Actualitats
Coronavirus: lo Reialme Unit pren pas cap de mesura
Boris Johnson prioriza l’economia e espèra que mai d’infeccions ajudaràn a desvolopar l’immunitat contra la Covid-19
Lo Reialme Unit a adoptat una estrategia radicalament opausada als autres païses fàcia a la pandemia de Covid-19 causada pel darrièr coronavirus. Lo primièr ministre Boris Jonhson a preferit d’escometre sus l’economia e a pas pres, doncas, de mesuras contra l’espandiment del virus. E mai, segon sos especialistas, del mai de personas contaminadas i aurà, del mai aisit serà que la populacion desvolope l’immunitat davant una segonda èra de l’epidemia que poiriá tornar dins la tardor o l’ivèrn que ven.
Pasmens, un sector de la premsa e dels scientifics an criticat aquela decision car met en perilh un nombre fòrça naut de ciutadans britanics. E mai afirman que las mesuras radicalas impausadas dins d’autres païses, coma es lo cas de China qu’a confinat tota la província de Wuhan, an foncionat e aquí l’epidemia i es a recular.
Segon Mark Woolhouse, de l’Universitat d’Edimborg, l’estratègia es corrècta. Assegura que se tracta d’aprene a conviure amb lo virus e non pas de lo far desparéisser. Per aquela rason, segon el, cal desvolopar l’immunitat. Woolhouse assolida quitament que l’OMS deurà cambiar de posicion e donar rason al Reialme Unit, çò rapòrtaNews Scientist.
Totun, Helen Ward, de l’Imperial College de Londres, ditz que l’estrategia de “l’immunitat del tropèl es inquietanta”. E mai assegura qu’es “estranh de l’utilizar coma estrategia de contraròtle sens vaccin”.
Del caire economic, sembla complicat que lo Reialme Unit pòsca arrestar lo còp financièr qu’arriba dins un Mond globalizat.
Pasmens, un sector de la premsa e dels scientifics an criticat aquela decision car met en perilh un nombre fòrça naut de ciutadans britanics. E mai afirman que las mesuras radicalas impausadas dins d’autres païses, coma es lo cas de China qu’a confinat tota la província de Wuhan, an foncionat e aquí l’epidemia i es a recular.
Segon Mark Woolhouse, de l’Universitat d’Edimborg, l’estratègia es corrècta. Assegura que se tracta d’aprene a conviure amb lo virus e non pas de lo far desparéisser. Per aquela rason, segon el, cal desvolopar l’immunitat. Woolhouse assolida quitament que l’OMS deurà cambiar de posicion e donar rason al Reialme Unit, çò rapòrtaNews Scientist.
Totun, Helen Ward, de l’Imperial College de Londres, ditz que l’estrategia de “l’immunitat del tropèl es inquietanta”. E mai assegura qu’es “estranh de l’utilizar coma estrategia de contraròtle sens vaccin”.
Del caire economic, sembla complicat que lo Reialme Unit pòsca arrestar lo còp financièr qu’arriba dins un Mond globalizat.
This country will get through this epidemic, just as it has got through many tougher experiences before. pic.twitter.com/3KfFGyRWzA
— Boris Johnson (@BorisJohnson) March 13, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi que son los metges e investigadors los qu'an de dire lo camin qu'an de seguir los governs. A Mallorca i a paucs cases e s'a adopat per tot l'estat las mateissas mesuras qu' a Madrid que n'i a molts. La prima vedet "Casado"del PP, critiquet a Pedro de que non feia res, alara comencet lo teatre del bon. Quan venia una bona companhia de teatre a Palma anava la gent al Teatre Principal, mas ara la comedia es per las carrieras, amb unas mesuras exageradas, coas per entrar als comercis d'aliments, escolas tancadas amb lo gaudi dels alumnes, los parcs tancats fins i tot lo pinar del castelhs de Bellver qu' es un bosc molt gran. "Teatro del bueno" coma desia Mourinho lo folh.
Los angleses an ja daissat caire los valents catalans que, durant la guerra de succession d'Espanha, luchavan contra los Borbons franceses e castelhans. Los catalans actuals, a mon vejaire, autorizaran pas lo Johnson a sepelir monde d'aquesta nacion al fossar de las Moreres (darrièr Santa Maria del Mar) que es un lòc sacrat pels patriòtas catalans :
Al fossar de las Moreres
No s'hi enterra cap traîdor
Fins perdent nostres banderes
Serà l'urna de l'honor !
Cal granmercejar Josiana per tot aquo que fa . de mond coma ela n'i a pas gaire uei.
Aqueste, per reglar los problèma eventual d'unas caissas de retirada, a trapat lo biais ! Daissa crebar totes los vièlhs coma de bèstias. Non sabèm ont Johnson compta los far sebelir. Benlèu darrièr santa Maria del Mar, a Barcelona ? Pòt damndar als eiretièrs del franquisme, s'i coneisson per sacar en tèrra milanta mila victimas e passa que t'ai vist ! Mas s'es l'economia qu'es privilegiada, ne poiriá aitanplan comnvertir las rèstas en agrocarburant. Inventaire del veterocarburant, lo tipe ! Li tirarem lo capèl.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari