Actualitats
Colómbia: los indigènas denóncian la “politica de la paur” d’Iván Duque
Dempuèi qu’es al poder, an aumentat las menaças e los assassinats d’indigènas, lors confinaments e lors desplaçaments forçats. Cap d’enquista s’es pas entamenada
Duque arribèt al poder en Colómbia al començament d’agost de 2018. Dempuèi aquel moment e fins al 9 de març passat, l’Onic a comptat l’assassinat de 162 indigènas, 555 menaças collectivas, 14 266 personas confinadas e 6985 personas desplaçadas per fòrça.
L’Onic denóncia que las mobilizacions que las nacions originàrias an entamenadas per exigir lors dreches an agut coma responsas de menaças e l’assassinat d’un vintenat de caps indigènas, dont lo conselhièr màger de l’Onic.
Ne fan responsable lo quite president Iván Duque, per aver enregat una politica permissiva qu’encoratja la violéncia contra los indigènas. Es çò qu’apèlan “politica de la paur”.
Cal soslinhar que lo govèrn colombian a pas dobèrt cap d’enquista sus aqueles assassinats, e mai permet que l’armada aja creada e publicada una “lista de l’oposicion” ont l’Onic es mençonada e tanben qualques unes de sos membres individualament.
Davant tot aquela paur, l’Onic sollicita de l’ÒNU que mande sa raportaira suls dreches dels pòbles indigènas, Victoria Tauli-Corpuz, per que visite Colómbia e constate sul terren la situacion denonciada. En mai d’aquò, demanda a Iván Duque qu’assegure las garentidas necessàrias a la raportaira de l’ÒNU per que s’i gandisca.
Colómbia es un dels païses latinoamericans ont los pòbles originaris son estats istoricament mai excluses e mespresats.
#ATENCIÓN| La @ONIC_Colombia rechaza la política de miedo que se viene imponiendo bajo el gobierno de @IvanDuque y que agudiza la crisis humanitaria, social y territorial de los Pueblos Indígenas: https://t.co/l4otfXRUoz. @luiskankui@Albrunori@MinInterior@AliciaArango. pic.twitter.com/3MJCfwZBh1
— Organización Nacional Indígena de Colombia - ONIC (@ONIC_Colombia) March 13, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los pòbles originaris de Colómbia protèstan contra las politicas del president Iván Duque e las qualifican d’un “ensag d’exterminacion fisica e culturala”. Nos cal júnher amb eles ! Los successius governaments de França despuèi sos fotuts e maldits capecians menan una plolitica d'exterminacion culturala que non s'acabarà qu'amb la nòstra disparicion…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari