Actualitats
Coronavirus: confinament de totes los ciutadans d'Occitània
En mai de las mesuras presas la setmana passada de barrament de las escòlas, dels bars e comèrcis non essencials, Macron a anonciat un confinament mas sens ne prononciar lo mot
Las frontièras estatalas que tòcan Occitània son ara totas barradas pendent 30 jorns per evitar la pandemia de la Covid-19, ne prevenir l’espandiment e la saturacion dels espitals. Una demanda de l’Union Europèa que l’aviá ja aprovada Itàlia, e que ièr aprovèron tanben las autoritats dels estats espanhòl e francés. Atal, se pòt pas anar d’Aran a Comenge ni d’Ubaia a la Val d’Estura. E mai los desplaçaments dins los territòris estatals son fòrça reduches.
Macron anóncia un confiament sens ne prononciar lo mot
En mai de las mesuras presas la setmana passada de barrament de las escòlas, dels bars e comèrcis non essencials, lo president francés, Emmanuel Macron anoncièt ièr a 20h un confinament dels ciutadans, e mai se prononcièt pas aquel mot. “Sèm en guèrra”, çò tornèt afortir sièis còps.
Uèi, a partir de miègjorn e per 15 jorns, almens, los “desplaçaments seràn plan fòrtament reduches". E mai los “recampaments exteriors seràn pas pus permeses, de retrobar d’amics serà pas pus possible: s’agís de limitar los contactes al maxim al delà del fogal”, çò diguèt. Los trajèctes permeses son solament “los necessaris per far las crompas, en respectant las distàncias, per se sonhar, per anar trabalhar”, çò apondèt. En mai d’aquò, Macron assolidèt que totas las entrepresas se devián “organizar per facilitar lo trabalh a distància, e quand aquò serà pas possible, deuràn adaptar lor organizacion per far respectar los gèstes barrièra”. E encara precisèt que “tota infraccion serà sancionada”.
L’armada s’encargarà de desplaçar los malauts, se bastirà un espital devèrs Alsàcia, region particularament pertocada, los loguièrs son suspenduts e tanben las facturas d’aiga e d’energia per las societats dirèctament afectadas, l’Estat s’engatja a garentir los prèses de las entrepresas e a empachar que fagan quincanèla, e s’arrèsta totas las reformas, compresa la controversiada reforma de las pensions.
Ça que la, las regions Grand Èst e Illa de França, ont i a lo pus grand nombre d’infectats pel coronavirus, son pas isoladas. Fòrça parisencs son partits de la meteissa manièra qu’o faguèron un fum de madridencs dins la dimenjada.
Segon torn de las municipalas reportat
Dins son messatge, Macron anoncièt que lo segond torn de las eleccions municipalas se repòrta sine die, segon de modalitats que seràn precisadas pel govèrn e pels parlamentaris. Lo primièr torn s’èra tengut dimenge passat, ja jos la menaça de la pandemia e, coma èra de preveire, i aguèt una chifra recòrd d’abstencion.
Un infectat en Aran
Dins l’estat espanhòl, s’anoncièt dimenge de mesuras semblablas e la recentralizacion del país. Mas lo barrament de las frontièras, qu’èra l’exigéncia de la Generalitat de Catalonha, es pas arribat al ponch que lo demandava Brussèlas.
Lo president de la Generalitat, Quim Torra, e son vicepresident, Pere Aragonès, an anonciat que son infectats pel coronavirus e demòran isolats, e mai sián en foncions per mejan del teletrabalh.
De son costat, lo Conselh General d’Aran raportèt ièr diluns lo primièr cas positiu de coronavirus del país de cap de Garona. La persona afectada presenta de simptòmas leugièrs e es dins son ostal contrarotlat periodicament pel personal sanitari.
Macron anóncia un confiament sens ne prononciar lo mot
En mai de las mesuras presas la setmana passada de barrament de las escòlas, dels bars e comèrcis non essencials, lo president francés, Emmanuel Macron anoncièt ièr a 20h un confinament dels ciutadans, e mai se prononcièt pas aquel mot. “Sèm en guèrra”, çò tornèt afortir sièis còps.
Uèi, a partir de miègjorn e per 15 jorns, almens, los “desplaçaments seràn plan fòrtament reduches". E mai los “recampaments exteriors seràn pas pus permeses, de retrobar d’amics serà pas pus possible: s’agís de limitar los contactes al maxim al delà del fogal”, çò diguèt. Los trajèctes permeses son solament “los necessaris per far las crompas, en respectant las distàncias, per se sonhar, per anar trabalhar”, çò apondèt. En mai d’aquò, Macron assolidèt que totas las entrepresas se devián “organizar per facilitar lo trabalh a distància, e quand aquò serà pas possible, deuràn adaptar lor organizacion per far respectar los gèstes barrièra”. E encara precisèt que “tota infraccion serà sancionada”.
L’armada s’encargarà de desplaçar los malauts, se bastirà un espital devèrs Alsàcia, region particularament pertocada, los loguièrs son suspenduts e tanben las facturas d’aiga e d’energia per las societats dirèctament afectadas, l’Estat s’engatja a garentir los prèses de las entrepresas e a empachar que fagan quincanèla, e s’arrèsta totas las reformas, compresa la controversiada reforma de las pensions.
Ça que la, las regions Grand Èst e Illa de França, ont i a lo pus grand nombre d’infectats pel coronavirus, son pas isoladas. Fòrça parisencs son partits de la meteissa manièra qu’o faguèron un fum de madridencs dins la dimenjada.
Segon torn de las municipalas reportat
Dins son messatge, Macron anoncièt que lo segond torn de las eleccions municipalas se repòrta sine die, segon de modalitats que seràn precisadas pel govèrn e pels parlamentaris. Lo primièr torn s’èra tengut dimenge passat, ja jos la menaça de la pandemia e, coma èra de preveire, i aguèt una chifra recòrd d’abstencion.
Un infectat en Aran
Dins l’estat espanhòl, s’anoncièt dimenge de mesuras semblablas e la recentralizacion del país. Mas lo barrament de las frontièras, qu’èra l’exigéncia de la Generalitat de Catalonha, es pas arribat al ponch que lo demandava Brussèlas.
Lo president de la Generalitat, Quim Torra, e son vicepresident, Pere Aragonès, an anonciat que son infectats pel coronavirus e demòran isolats, e mai sián en foncions per mejan del teletrabalh.
De son costat, lo Conselh General d’Aran raportèt ièr diluns lo primièr cas positiu de coronavirus del país de cap de Garona. La persona afectada presenta de simptòmas leugièrs e es dins son ostal contrarotlat periodicament pel personal sanitari.
Pour vaincre le COVID-19, dès demain midi et pour 15 jours au moins, nos déplacements seront fortement réduits. pic.twitter.com/9GyWFoTKLI
— Emmanuel Macron (@EmmanuelMacron) March 16, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10 « E aquelses Gilets jaunes, ges mon diu ! Agara es una pietat fa mai d’un an e ne sem totjorn al meteis punt, vertat que son mascanhas del diable ! » E aqui la fauta, se ne sèm al meteis punt ? Qui es lo tiran que mespresa lo pòble, quand lo pòble ditz que patís ?
Cal moneda per far la revolucion ? Per far la revolucion, cal n'acabar amb la moneda, presa xcoma objectiu en se. Sense aqueste revirament, cap de revolucion, sonque d'estalinisme…
#8
Còp sec me te cal balhar novèlas de la barganha d’auèi matin.
Lo cac 40 a clauzegut entà 3881,46 punts arser.
E auèi matin devriá èsser dierp entà 3991,78 punts siá una alsada de + 2,84%.
De qué sarà l’enjorn (intraday) o veirem ben ….
La bancas d’afars que farian quincanèla… Damri diu (un biais occitan de diser Oh senher diu), me te cal brembar que sem ara desempuèi qualquas annadas dins lo « Bail-in » enque del vièlh sistem « Bail-out), es a diser que per repetaçar las bancas sarà ton dequé que participarà a-n-aquò.
Segur i a qualquas barandas per balhar una mena de cambia e far mina d’èsser aparats, per aquò polit, per cambiar, una pichona votacion jol coide dels deputats a la resconduda passat mièja nuèch e fai tirar !
Puèi te trachas pas qu’aquelas bancas qu’an investit dins las energias permansivas, eolianas, batariás e tot aquò o poiran pus far, alavetz sarà tanben quincanèla de l’ecològia, tornarem al fuòc de lenha que poluisson tant que son enebits los jorns de pollucions.
Tot es ligat, se n’en afrabas un, los risca es de te t’afrabar tu meteis per donman !
E aquelses Gilets jaunes, ges mon diu ! Agara es una pietat fa mai d’un an e ne sem totjorn al meteis punt, vertat que son mascanhas del diable !
Quora l’òm vòl far la revolucion cal una organizacion, d’argent tanben, e de crèire pas al paire nadal.
Puèi nòstra combat es la lenga la cultura occitana e non pas la revolucion, alavetz agara un bocin mai ta cultura, ta lenga, ajuda a son desvolopament, fai la clantir per carrièras a l'ostal, dins tos sòmis e benlèu que se poirà esperà un briu un pichon salvament de quicòm.
Vèsi pas cossi t'en sabes mal que clantissa tanben sul las plaças borsièras. L'astrada d'una lenga es d'èsser pertot e de cap de biais al trast!
Doblidessas pas lo "soft power" e las tecnicas del seduziment : https://opinion.jornalet.com/leclercq/blog/3094/acord-blum-byrnes-lo-cinema-coma-arma
Dempuèi de sègles, la lenga occitana es confinhada en fach mas pas complètament en drech. Anatz-i, fantons! Ara qu'avètz léser, inondatz los mèdias de messatges en òc. Per desconfinhar la lenga!
Òme d'òc, as drech a la paraula: parla! La tela es un bon otís er aquò.
#7 La flaquesa borsièras es en granda partida deguda a la plan tròp fòrta financiarizacion especulativa, e, sul plan de l'economia reala, al trò, al fòrça plan tròp avançat procèssus de delocalizacion de la man d'òbra. Vesi pas perqué los que jamai non ganhan res als jòcs de las borsas i deurián pèrdre e pagar qué que siá. Las bancas d'afars fan quicanèlas ? E ben que crèben. Las ploararem pas. Qué voles que nos faga, aquò ? Quand sèm nosautres los que patissèm del sistèmi que los enriquís obscènament, se'n chautan ben pro, de nosautres ! Pagar per aquelas ? Fa mai de dètz ans, ja, que pagam pel darrièr còp que nos fotèron lo bordèl. Ara n'i a pro…
CAC40 Las novèlas de la jornada
La clauzedura d’aièrc èra a 3881,46 punts.
Aiceste matin la dubertura se faguèc a 4041,33 punts.
L’enjorn (intraday) nos fa vèire qu’avem copat dos còps la linha de clauzedura de la velha.
Un còpa devèrs la 09H55 a la baissa entà 3858,68 punts e a la pujada devèrs 15h15 ambe 3906,06 punts.
Lo mai bàs de la temporada fuguèc 3759,00 punts, lo mai naut 4042,46 punts.
Dins l’enjorn (Intraday) avem fach 3991,78 punts + 2,84%
Ja sabem que COVID-19 nos va costar car
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari