2013 poiriá èsser un an remembrat per la vision d’una de las cometas mai brilhantas que se sián jamai vistas. S’agís de la cometa ISON, descobèrta per dos astronòms amators en setembre passat, quand s’acostava de l’orbita de Jupitèr. E an calculat qu’a una orbita gaireben parabolica que farà que se sarre fòrça del Solelh, a mens de dos milions de quilomètres, a la fin de novembre de l’an que ven. Alavetz, se se desintegrèsse, arribariá d’èsser visibla dins los dos emisfèris de la Tèrra en decembre de l’an que ven e al començament de 2014. E quitament poiriá èsser mai brilhanta que la luna plena.
 
Pasmens, en agost de l’an que ven, ja la cometa se serà sarrada pro del Solelh, aperaquí a 320 milions de quilomètres, per que comence de se formar la ròda, la coa caracteristica. Benlèu serà alavetz que se poirà predire melhor quala serà sa brilhacion.
 
La darrièra cometa que se vegèt dempuèi la Tèrra foguèt Lovejoy, en decembre d’arunan, dins l’emisfèri sud. Vaquí un vidèo amb l’imatge accelerat d’aquela cometa: