Actualitats
Recòrd d’abstencion a las eleccions municipalas coma èra de preveire
I a pas cap de participacion minimala per que las eleccions sián validadas, mas un eventual repòrt del segond torn obligariá de recomençar tot lo procès
Coma èra de preveire, las eleccions municipalas dins l’estat francés, que pertòcan l’Occitània granda, an vist un recòrd absolut d’abstencion, mai que mai a causa de las mesuras que se prenon per conténer la propagacion de la Covid-19. Dijòus, lo president francés, Emmanuel Macron, faguèt una crida a demorar a l’ostal, ordenèt lo barrament de las escòlas e enebiguèt los recampaments amb mai de cent personas. Totun, lo primièr torn de las municipalas s’es pas reportat. I a pas cap de participacion minimala per que las eleccions sián validadas, mas un eventual repòrt del segond torn obligariá de recomençar tot lo procès.
Dins los burèus de vòte se cercava d’aculhir los electors dins las melhoras condicions possiblas, del temps que l’epidemia passava dissabte al dich “estadi 3”. Caliá, doncas, evitar las filas d’espèra, respectar las distàncias de seguretat, utilizar de gèl idroalcolic... de consignas pas totjorn respectadas.
Una escasença per l’occitanisme
L’occitanisme sembla de s’èsser eviscolat un pauc en aquestas eleccions municipalas, saique a causa de la situacion d’urgéncia nacionala que la patís la lenga nòstra dins los domenis cultural, educatiu, lingüistic, economic, social e environamental.
Sens cap de de dobte, lo movement politic occitanista amassat a l’entorn de Bastir, labelizat aqueste còp coma Occitània-País Nòstre es totjorn un fenomèn interessant e encoratjant. Es tanben encoratjant que las quatre candidaturas principalas que se son presentadas a Tolosa prepausen dins son programa de politicas per la lenga occitana.
De veire tanben quin serà lo resultat que l’obtendrà a Niça la candidatura Viva Niça 2020 qu’a presentat per la ciutat mai orientala d’Occitània una candidatura democratica, ecologica e solidària amb de claras politicas lingüisticas per l’occitan, en respectant las autras lengas presentas dins la vila, dont la lenga dels signes.
Un moment complicat per Macron
Las eleccions municipalas son arribadas a un moment pauc favorable a Macron, que sa popularitat a davalat fòrça, sustot en seguida de la contestada reforma de las pensions impausada a còp de 49.3. E mai son partit ten una estructura territoriala flaca per configurar de listas municipalas.
De lor costat, los Republicans e lo Partit Socialista se baton per servar lo poder local, mai que mai dins las vilas pus grandas, après èsser meses de costat dins las eleccions presidencialas, legislativas e europèas. De bons resultats a aquestas municipalas poirián significar una recuperacion dins los futurs rendètz-vos electorals de portada regionala e estatala del temps qu’una revirada poiriá força accelerar lor descomposicion.
Los resultats, los legeires d’aqueste modèst jornal los trobaràn de pertot. Las nòstras limitacions nos daissaràn pas res mai qu’analisar, long de la setmana que comença, los eventuals succèsses obtenguts per l’occitanisme en aquestas eleccions, en cas que sián pas anulladas per una participacion tròp bassa.
Dins los burèus de vòte se cercava d’aculhir los electors dins las melhoras condicions possiblas, del temps que l’epidemia passava dissabte al dich “estadi 3”. Caliá, doncas, evitar las filas d’espèra, respectar las distàncias de seguretat, utilizar de gèl idroalcolic... de consignas pas totjorn respectadas.
Una escasença per l’occitanisme
L’occitanisme sembla de s’èsser eviscolat un pauc en aquestas eleccions municipalas, saique a causa de la situacion d’urgéncia nacionala que la patís la lenga nòstra dins los domenis cultural, educatiu, lingüistic, economic, social e environamental.
Sens cap de de dobte, lo movement politic occitanista amassat a l’entorn de Bastir, labelizat aqueste còp coma Occitània-País Nòstre es totjorn un fenomèn interessant e encoratjant. Es tanben encoratjant que las quatre candidaturas principalas que se son presentadas a Tolosa prepausen dins son programa de politicas per la lenga occitana.
De veire tanben quin serà lo resultat que l’obtendrà a Niça la candidatura Viva Niça 2020 qu’a presentat per la ciutat mai orientala d’Occitània una candidatura democratica, ecologica e solidària amb de claras politicas lingüisticas per l’occitan, en respectant las autras lengas presentas dins la vila, dont la lenga dels signes.
Un moment complicat per Macron
Las eleccions municipalas son arribadas a un moment pauc favorable a Macron, que sa popularitat a davalat fòrça, sustot en seguida de la contestada reforma de las pensions impausada a còp de 49.3. E mai son partit ten una estructura territoriala flaca per configurar de listas municipalas.
De lor costat, los Republicans e lo Partit Socialista se baton per servar lo poder local, mai que mai dins las vilas pus grandas, après èsser meses de costat dins las eleccions presidencialas, legislativas e europèas. De bons resultats a aquestas municipalas poirián significar una recuperacion dins los futurs rendètz-vos electorals de portada regionala e estatala del temps qu’una revirada poiriá força accelerar lor descomposicion.
Los resultats, los legeires d’aqueste modèst jornal los trobaràn de pertot. Las nòstras limitacions nos daissaràn pas res mai qu’analisar, long de la setmana que comença, los eventuals succèsses obtenguts per l’occitanisme en aquestas eleccions, en cas que sián pas anulladas per una participacion tròp bassa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
fau díder que los medias an plan ajudat a l'abstencion. benlèu un mea culpa meilèu que se plànher, aquò seré dignitat.
quand digun demiei la societat de comunicacion que nos governa n'a pas aprestat las eleccions (dens jornalet, 1 article ende cubrir la campanha !), e que tots venen balhar leissons de democràcia après... i a pas quicòm que truca ?
"com èra de preveire", aqueth cinisme...
Plan segur, la lista "Viva Niça 2020" evocada dins aqueste article de "Jornalet" es l'una de las cinquantenadas labellisadas "Occitània País Nòstre".
Malastrosament, quitament se t'arriva en 4ena posicion (sus 8), se pòt pas mantenir au second torn : chic se'n manca, fa 8,90%, e calia passar lo cap dels 10% per se mantenir.
Au second torn a Niça (Nissa ?), lo conse sortent Christian Estrosi es francament favorit (47,62%) ; en seguida, ven l'extrèma-dreta, menada per Felip Vardon, un gus gessit dels identitarias Nisarts ("Nissa Rebela") e convertit al Rassemblament Nacional (16,69%) ; enfin, i a una tresena lista menada per l'ecologista Jean-Marc Governatòri (11,30%).
Vist l'incompatibilitat ideologic d'aquestas tres listas, anam a Niça cap a una triangularia, que diuria tornar menar lo Christan Estrosi coma conse.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari