg es bona aisina per destrar de l’utilitat d’un ben o d’un servici.
Atal lo financièr deu trobar servicis e bens que generaràn profiègs esvenidors.
Lo ròtle del financièr es de balhar una ressorga escassa e necessari a la creissença, l’esparnha, a projectes que generaràn profiègs.
La seleccion dels projectes deu èsser pempilhosa e espepisada per desgalhar pas aquela esparnha.
Sens esparnha cap de financièrs, sens financièrs cap de finançament de projectes, sens projectes cap d’esvenidors.
Quora jornalet fa un clam per aver un bocin d'argent es tanben una recerca de finançament e malastrudament i aurà cap de retorn sus l'investissament. La règla del jòc es tre mandat, tre perdut !
E coma genera cap de profiègs es un desgalhament de l'esparnha dels que n'an pas de tròp qu'es facha. Cap de creissença!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari