La majoritat d’occitans, franc dels araneses, monegasques e ciutadans de las Valadas, vòtan uèi pel primièr torn d’eleccions municipalas extraordinàrias. D’un caire, cal remarcar las mesuras presas per combatre l’epidemia del coronavirus e de l’autre la situacion d’urgéncia nacionala que la patís la lenga nòstra dins los domenis cultural, educatiu, lingüistic, economic, social e environamental. Es doncas l’ocasion de demostrar que l’occitanisme politic existís e que vòl far de politica.
 
Sens cap de de dobte, lo movement politic occitanista amassat a l’entorn de Bastir-País Nòstre es un fenomèn interessant e encoratjant. Es tanben encoratjant que las quatre candidaturas principalas que se son presentadas a Tolosa presenten dins son programa de politicas per la lenga occitana.
 
Enfin, nos a semblat un projècte mai qu’interessant la candidatura niçarda Viva Niça 2020 que presenta per la ciutat mai orientala d’Occitània una candidatura democratica, ecologica e solidària amb de claras politicas lingüisticas per l’occitan niçard, en respectant las autras lengas presentas dins la vila, dont la lenga dels signes.